Փորձագետների հավաքագրում՝ ոչ ֆորմալ կրթական ծրագրերի մասնագիտական փորձաքննության իրականացման նպատակով

Մարտի 4, 2025

Լուրեր կազմակերպություններից

Մասնագիտական կրթության և ուսուցման զարգացման ազգային կենտրոնը հայտարարում է ոլորտային փորձագետների հավաքագրում:

Ընտրված փորձագետները կներգրավվեն ոչ ֆորմալ (լրացուցիչ) կրթական ծրագրերի (կարճաժամկետ, միկրոորակավորումների) փորձաքննություն իրականացնելու նպատակով ձևավորվող մասնագիտական խմբերում:

Փորձագետի հավակնորդին ներկայացվող պահանջներ՝

• բարձրագույն կամ միջին մասնագիտական կրթություն,
• տվյալ ոլորտում մասնագիտական աշխատանքային փորձառություն (նվազագույնը 3 տարվա),
• տվյալ ոլորտի վերաբերյալ բովանդակային փաստաթղթերի (կարճաժամկետ ծրագրեր, չափորոշիչներ, մոդուլային ծրագրեր, որակավորումների նկարագրեր և այլն) մշակման փորձառություն կամ տեղական և միջազգային կառույցների կողմից իրականացվող մասնագիտական ծրագրերում՝ որպես փորձագետ ընդգրկված լինելու փորձ:

Հայտ ներկայացնելու համար անհրաժեշտ է ներկայացնել՝

1. բարձրագույն կամ միջին մասնագիտական կրթությունը հավաստող փաստաթուղթ,
2. գիտական աստիճանը հավաստող փաստաթուղթ (առկայության դեպքում),
3. ինքնակենսագրություն (CV),
4. մասնագիտական ոլորտի հետ կապված տարբեր ծրագրերի մասնակցության վերաբերյալ տեղեկատվություն կամ էլեկտրոնային հղումներ:

Պահանջվող փաստաթղթերն ուղարկել karinegroupexpert@gmail.com էլեկտրոնային փոստին` 24-ժամյա ռեժիմով` մինչև 2025 թվականի ապրիլի 1-ը՝ ժամը 24:00-ն ներառյալ:

Լրացուցիչ տեղեկությունների համար զանգահարել  (+374) 94417123 հեռախոսահամարով (Կարինե Գրիգորյան) աշխատանքային օրերին՝ մինչև ժամը 18:00:

Ոչ ֆորմալ կրթական ծրագրերը մասնագիտական փորձաքննություն անցնելուց և դրական եզրակացություն ստանալուց հետո ԿԳՄՍ նախարարության կողմից կերաշխավորվեն` ընդգրկվելով երաշխավորված ծրագրերի ցանկում: Հայտարարագիր լրացնող քաղաքացիները հնարավորություն կունենան այդ ծրագրերի մասնակցության համար կատարած վճարումների դիմաց ստանալ եկամտային հարկի վերադարձ՝ տարեկան առավելագույնը 100 հազար դրամի չափով` բացառապես անկանխիկ եղանակով կատարված ուսման վճարների դիմաց:

Նյութի աղբյուրը. ՀՀ կրթության, գիտության, մշակույթի և սպորտի նախարարություն