Երեխաների ավնտանգ և առողջ միջավայրն առաջնային է

Մայիսի 26, 2017

Լուրեր կազմակերպություններից

Տավուշի մարզի Խաշթառակի ԻՄՓԱՔԹ ակումբը, որը երեք տարի է ինչ  գործում է համայնքում, մոտ 35 երեխաների համար իրականացրեց նոր ծրագիր «Երեխան անվտանգ և առողջ միջավայրում»  խորագրով: Ծրագրի նպատակն էր  դպրոցի 2-րդ և 3-րդ դասարանցիներին հաղորդել անհրաժեշտ գիտելիքներ և հզորացնել կարողություններ գիտելիքները և կարողությունները առողջ և առօրյա վտանգավոր իրավիճակներում ապրելու և օրինակելի վարքագիծ դրսևորելու համար: Ծրագրի շրջանակներում ներկայացվեց երկարատև չոչնչացող աղբի վատ ազդեցությունների վերաբերյալ կրթա-ուսուցողական տեղեկատվական ներկայացում, իսկ գործնական աշխատանքի ընթացքում ակումբականները փոքրիկներին ուսանեցին անպետք պլաստմասե ու այլ իրերից նոր իրեր պատրաստելու մասին: Փոքրիկները հասկացան, որ շրջակա միջավայրի աղտոտումն սպառնում է մարդու առողջությանը, բույսերի ու կենդանիների տեսակային բազմազանության խախտմանը, որոնք հանգեցնում են միջավայրի որակական վատթարացմանը:  Ցուցադրվեցին երեխայի ամենօրյա ճիշտ ու օրինակելի ռեժիմի պահպանում (նաև ձեռքերը մաքուր պահելու մասին)՝ շնորհանդես և բեմականացում երեխայի առօրյա ճիշտ ռեժիմի պահպանման վերաբերյալ: Շատ կաևոր էր նաև  դրսում և տանը անվտանգ կենսակերպ վարելու մասին նոր տեղեկատվության մատուցումը: Ցանկացած մարդ պետք է  կարողանա  կանխատեսել    վտանգները, հնարավորության դեպքում  խուսափի նրանցից, իսկ  անհրաժեշտության  դեպքում՝  գործի    գրագետ՝ իրավիճակից դուրս  գալով  նվազագույն կորուստներով: Երեխաները սովորեցին, թե ինչպես պետք է պահպանեն իրենց անվտանգությունը, երբ միայնակ են գտնվում տանը և դրսում, երբ ծնողները նրանց հետ չեն:  Օրինակ, երեխաները իմացան, որ եթե անծանոթը իրենց առաջարկում է որևէ տեղ գնալ առանց ծնողների իմացության կամ նվերներ ստանալ անծանոթից, դա կարող է երեխայի անվտանգությանը սպառնալիք հանդիսանալ:  Ծրագրի ավարտին փոքրիկները ստացան տեղեկատվական էջանիշներ և գրքեր:

Ծրագրի փոքրիկ մասնակից,  9-ամյա Գեղամն  մեծ ոգևորությամբ մասնակցեց, նշելով. «Ծրագիրն իմ և իմ ընկերների  համար շատ օգտակար էր։ Մենք սովորեցինք ինչպես ճիշտ լվանանք մեր ձեռքերը, ինչպես օգտագործենք մեր բակում ընկած պաստմասսե շշերը  և դրանցից պատրաստենք, օրինակ, փոքրիկ ծաղկամաններ։ Դրանով մաքուր ենք պահում մեր բակը: Տեղեկատվական էջանիշներ կարդաց նաև իմ եղբայրը»։

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: 2016թ. դրությամբ մոտ 33 ակտիվ ԻՄՓԱՔԹ ակումբներ էին գործում  Հայաստանի 6 մարզերում, որոնք ունեն ավելի քան 500 անդամ: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Այն ստեղծագործաբար միավորում է զվարճանքը, ուսուցումը և համայնքային ծառայությունը, նաև խրախուսում է երիտասարդներին` նրանց տրամադրելով սոցիալական, քաղաքական և տնտեսական կյանքում մասնակցելու անհրաժեշտ ունակություններ և կարողություններ:

ՎՎՀ Իջևանի Տարածքային ծրագրի գրասենյակ