ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է WebEx Technologies ընկերության ներկայացուցիչներին։
Մրցութային կարգով ընտրված այս ընկերությունը ստեղծել է ԿԳՄՍՆ ենթակայությամբ գործող թանգարանների և արգելոց-թանգարանների էլեկտրոնային տոմսերի museumsarmenia.am միասնական հարթակը:
Հանդիպմանը ներկա են եղել նաև ԿԳՄՍ նախարարի տեղակալ Ալֆրեդ Քոչարյանը, գլխավոր քարտուղար Հասմիկ Հակոբյանը, մշակութային ժառանգության վարչության պետ Աստղիկ Մարաբյանն ու նախարարության ենթակայությամբ գործող թանգարանների տնօրեններ:
WebEx Technologies ընկերության պատասխանատուների խոսքով՝ էլեկտրոնային տոմսերի միասնական ավտոմատացված համակարգն արդեն ներդրված է 26 թանգարանում:
Կարևորելով նոր համակարգի գործարկումը՝ ԿԳՄՍ նախարարը շնորհակալություն է հայտնել կատարած աշխատանքի և արդյունավետ համագործակցության համար:
«Տոմսերի միասնական էլեկտրոնային համակարգի ներդրման նպատակը թանգարանային ոլորտի կառավարման արդյունավետության բարելավումն է։ Էլեկտրոնային հարթակը պետք է քաղաքացիներին և զբոսաշրջիկներին բարձրակարգ ծառայություն մատուցի, որպեսզի օգտվելով այս գործիքից՝ նրանք մշակութային ժառանգությանը հաղորդակցվեն ավելի հեշտ ու հարմար եղանակով: Համակարգից օգտվող հազարավոր շահառուների սպասարկումը պատասխանատու աշխատանք է, և ընթացքում համակարգը կարող է ունենալ նաև լավարկումների և տեխնիկական հնարավորությունների զարգացման կարիք»,- ասել է Ժաննա Անդրեասյանը՝ ընդգծելով համակարգի շարունակական ընդլայնման և տեխնիկական բարելավման անհրաժեշտությունը:
Հիշեցնենք՝ համակարգի մեկնարկը տրվել էր 2024 թվականին Հայաստանի պատմության թանգարանում բացված «Մայր աստվածություն. Անահիտից Մարիամ» խորագրով ժամանակավոր ցուցադրության տոմսերի վաճառքով:
Museumsarmenia.am կայքի միջոցով յուրաքանչյուր քաղաքացի ստանում է համապարփակ տեղեկատվություն թանգարանների, արգելոց-թանգարանների, ինչպես նաև դրանցում գործող ծրագրերի, ցուցադրությունների և ընթացիկ միջոցառումների մասին, ինչպես նաև կարողանում է էլեկտրոնային հարթակի միջոցով պատվիրել իրեն հետաքրքրող ցուցադրության տոմսը՝ ժամանակակից տեխնոլոգիաների կիրառմամբ: App Store-ում և Google Play-ում արդեն հասանելի է նաև միասնական ավտոմատացված համակարգի Museum Armenia բջջային հավելվածը:
ԿԳՄՍ նախարարը խրախուսել է նաև համակարգում համայնքային և մասնավոր թանգարանների ներգրավվածությունը. «Որքան ավելի շատ թանգարաններ միանան համակարգին, այնքան ավելի լավ»:
Հանդիպման ընթացքում անդրադարձ է եղել նաև թանգարանների մուտքի կառավարման համակարգերին՝ տուրնիկետների, QR կոդի և այլ միջոցների կիրառմամբ:
Նշենք՝ էլեկտրոնային տոմսերի միասնական ավտոմատացված համակարգը բաղկացած է երկու հիմնական բաղադրիչից՝ տոմսերի վաճառքի և մուտքի հասանելիության վերահսկման ու կառավարման համակարգերից:
Տոմսերի վաճառքի համակարգն այցելուների համար եռալեզու (հայերեն, ռուսերեն և անգլերեն) կայք է, որի միջոցով իրականացվում են կարգաբերումները, մուտքագրվում է ողջ տեղեկատվությունը, դրամարկղի վաճառողների կողմից իրականացվում է տոմսերի առձեռն վաճառքը, սահմանվում է գնային, զեղչային և աբոնեմենտային քաղաքականությունը, գեներացվում են հաշվետվությունները, ապահովվում է կապը մուտքի հասանելիության վերահսկման և կառավարման համակարգի հետ և այլն:
Մուտքի հասանեիության վերահսկման և կառավարման համակարգը նախատեսված է ընդհանուր ղեկավարման, օգտագործողների ստեղծման և կառավարման, թանգարանների և մասնաճյուղերի անհատական հաշիվների և էջերի ստեղծման և կառավարման, տարատեսակ ցուցադրությունների և այլ ծրագրերի ստեղծման և կառավարման, տոմսերի, գների զեղչերի սահմանման, խմբագրման, ինչպես նաև առցանց հերթագրման համար:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
