ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հ. Իգիթյանի անվան գեղագիտության ազգային կենտրոնը ՀՀ կրթության, գիտության, մշակույթի և սպորտի նախարարության դրամաշնորհային աջակցությամբ իրականացրել է «Շառլ Ազնավուր 100», «Սերգեյ Փարաջանով 100» համահայկական մանկապատանեկան նկարչական մրցույթ-փառատոնը։
Ամփոփիչ միջոցառմանը ներկա են եղել և մրցանակները հանձնել են ԿԳՄՍ նախարարի տեղակալներ Արթուր Մարտիրոսյանը և Դանիել Դանիելյանը, ինչպես նաև Սփյուռքի գործերի գլխավոր հանձնակատար Զարեհ Սինանյանը։
Մրցույթ-փառատոնը նախատեսված էր Հայաստանի և սփյուռքի 8-18 տարեկան երեխաների և պատանիների համար։ Հիմնական նպատակն էր հնարավորություն ընձեռել երեխաներին և պատանիներին ավելի խորը ուսումնասիրելու և ծանոթանալու Շառլ Ազնավուրի և Սերգեյ Փարաջանովի ստեղծագործական գործունեությանը և ժառանգությանը, հետևաբար՝ ընդլայնելու իրենց գիտելիքները և հմտությունները արվեստի ոլորտում, զարգացնելու գեղագիտական ճաշակը և վերլուծական կարողությունները։
ԿԳՄՍ նախարարի տեղակալ Արթուր Մարտիրոսյանը շնորհավորել է մասնակից երեխաներին և նշել․ «Պատահական չէ, որ մրցույթն այս տարի նվիրված է երկու մեծանուն հայերին և կազմակերպվել է պետական հոբելյանական միջոցառումների շրջանակում»։
Այս համատեքստում նա հավելել է՝ 2024 թվականին լրացել է Սերգեյ Փարաջանովի և Շառլ Ազնավուրի 100-ամյակը: Հոբելյանական միջոցառումների պատշաճ կազմակերպման նպատակով ձևավորվել էին հոբելյանական հանձնաժողովներ, և հոբելյանական տարում իրականացվել են բազմաթիվ միջոցառումներ նաև արտերկրում: Արթուր Մարտիրոսյանը հատկապես ընդգծել է ՅՈՒՆԵՍԿՕ-ի կենտրոնակայանում Սերգեյ Փարաջանովի 100-ամյակին նվիրված հոբելյանական միջոցառումները: Նա նաև տեղեկացրել է, որ երկու մեծանուն հայ մշակութային գործիչների հոբելյաններն ընդգրկված էին ՅՈՒՆԵՍԿՕ-ի հռչակավոր մարդկանց և կարևոր իրադարձությունների 2024-25 թվականների օրացույցում:
Կարևորելով նկարչական մրցույթ-փառատոնի անցկացումը թե՛ հոբելյանական տարվա, թե՛ մշակույթի ռազմավարության դրույթների շրջանակում՝ ԿԳՄՍ նախարարի տեղակալն ընդգծել է. «Այս միջոցառմամբ մի կողմից փորձում ենք մեծարել մեր անվանի արվեստագետներին ու նրանց վաստակը, մյուս կողմից՝ երեխաներին ներգրավելով՝ ուզում ենք նրանց հաղորդակից դարձնել մեր մշակույթին, նաև մղել ոգեշնչվելու մեր արժեքներով և ստեղծագործաբար արժևորելու մեծերին՝ այդպիսով խթանելով նաև նրանց ստեղծագործականությունը. ով իմանա, գուցե ապագայի հանճարները նաև նրանց շարքերում են»:
Նա նաև նշել է, որ առանցքային նպատակներից է նաև այս միջոցառմամբ ևս մեկ անգամ մշակույթի միջոցով ամրապնդելու Հայաստան-սփյուռք միասնությունը, ապահովելու երկխոսություն և կայուն համագործակցություն։
Մրցույթ-փառատոնին ներկայացվել է 104 աշխատանք՝ 49 կրթական հաստատությունից, այդ թվում՝ սփյուռքից։
Մրցույթ-փառատոնում ընտրությունը կատարվել է երկու տարիքային խմբով՝ 8-12 տարեկան և 13-18 տարեկան։ Յուրաքանչյուր տարիքային խմբում մասնակիցների համար սահմանվել են 1-ին, 2-րդ, 3-րդ հորիզոնականների մրցանակներ։
Մրցույթի շրջանակում երեխաների աշխատանքները ցուցադրվում են Հ. Իգիթյանի անվան գեղագիտության ազգային կենտրոնում։ Ցուցահանդեսը կգործի մինչև փետրվարի 28-ը (հասցե՝ Աբովյան 13):
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ժամանակակից կրթական համակարգում էական նշանակություն ունի սովորողների տրամաբանական մտածողության, ընդհանրացումներ անելու, համեմատելու, տարբեր հարցերի, բնագավառների, խնդիրների վերաբերյալ ընդհանուր եզրեր գտնելու մոտիվացիան: Յուրաքանչյուր օրվա թեման պլանավորելիս ուսուցիչը մտորումների ու փնտրտուքի մեջ…
Հարգելի գործընկերներ, Մենք ապրում ենք մի ժամանակաշրջանում, երբ տեխնոլոգիան այլևս պարզապես գործիք չէ․ այն դարձել է կրթության լիարժեք գործընկեր: Այսօր ես ցանկանում եմ խոսել մի ուժի մասին, որը փոխում է…
Ժամանակակից կրթական համակարգը թևակոխել է մի նոր դարաշրջան, որտեղ տեղեկատվական և հաղորդակցական տեխնոլոգիաները (ՏՀՏ) դարձել են առաջընթացի անբաժանելի մասը: Տարրական դպրոցը երեխայի կյանքում հանդիսանում է այն հիմնարար օղակը, որտեղ ձևավորվում…
Ավանդական ստատիկ նյութերն այլևս չեն բավարարում արդի աշակերտի կարիքները: Իմ փորձարարական դասերը Խ. Աբովյանի անվան հ. 2 դպրոցում ցույց են տվել, որ ԱԲ-ի միջոցով բովանդակության դինամիկ հարմարեցումը բարձրացնում է ներգրավվածությունը…
Հարգելի՛ գործընկերներ, ուզում եմ այսօր խոսել մի շատ կարևոր թեմայի շուրջ: Գաղտնիք չէ, որ անգլերենը աշխարհի ամենատարածված և կարևոր լեզուներից մեկն է հանդիսանում այսօր: Տարբեր երկրների, նրանց մշակույթների և տարբեր…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
