ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարարի տեղակալ Արաքսիա Սվաջյանն օրերս ՄԱԿ-ի հայաստանյան գրասենյակում մասնակցել է «Լեռնային Ղարաբաղից բռնի տեղահանված երեխաների ընդգրկումը կրթական գործընթացում նրանց հոգեսոցիալական տոկունության բարձրացման միջոցով» ծրագրի «Դպրոցներում հոգեկան առողջության և հոգեսոցիալական առողջության ներդրում» միջոցառման ամփոփիչ հանդիպմանը:
Ծրագիրն իրականացվել է ԿԳՄՍ նախարարության, Հանրապետական մանկավարժահոգեբանական կենտրոնի, ՅՈՒՆԵՍԿՕ-ի և ՅՈՒՆԻՍԵՖ-ի համագործակցությամբ: Վերջինիս նպատակն էր ապահովել Լեռնային Ղարաբաղից բռնի տեղահանված երեխաների սահուն ինտեգրումը կրթական գործընթացին նրանց հոգեսոցիալական տոկունության բարձրացման միջոցով: Ծրագրի ընթացքում վերապատրաստվել է 632 հաստատության 6834 ուսուցիչ, 690 հոգեբան, դասընթացներին մասնակցել է շուրջ 37920 աշակերտ: Ընդհանուր առմամբ անցկացվել է 654 դասընթաց։
Ողջունելով ներկաներին՝ Արաքսիա Սվաջյանը կարևորել է ՅՈՒՆԵՍԿՕ-ի և ՅՈՒՆԻՍԵՖ-ի կողմից իրականացվող ծրագրերը, որոնք ուղղված են կյանքի դժվարին իրավիճակներում հայտնված, մասնավորապես՝ Լեռնային Ղարաբաղից բռնի տեղահանված երեխաների աջակցությանը: Նրա խոսքով՝ միջազգային գործընկերների ջանքերի և համագործակցության շնորհիվ նախանշված գործընթացները դառնում են ավելի թիրախային և նպատակաուղղված։ Ամփոփելով կատարված աշխատանքները՝ փոխնախարարն անդրադարձել է տեղահանված երեխաների՝ կրթական գործընթացում ներգրավման ուղղությամբ դեռևս առկա մարտահրավերներին ու դրանց հաղթահարմանը միտված քայլերին, մանկավարժների ու հոգեբանների կարողությունների շարունակական զարգացմանն ուղղված վերապատրաստումներին՝ կարևորելով ՀՄԿ-ի կողմից իրականացված գործողությունները։ Նախարարի տեղակալն ընդգծել է դպրոցներում հոգեբանների առկայության անհրաժեշտությունը՝ առանձնակի շեշտելով 2024 թվականին հանրակրթական ուսումնական հաստատություններում հոգեբանի պարտադիր հաստիքների ներդրման հանգամանքը, որի արդյունքում բոլոր սովորողներին կտրամադրվի հոգեբանական աջակցություն։
Հայաստանում ՅՈՒՆԻՍԵՖ-ի ներկայացուցչի պաշտոնակատար Սիլվիա Մեստրոնին ևս ողջունել է ներկաներին և նշել. «ՅՈՒՆԻՍԵՖ-ը, համագործակցելով Հանրապետական մանկավարժահոգեբանական կենտրոնի և ՅՈՒՆԵՍԿՕ-ի հետ, մշակել է կրթության ոլորտում հոգեկան առողջության և հոգեսոցիալական աջակցության առաջին հայեցակարգային փաստաթուղթ, որը հաստատվելու դեպքում կապահովվեն այս ծառայության ներդրումը բոլոր դպրոցներում և չափանիշների համապատասխանեցումը: Մենք նաև քարտեզագրել ենք հանրակրթական դպրոցներում առկա հոգեկան առողջության ռեսուրսներն ու ծառայությունները և մշակել դպրոցական հոգեբանի աշխատանքային նկարագիր»:
Նրա խոսքով՝ մշակվել է նաև վերապատրաստման մոդուլ հոգեբանների և ուսուցիչների համար, որոնք այնուհետև վերապատրաստվել են՝ կենտրոնանալով դրական հսկողության և մենթորական աջակցության վրա:
ՀՄԿ տնօրեն Լիլիթ Մնացականյանը, կարևորելով համակարգային մոտեցման ապահովումը Լեռնային Ղարաբաղից բռնի տեղահանված երեխաների՝ կրթության մեջ ներառման գործում, խոսել է երեխաների, նրանց հետ աշխատող ուսուցիչների և մասնագետների կարիքների գնահատման, դրա արդյունքներով իրականացված վերապատրաստումների, մշտադիտարկումների, ինչպես նաև աշակերտների հետ իրականացված աշխատանքների մասին։
Միջոցառմանը ներկա են եղել և ողջույնի խոսքով հանդես եկել նաև ՀՀ արտաքին գործերի նախարարության Բազմակողմ քաղաքականության և զարգացման համագործակցության վարչության պետ, ՅՈՒՆԵՍԿՕ-ի ազգային հանձնաժողովի գլխավոր քարտուղար Դավիթ Կնյազյանը, ՅՈՒՆԵՍԿՕ-ի ներկայացուցիչ Բարոզո Հիրատա Ժանաինա Հացոյը, ԿԶՆԱԿ հիմնադրամի տնօրենի ժամանակավոր պաշտոնակատար Արտաշես Թորոսյանը։
Միջոցառման ընթացքում տեղի է ունեցել նաև ծրագրի շրջանակում ՀՄԿ-ի կողմից մշակված «Երեխաների հոգեսոցիալական տոկունության բարձրացում» ձեռնարկի շնորհանդեսը, որն ուղղված է երեխաների համար որակյալ ծրագրերի իրականացմանը, հոգեկան առողջության և հոգեսոցիալական աջակցության վերաբերյալ ուսուցիչների գիտելիքների կատարելագործմանը։
Միջոցառման երկրորդ մասում կայացել է պանելային քննարկում «Հոգեկան առողջություն և հոգեսոցիալական աջակցություն» թեմայով, որի ընթացքում ներկայացվել են երեխաների հոգեկան առողջության ու հոգեսոցիալական աջակցության ուղղությամբ ՀՀ ԿԳՄՍ նախարարության՝ միջազգային տարբեր կառույցների համագործակցությամբ Երևանի և մարզերի դպրոցներում իրականացված աշխատանքներն ու առաջիկա ծրագրերը։ Ծրագրի և վերջինիս արդյունավետության վերաբերյալ իրենց տեսակետներն արտահայտել են տարբեր դպրոցների ուսուցիչներ, հոգեբաններ և աշակերտներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Գրականության քարտեզագրում. Ուսուցման նոր փիլիսոփայություն ​ Գրական երկերի ինտեգրումը (համադրումը) ժամանակակից դպրոցում համարվում է բարձրակարգ մտածողության զարգացման լավագույն միջոցը: Այն թույլ է տալիս աշակերտին տեսնել ոչ թե առանձին գրքեր, այլ…
Որպես ուսուցիչներ՝ մենք բոլորս գիտակցում ենք, որ ժամանակակից կրթությունն այլևս անհնար է պատկերացնել առանց Արհեստական Բանականության (ԱԲ): Արդյո՞ք մենք չենք բախվում մի վտանգավոր իրականության, որտեղ տեխնոլոգիան սկսում է խոչընդոտել սովորողի…
Պատմության դասավանդումը ժամանակակից դպրոցում պահանջում է ոչ միայն գիտելիքների փոխանցում, այլ նաև սովորողների ակտիվ ներգրավվածություն, քննադատական և ստեղծարար մտածողություն, ինչպես նաև քաղաքացիական դիրքորոշման ձևավորում: Ելնելով վերոնշյալից՝ փորձել եմ իմ ներդրումն…
«Հարգելի՛ գործընկերներ, «Շրջված դասարան» (Flipped Classroom) մոդելը կիրառելիս ես բախվեցի մի շատ կարևոր խնդրի. ծնողների ընկալմանը: Շատ ծնողներ կարծում են, որ եթե երեխան տանն է դիտում դասի տեսանյութը, ուրեմն ուսուցիչը…
Ժամանակակից լեզվակրթության ամենամեծ մարտահրավերներից մեկը ուսումնական խմբերի բազմամակարդակ բնույթն է: Միևնույն դասարանում հաճախ սովորում են աշակերտներ, որոնք ունեն լեզվական տարբեր պատրաստվածություն, բառապաշարի տարբեր պաշար և ընկալման արագություն: Այս պայմաններում ուսուցիչը…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
