ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կառավարության այսօրվա նիստում հավանություն է տրվել «Երիտասարդական քաղաքականության մասին» ՀՀ օրենքի նախագծին:
Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը: Նրա խոսքով՝ ՀՀ կառավարության գործունեության կարևոր առաջնահերթություններից է երիտասարդներին ուղղված քաղաքականությունը, որի հիմքում երիտասարդերի զարգացման և ինքնաիրացման համար նպաստավոր պայմանների և միջավայրի ձևավորումն է: Դրան են ուղղված բազմաթիվ ծրագրեր կրթության, գիտության, մշակույթի, սպորտի, բարձր տեխնոլոգիաների, տնտեսության և այլ ոլորտներում: «Հարկ է նշել, սակայն, որ մինչև այս պետությունը չի ունեցել համապարփակ օրենսդրություն, որը կներկայացներ երիտասարդական քաղաքականությունը, դրա թիրախները, նպատակները, ինստիտուցիոնալ գործիքակազմը և շահառուներին: Ներկայացված օրենսդրական փաթեթը կլրացնի այդ բացը. այն սահմանում է պետական երիտասարդական քաղաքականության առաջնահերթությունները՝ հանդիսանալով շրջանակային փաստաթուղթ երիտասարդական քաղաքականության բոլոր դերակատարների, այդ թվում նաև քաղաքացիական հասարակության և միջազգային կազմակերպությունների համար»,-նշել է նախարարը։
Ըստ Ժաննա Անդրեասյանի՝ օրենքի նախագծով պետական երիտասարդական քաղաքականությունը սահմանվում է որպես ՀՀ կառավարության կողմից ընդունված ծրագրերի և միջոցառումների համակարգ, որը միտված է երիտասարդների կարողությունների բացահայտմանն ու զարգացմանը, կրթական, մշակութային և սոցիալական բնույթի հետաքրքրությունների և նախասիրությունների բավարարմանը, երիտասարդության հիմնախնդիրների լուծմանը և դրանց շուրջ հանրային խոսույթի ձևավորմանը, ինչպես նաև քաղաքական, սոցիալ-տնտեսական և մշակութային կյանքին երիտասարդների մասնակցության մակարդակի բարձրացմանը: Պետական երիտասարդական քաղաքականության նպատակը ստեղծագործ, նախաձեռնող, կարողունակ ու մրցունակ երիտասարդի ձևավորումն է, որը սեփական երկրում կընդլայնի իր բարեկեցությունն ապահովելու հնարավորությունները և այդպիսով նաև կաջակցի հանրային զարգացմանը:
«Օրենքի առկայությունը կնպաստի նաև Կառավարության ծրագրով նախատեսված և արդեն մի քանի տարի իրականացվող երիտասարդական կենտրոնների ձևավորմանը և արդյունավետ գործունեությանը: Մասնավորապես՝ ծրագիրը մեկնարկել է 2022 թվականից, որի արդյունքում մարզերում արդեն իսկ գործում են Կառավարության, համայնքների և մասնավոր ոլորտի գործակցությամբ ձևավորված 5 կենտրոններ՝ Իջևանում, Մեղրիում, Ապարանում Դիլիջանում և Վանաձորում։ Այս տարի դրանց կավելանան ևս չորս կենտրոններ տարբեր մարզերում. հաջորդ տարվա բյուջետային հայտում ամրագրված է ևս 6 կենտրոնի ձևավորում: Մյուս տարի կմեկնարկենք նաև բազմաֆունկցիոնալ կենտրոնների ձևավորումը՝ երիտասարդական կենտրոն, մշակույթի տուն, համայնքային գրադարան ձևաչափով: Օրենքի շնորհիվ երիտասարդական կենտրոնների այս քաղաքականությունը կդառնա ինստիտուցիոնալ առումով ավելի հիմնավոր՝ նպաստելով համայնքներում երիտասարդական միջավայրերի ձևավորմանը և արդեն իսկ ստեղծված կենտրոնների միջոցով երիտասարդական քաղաքականության թիրախային իրականացմանը: Այս կենտրոնները հասցեագրում են նաև, այսպես կոչված, ոչ մի տեղ չաշխատող և չսովորող երիտասարդների խմբերին, ինչը առավել կարևոր է, քանի որ նրանք դուրս են ինստիտուցիոնալ համակարգերի ուշադրությունից և այդ իմաստով նաև լրացուցիչ աջակցության կարիք ունեն»,-ընդգծել է նախարարը:
Ժաննա Անդրեասյանը տեղեկացրել է՝ օրենքի նախագծով որպես երիտասարդների տարիքային շեմ առաջարկվում է սահմանել 13-35 տարեկանը՝ հիմք ընդունելով բազմաթիվ հանգամանքներ, որոնք հիմնված են թե՛ միջազգային պրակտիկայի, թե՛ մեր հասարակության ժողովրդագրական իրավիճակի վրա:
Նրա խոսքով՝ օրենքի ընդունմամբ հնարավորություն կստեղծվի ավելի մասնակցային միջավայր ունենալ, որտեղ տարբեր շահառուներ՝ քաղաքացիական հասարակությունը, առանձին երիտասարդների խմբեր հնարավորություն կունենան մասնակցել վարվող քաղաքականությանը: Օրենքի նախագծով սահմանվել են նաև պետական մարմինների և ՏԻՄ-երի՝ երիտասարդական քաղաքականության իրականացման լիազորությունները: Նախատեսվում է յուրաքանչյուր համայնքում պետական, բայց նաև համայնքային ու մասնավոր ֆինանսավորմամբ և բազմակողմ համագործակցությամբ ձևավորել երիտասարդական միջավայրեր:
Ժաննա Անդրեասյանն ընդգծել է, որ «Երիտասարդական քաղաքականության մասին» օրենքի ընդունումը ներառված է ՀՀ կառավարության 2021-2026 թվականների գործունեության միջոցառումների ծրագրում։
«Օրենքի նախագիծը մշակվել և լրամշակվել է հանրային լայն մասնակցային գործընթացի միջոցով, այդ թվում՝ երիտասարդական կառույցների, միջազգային կազմակերպությունների և փորձագետների ներգրավմամբ։ Ավելի քան երեք տասնյակ հանրային քննարկումներ են կազմակերպվել Երևանում և բոլոր մարզերում՝ շուրջ հազար երիտասարդի մասնակցությամբ։ Տարբեր երկրների փորձ է ուսումնասիրվել, և ապահովվել է միջազգային դրական կարգավորումներին համապատասխանությունը »,-զեկույցն ամփոփել է նախարարը:
Փոխվարչապետ Մհեր Գրիգորյանին հետաքրքրել է օրենքի գործառույթների և լիազորությունների հստակեցման, ինչպես նաև երիտասարդական կենտրոնների գործունեության հարցերը, որին ի պատասխան՝ նախարար Ժաննա Անդրեասյանը նշել է, որ իրավական առումով օրենքը ձևակերպում է պետական տարբեր մարմինների և ՏԻՄ-երի անելիքները և լիազորությունները, բայց այն նաև հստակ սահմանում է շահառու խումբն ու թիրախը, ինչը շատ կարևոր է. «Իրականում մենք տարբեր ոլորտներում բազմաթիվ ծրագրեր ունենք, որոնք ուղղված են երիտասարդների կարողությունների զարգացմանը և նրանց աջակցությանը, սակայն կարևոր է երիտասարդներին որպես առանձին խումբ ունենալու համալիր մոտեցումը։ Օրինակ՝ չաշխատող և չսովորող երիտասարդների խումբը մեր բոլոր ծրագրերից, ըստ էության, դուրս է մնում: Օրենքը կնպաստի, որ այս խմբի հանդեպ ունենանք առանձնացված քաղաքականություն և կարողանանք սինքրոնացնել նաև տարբեր ոլորտների ծրագրերը։ Կարևոր եմ համարում նաև օրենքի առկայությունը ժողովրդագրական իրավիճակի տեսանկյունից. իրականում ծերացող հասարակության ներկա միտումները պահանջում են, որպեսզի պետություններն ունենան ավելի հստակ քաղաքականություն երիտասարդների խրախուսման և զարգացման ուղղությամբ, և օրենքն այդ իմաստով նաև գործիքակազմ է տալիս այդ խմբի հետ աշխատելու և տարբեր աջակցության ծրագրեր իրականացնելու առումով, օրինակ՝ բնակարանային ապահովման հարցում երիտասարդ ընտանիքներին ավելի թիրախային աջակցության իմաստով»:
Անդրադառնալով երիտասարդական կենտրոններին՝ նախարարը նշել է, որ դրանք ձևավորվում են պետության, համայնքի և մասնավորի համագործակցությամբ՝ մանրամասն ներկայացնելով դրանցից յուրաքանչյուրի մասնակցության ձևաչափերը և անելիքները:
Օրենսդրական նախաձեռնության շրջանակում փոփոխություններ և լրացումներ են առաջարկվում նաև «Տեղական ինքնակառավարման մասին» և «Երևան քաղաքում տեղական ինքնակառավարման մասին» օրենքներում, որոնք սահմանված կարգով կներկայացվեն Ազգային ժողով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
