ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
«Մատենադարան» Մ. Մաշտոցի անվան հին ձեռագրերի գիտահետազոտական ինստիտուտում այսօր մեկնարկել է «Նոր և զարգացող տեխնոլոգիաների կիրառմամբ մշակութային ժառանգության պաշտպանություն և վերականգնում» խորագրով միջազգային համաժողովը, որը կազմակերպվել է ՀՀ ԱԳ նախարարության, Հայաստանի ՅՈՒՆԵՍԿՕ-ի ազգային հանձնաժողովի և ՀՀ ԿԳՄՍ նախարարության կողմից` ՅՈՒՆԵՍԿՕ-ի հետ համագործակցաբար։
Միջազգային համաժողովի բացմանը պաշտոնական խոսքով հանդես են եկել ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը, ՀՀ արտաքին գործերի նախարարի տեղակալ Վահան Կոստանյանը, ինչպես նաև ՅՈՒՆԵՍԿՕ-ի մշակույթի և արտակարգ իրավիճակների գծով տնօրեն, 1954 թվականի Հաագայի կոնվենցիայի քարտուղար Քրիստա Պիկատը՝ ՅՈՒՆԵՍԿՕ-ի Գլխավոր տնօրեն Օդրի Ազուլեի անունից: Համաժողովին ներկա են եղել ՀՀ ԿԳՄՍ նախարարի տեղակալ Արթուր Մարտիրոսյանը, Արտաքին գործերի նախարարության ներկայացուցիչներ, միջազգային հյուրեր, հայաստանյան և արտերկրի փորձագետներ:
ԿԳՄՍ նախարարի տեղակալ Ալֆրեդ Քոչարյանը ողջունել է ներկաներին և նշել՝ պատահական չէ համաժողովի կազմակերպումը հայկական և համաշխարհային գրավոր ժառանգության պահպանության կարևորագույն կենտրոնում՝ Մատենադարանում, որի հազվագյուտ հավաքածուները դեռևս 1997թ. գրանցվել են ՅՈՒՆԵՍԿՕ-ի աշխարհի հիշողության գրանցամատյանում: Նրա խոսքով՝ սա մեկ անգամ ևս վերահաստատում է Հայաստանի անսասան հանձնառությունը՝ պաշտպանելու և սերունդներին փոխանցելու մարդկության հավաքական, համընդգրկուն ժառանգությունը:
«Որպես մշակութային ժառանգության պաշտպանության առանցքային փաստաթուղթ՝ «Զինված հակամարտությունների ընթացքում մշակութային արժեքների պաշտպանության մասին» 1954 թվականի Հաագայի կոնվենցիան սահմանում է հիմնարար ուղենիշեր: Իր 70-ամյա պատմության ընթացքում կոնվենցիան այսօր էլ շարունակում է լինել այն նշանակալի հանգրվանը և հարթակը, որը հնարավորություն է տալիս բարձրաձայնել հակամարտությունների և հետկոնֆլիկտային ժամանակաշրջաններում մշակութային ժառանգության պահպանման կարևորության մասին: Հայաստանն այս Կոնվենցիան համարում է մշակութային ժառանգության պաշտպանության առանցքային միջազգային փաստաթղթերից մեկը և լիովին հավատարիմ է մնում դրա համապարփակ իրականացմանը:
Կոնվենցիայի 70-ամյակը հրաշալի առիթ է բարձրաձայնելու և քննարկելու մշակութային ժառանգության առջև ծառացած մարտահրավերները և միաժամանակ նախանշելու առաջընթացի և զարգացման նոր հնարավորությունները: Այսօր արագորեն փոփոխվող աշխարհաքաղաքական իրավիճակներն ու տեխնոլոգիաների զարգացման աննախադեպ արագ ընթացքը մարդկությանը նոր մարտահրավերների և իրողությունների առջև են կանգնեցրել»,- նշել է Ալֆրեդ Քոչարյանը:
Նախարար տեղակալի խոսքով՝ համաժողովի խորագիրը և թեմատիկ շրջանակը առավել քան արդիական են․ նոր տեխնոլոգիաների ազդեցությունը մշակութային ժառանգության մշտադիտարկման, պահպանման և վերականգնման գործընթացում գնալով մեծանում է. «Հայաստանը ևս կարևորում է մշակութային ժառանգության պահպանության, պաշտպանության, օգտագործման, վերականգնման բնագավառում նորագույն տեխնոլոգիաների կիրառումը, ուստի մշակութային նյութական և ոչ նյութական ժառանգության թվայնացումը և ժամանակակից տեղեկատվական տեխնոլոգիաների կիրառմամբ դրանց հասանելիության ապահովումը պետական մշակութային քաղաքականության առաջնահերթություններից են»:
ԿԳՄՍ նախարարի տեղակալ Ալֆրեդ Քոչարյանը վստահություն է հայտնել, որ միջազգային համաժողովը կարևոր հարթակ կդառնա միջմշակութային երկխոսության և միջազգային համագործակցության խթանման համար՝ նպաստելով համաշխարհային ժառանգության պահպանության և առաջընթացի ուղղությամբ նոր քննարկումների և տեսլականների ձևավորմանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
