Դասընթացներ՝ ոչ ֆորմալ կրթության վերաբերյալ

Հոկտեմբերի 9, 2024

Լուրեր կազմակերպություններից

Կրթության համակարգում ոչ ֆորմալ և ինֆորմալ ուսումնառության կարագավորումներն արդյունավետ ներդնելու, ուսուցում իրականացնողների ուսումնամեթոդական հմտությունները կատարելագործելու և զարգացնելու նպատակով Ուսուցման ազգային հիմնադրամը (ՈՒԱՀ) նախաձեռնել է «Կրթության մասին» ՀՀ օրենքի փոփոխությունների վերաբերյալ իրազեկման դասընթացների շարք և ոչ ֆորմալ կրթության համակարգի մեթոդական թիմերի մասնագիտական ուսուցում (վերապատրաստում)։

Մասնագիտական ուսուցումն անցկացվելու է մոդուլային ուսումնառության ծրագրի ձևաչափով։ Դասընթացը կազմակերպվելու է լսարանային և արտալսարանային աշխատանքներով՝ պարբերական հանդիպումների միջոցով, մեկ ամսվա ընթացքում՝

24 ժամ լսարանային բեռնվածությամբ (շաբաթական 2-3 օր, 4-ից 6 ակադեմիական ժամ)։

Դասընթացի ավարտին ծրագիրը հաղթահարած մասնակիցը ոչ ֆորմալ և ինֆորմալ կրթության ոլորտում կկարողանա.

1.մշակել լրացուցիչ կրթական ծրագիր, այն է՝

ա)որոշակի աշխատանքային կարողությունների ձևավորմանը միտված մասնագիտական ուսուցման ծրագիր,

բ)առկա կարողությունները կատարելագործելուն միտված վերապատրաստման ծրագիր,

գ)աշխատանքային կամ մասնագիտական հարմարեցմանը միտված կարճաժամկետ ծրագիր և այլն։

2.կատարել լրացուցիչ կրթական ծրագրի մասնագիտական փորձաքննություն և կազմել եզրակացություն՝ ԿԳՄՍ նախարարի կողմից երաշխավորելու համար,

3.լինել լրացուցիչ կրթական ծրագրի դասընթացավար կամ մոդերատոր,

4.անցկացնել ԼԿԾ մասնակիցների կարիքի գնահատում և ձևավորել դասընթացի պատվեր,

5.անցկացնել լրացուցիչ կրթական ծրագրի դիտարկում, մոնիտորինգ և կազմել եզրակացություն։

Մասնագիտական ուսուցման ծրագիրը հաղթահարած մասնակցին կշնորհվեն համապատասխան վկայական և ներդիր՝ ձեռք բերած ուսումնառության արդյունքների վերաբերյալ տեղեկատվությամբ։ Վկայագրված մասնակիցն իր ցանկությամբ կարող է ընդգրկվել Ուսուցումների ազգային ռեեստրում, ինչը նրան հնարավորություն կտա վերոնշյալ աշխատանքները կատարելու համար հրավիրվել տարբեր կազմակերպությունների կողմից, մատուցել ծառայություններ և վաստակել լրացուցիչ եկամուտներ՝ առանց հիմնական աշխատանքից կտրվելու։

Մասնագիտական ուսուցման 60 մասնակից հնարավորություն կունենա դասընթացին մասնակցել հիմնադրամի գործընկեր Գերմանիայի ժողովրդական բարձրագույն դպրոցների միության (ԳԺԲԴՄ) հայաստանյան մասնաճյուղի աջակցությամբ՝ «Եվրոպայի մեծահասակների կրթության կենտրոնների համակարգային զարգացում» ծրագրի շրջանակում։ Մասնակիցները կընտրվեն դասընթացի առաջին փուլից հետո՝ գործնական առաջադրանքների կատարման ցուցանիշների հիման վրա։

Դասընթացին մասնակցելու ցանկություն ունեցող անձինք կամ կազմակերպությունները կարող են մինչև հոկտեմբերի 18-ը ներառյալ լրացնել կից ներկայացվող ձևաթուղթը և այն ուղարկել armntf@inbox.ru կամ nationaltrainingfund.arm@gmail.com էլ.հասցեներին։

Դասընթացի մասնակցության պայմանների մասին հավելյալ տեղեկատվություն կարելի է ստանալ Ուսուցման ազգային հիմնադրամից՝ հեռ․ 091-22-11-91:

Նյութի աղբյուրը. ՀՀ կրթության, գիտության, մշակույթի և սպորտի նախարարություն