ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարությունը հայտարարում է «Տարվա լավագույնները» մրցույթի հայտերի ընդունելություն:
Մրցույթը կազմակերպվում և իրականացվում է՝ ԿԳՄՍ նախարարի 2024 թ. սեպտեմբերի 5-ի N 67-Ն հրամանով հաստատված «Տարվա լավագույնները» մրցույթի անվանակարգերի, դրանց ներկայացվող պահանջների սահմանման և մրցույթի անցկացման կարգի համաձայն:
«Տարվա լավագույնները» մրցույթի նպատակն է՝ խրախուսել մասնագիտական (կրթական, առարկայական) խորը պատրաստվածություն ցուցաբերած, ստեղծագործական, հետազոտական աշխատանք կատարող մանկավարժներին, խթանել նրանց կողմից նոր նախագծերի իրականացումը, տարածել նրանց մանկավարժական և մասնագիտական առաջավոր փորձը, նպաստել հասարակության մեջ մանկավարժի հեղինակության բարձրացմանը: Մրցույթը նպատակ ունի նաև ոգևորել ստեղծագործական, հետազոտական աշխատանք կատարող, կառավարման ժամանակակից միջոցներին տիրապետող տնօրեններին, նրանց կողմից նոր նախագծերի իրականացմանը, տարածել նրանց մանկավարժական և ղեկավարման առաջավոր փորձը, նպաստել հասարակության մեջ մանկավարժ-ղեկավարի հեղինակության բարձրացմանը: Մրցույթի նպատակներից է նաև խրախուսել երեխաների կյանքի և առողջության պահպանման, նրանց ներդաշնակ ու համակողմանի զարգացման ուղղությամբ կրթադաստիարակչական աշխատանքում մեթոդական, գործնական խորը պատրաստվածություն ցուցաբերած, հմուտ, ստեղծագործական աշխատանք կատարող մանկավարժական աշխատողներին, խթանել նրանց կողմից նոր նախագծերի իրականացումը, ընդհանրացնել նրանց մասնագիտական առաջավոր փորձը, նպաստել հասարակության մեջ նրանց հեղինակության բարձրացմանը:
Մրցույթին կարող են մասնակցել.
Մրցույթը կազմակերպվում է հետևյալ առանձին անվանակարգերով.
ա. «Հայոց լեզու և գրականություն»
բ. «Հայրենագիտություն»
գ. «Օտար լեզուներ»
դ.«Բնագիտություն, տեղեկատվական հաղորդակցական տեխնոլոգիաներ, ճարտարագիտություն, մաթեմատիկա (ԲՏՃՄ)»
ե. «Հասարակություն, հասարակական գիտություններ»
զ. «Արվեստ և արհեստ»
է. «Ֆիզիկական կրթություն և անվտանգ կենսագործունեություն»
Մրցույթի կազմակերպումը և անցկացումը
«Լավագույն տնօրեն», «Տնօրենի լավագույն տեղակալ», «Լավագույն ուսուցիչ», «Լավագույն դասվար» և «Լավագույն խմբակավար» անվանակարգերում դիտարկվելու են սույն թվականի հունվար-մայիս ամիսներին ՀՀ ԿԳՄՍ նախարարության կողմից Հանրակրթության պետական չափորոշչի ներդրման փորձի խրախուսման շրջանակում իրականացված «Ամսվա լավագույնները» մրցույթի արդյունքում հաղթող ճանաչված մասնակիցների հայտերը:
Մյուս բոլոր՝ 6-13-րդ անվանակարգերում, մրցութային հայտերի ներկայացման վերջնաժամկետը սույն թվականի սեպտեմբերի 23-ն է՝ ժամը 18:00-ն: Ժամկետից ուշ ներկայացված հայտերը չեն ընդունվի։ Այն հայտերը, որոնք ամբողջական են և ներկայացված են հայտարարությամբ սահմանված ժամկետներում, գնահատվում են մրցութային հանձնաժողովի կողմից՝ հայտերի ընդունման վերջնաժամկետից հետո, առավելագույնը 5 աշխատանքային օրվա ընթացքում։
Մրցույթի մասնակիցը պետք է ունենա հայտով ներկայացված աշխատանքի ոլորտում առնվազն 2 տարվա աշխատանքային փորձ:
Նախորդ տարիներին անցկացված մրցույթների արդյունքում պարգևատրված հայտը նոր մրցույթին չի կարող ներկայացվել:
Մրցույթին կարող է ներկայացվել ինչպես անհատական հայտ՝ առանձին մասնակցի կողմից, այնպես էլ համատեղ հայտ՝ մասնակիցների խմբի կողմից՝ բաղկացած առավելագույնը 2 անդամից: Խմբային հայտի դեպքում կարող են ներառված լինել ինչպես միևնույն, այնպես էլ տարբեր ուսումնական հաստատությունների ներկայացուցիչներ։
Մրցույթի մասնակիցը կամ մասնակիցների խումբը ներկայացնում է հայտ՝ ուղղված.
Մրցույթին ներկայացվող հայտը ներառում է՝
3) տեղեկանք աշխատավայրից,
4) իրականացրած աշխատանքի նկարագիր (աշխատանքի կամ դասի կամ պարապմունքի պլան, նորարարություն, նախադպրոցական կրթության և հանրակրթության պետական չափորոշիչների տրամաբանության արտացոլում, իրականացրած աշխատանքի արդյունքներ) մինչև 5 էջ, pdf ձևաչափով,
5) ներկայացված աշխատանքի նկարագրին համապատասխան սահիկաշար՝ առավելագույնը 15 սահիկ, կամ 10 րոպե տևողությամբ տեսանյութ (6, 7, 8, 9, 11, 12, 13-րդ անվանակարգերում),
6) ներկայացված աշխատանքի նկարագրին համապատասխան 10 րոպե տևողությամբ տեսանյութ (10-րդ անվանակարգում):
Պահանջվող փաստաթղթերից զատ՝ այլ փաստաթղթեր (հավաստագրեր, վկայականներ, տեղեկանքներ և այլն) չկցել։
Հայտերի գնահատումը և մրցույթի արդյունքների ամփոփումը
Հայտերի գնահատման չափանիշներն են՝ հայտի կառուցվածքային ամբողջականությունը, արդիականությունը, հիմնավորվածությունը և ազդեցությունը՝ նախադպրոցական կրթության և հանրակրթության պետական չափորոշիչների տրամաբանությամբ։
Հայտը գնահատվում է 100 միավորային համակարգով՝ ըստ վերոնշյալ չափանիշների (կառուցվածքային ամբողջականությունը՝ առավելագույնը 10 միավոր, արդիականությունը՝ 30 միավոր հիմնավորվածությունը՝ 30 միավոր ազդեցությունը՝ 30 միավոր)։ Յուրաքանչյուր հայտ գնահատվում է հանձնաժողովի յուրաքանչյուր անդամի կողմից։ Հայտի ստացած ընդհանուր միավորը հաշվարկվում է հանձնաժողովի անդամների կողմից տրված գնահատականների միջին թվաբանականով։
Մրցույթի արդյունքում կպարգևատրվի յուրաքանչյուր անվանակարգում առավելագույն միավորներ ստացած մասնակիցը՝ ելնելով տվյալ մրցույթի համար հատկացված միջոցների ընդհանուր ծավալից: Մրցույթի արդյունքներով հաղթող ճանաչված մասնակիցներին կարող են տրվել նյութական պարգևներ։ Դրամական պարգևի դեպքում դրա առավելագույն չափը հինգ հարյուր հազար ՀՀ դրամ է՝ անհատական հայտի դեպքում, և մեկ միլիոն ՀՀ դրամ՝ խմբային հայտի դեպքում։ Միևնույն անձը տվյալ տարում չի կարող պարգևատրվել տարբեր անվանակարգերում:
Մրցույթի արդյունքներով հաղթող ճանաչված մասնակիցների վերաբերյալ տեղեկատվությունը հրապարակվում է արդյունքներն ամփոփվելուց հետո յոթ աշխատանքային օրվա ընթացքում ՀՀ ԿԳՄՍ նախարարության պաշտոնական կայքում։ «Տարվա լավագույնները» մրցույթի արդյունքում նախատեսվում է դրամական պարգևի տեսքով խրախուսել շուրջ 22 մասնակցի (պարգևատրման չափը կարող է փոփոխվել՝ ներկայացված հայտերի և դրանց գնահատման արդյունքներից կախված):
Մասնակիցները մրցութային հայտերը պետք է ներկայացնեն իրենց հաստատության լիազոր մարմնին (Երևանի քաղաքապետարան, ՀՀ մարզպետարաններ, իսկ ՀՀ ԿԳՄՍՆ ենթակայության դեպքում՝ secretariat@escs.am էլեկտրոնային հասցեին)՝ մինչև սույն թվականի սեպտեմբերի 23-ը ներառյալ՝ ներկայացնելով Կարգով պահանջվող բոլոր փաստաթղթերն (PDF տարբերակով) ու նյութերը, ինչպես նաև լրացնեն և կցեն ձևաչափը (ներկայացնել Word տարբերակով):
Լրացուցիչ հարցերի դեպքում զանգահարել՝ 010-59-96-20 հեռախոսահամարով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ «Ֆունկցիայի հասկացությունը » և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ : Այս թեմայի ուսումնասիրության նպատակն Ստեղծել քննարկման…
«Воспитание — великое дело: оно решает судьбу человека» (Лев Толстой) Каждый просмотренный мультфильм — часть этого воспитания, особенно если он содержит мораль. Уважаемые коллеги, предлагаю важную и увлекательную тему для…
«Воспитание — великое дело: оно решает судьбу человека» (Лев Толстой) Каждый просмотренный мультфильм — часть этого воспитания, особенно если он содержит мораль. Уважаемые коллеги, предлагаю важную и увлекательную тему для…
Նախագծային ուսուցում նպատակ Ծանոթացնել աշակերտներին Հայաստանի Առաջին Հանրապետության պատմական նշանակության գործիչներին, ուսումնասիրել նրանց գործունեությունը: Զարգացնել 10-րդ դասարանի աշակերտների պատմագիտական մտածողությունը, հայրենասիրությունը:: Խթանել աշակերտների ինքնուրույն ճանաչողական գործունեության հմտությունները, նպաստել
Հարգելի ուսուցիչներ, սիրով ձեզ եմ ներկայացնում իմ <<Առցանց գործիքների կարևորությունը ուսուցման գործընթացում>> թեման և սիրով հրավիրում քննարկման: Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
