ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Դպրոցականների օլիմպիադա` «Նախնական զինվորական պատրաստություն» առարկայի

Մայիսի 18, 2017
Պաշտոնական

Տեղի է ունեցել 2016-2017 ուումնական տարվա «Նախնական զինվորական պատրաստություն» առարկայի դպրոցականների առարկայական օլիմպիադան: Օլիմպիադայի հանրապետական փուլին մասնակցում էին Հայաստանի Հանրապետության բոլոր մարզերի և Արցախի թիմերը: ՀՀ ԿԳՆ Գեղարվեստական դաստիարակության և մշակույթի մանկապատանեկան կենտրոնի փողային նվագախմբերի կատարումների ներքո տեղի են ունեցել օլիմպիադիայի հանդիսավոր բացման և փակման արարողությունները. հնչել են ՀՀ հիմնը, բարձրացվել ՀՀ և Արցախի պետական դրոշները: 

Օլիմպիադայի մասնակիցներին ողջունել է ՀՀ կրթության և գիտության նախարարության մարզառազմական և արտադպրոցական կրթության վարչության պետ Ա. Պետրոսյանը: Նա կարևորել է դպրոցականների մասնակցությունը նման միջոցառումներին` ընդգծելով, որ հաղթանակից առավել կարևոր է մասնակցությունը, քանի որ, ըստ Ա. Պետրոսյանի, նման մրցումների ժամանակ մասնակիցները ձեռք են բերում նորանոր գիտելիքներ և լավ ընկերներ: Այնուհետև Օլիմպիադայի պաշտոնական բացումն իրականացրել է Արցախի հերոս, գեներալ-մայոր Արկադի Տեր-Թադևոսյանը: Վերջինս շնորհավորել է օլիմպիադայի բոլոր մասնակիցներին` նրանց մաղթելով հաջողություն: Արկադի Տեր-Թադևոսյանը կարևորել է դպրոցական թիմերի մասնակցությունը նման միջոցառումներին` առաջնային համարելով հայրենիքի պաշտպանությունն ու զինվորականի անբասիր կերպարը: 
«Նախնական զինվորական պատրաստություն» առարկայի դպրոցականների առարկայական օլիմպիադայի հանրապետական փուլն անցկացվել է 7 մրցաձևերից` թեստային առաջադրանքներ, հրաձգություն, ինքնաձիգի ոչ լրիվ քանդում հավաքում, կրոսավազք /տղաները` 1000 մետր, աղջիկները` 500 մետր/, նռնակի նետում, ձգումներ պտտաձողի վրա /տղաներ/, հենում պառկած դիրքում հրումներ /աղջիկներ/, շարային պատրաստություն:

Օլիմպիադայի փակմանը մասնակցել և մրցանակները հանձնել է ՀՀ հանրապետական զինվորական կոմիսար, գեներալ-մայոր Հենրիկ Մուրադյանը: Նա լավագույն արդյունք ցուցաբերած դպրոցականներին հորդորել է ընտրել զինվորականի մասնագիտությունը` ներկայացնելով այդ մասնագիտության մի շարք գրավիչ կողմեր:
2016-2017 ուսումնական տարվա «Նախնական զինվորական պատրաստություն» առարկայի օլիմպիադային առաջին երեք մրցանակային տեղերը զբաղեցրել են Արցախի, Լոռու և Տավուշի մարզերի թիմերը: 

Օլիմպիադայի թեստային առաջադրանքներից լավագույն մասնակիցներ են ճանաչվել` 1-ին մրցանակ` Հակոբյան Հասմիկ Սուրենի /Արցախ/, Մարկոսյան Էմմա Արմենի /Կոտայք/, 2-րդ տեղ` Ղումաշյան Գուրգեն Ռոբերտի /Լոռի/, Հայրիյան Տիգրան Ժիրայրի /Արցախ/, 3-րդ տեղ` Գրիգորյան Արամ Էռնեստի /Արցախ/, Պետրոսյան Քրիստինե Գեղամի /Շիրակ/: 

Օլիմպիադայի առանձին մրցաձևերից հաղթողներ են ճանաչվել` ինքնաձիգի ոչ լրիվ քանդում-հավաքում` Սարգսյան Արմեն Էդիկի /Արցախ/, հրաձգություն` Ծերունյան Մերուժան Հարությունի /Լոռի/, նռնակի նետում նշանակետին` Հախվերդյան Համլետ Վալերիկի /Կոտայք/: 

Օլիմպիադայի մասնակիցների ժամանցն առավել հետաքրքիր և լեցուն անցկացնելու  նպատակով Երևանի էստրադային և ջազային արվեստի պետական քոլեջի սաների կատարմամբ հնչել են բազմաթիվ ռազմահայրենասիրական երգեր ու պարեր:

Նյութի աղբյուրը. ՀՀ կրթության և գիտության նախարարություն

  • Առցանց գործիքների կարևորությունը ուսուցման գործընթացում

    Թեմայի հեղինակ՝ Maro

    Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության նոր հնարավորություններ: Դրանք ոչ միայն հեշտացնում են կրթական գործընթացը, այլև այն դարձնում ավելի հետաքրքիր, մատչելի և արդյունավետ:Դրանց…

  • ՀԵՔԻԱԹԱՍՏԵՂԾՄԱՆ ԿԱՐՈՂՈՒԹՅԱՆ ՁԵՎԱՎՈՐՈՒՄԸ ՏԱՐՐԱԿԱՆ ԴԱՍԱՐԱՆՆԵՐՈՒՄ

    Թեմայի հեղինակ՝ hak.xachatryan

    Հարգելի ուսուցիչներ, սիրով ձեզ եմ ներկայացնում իմ <<Հեքիաթաստեղխման կարողության ձևավորումը տարրական դասարաններում>> վերնագրով թեման: Մայրենիի ծրագրերում և դասագրքերում ոչ պակաս կարևոր է հեքիաթի տեղն ու դերը, քանի որ հեքիաթն ունի…

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի ներմուծումը, բազմությունների հատումն ու միավորումը հատուկ պայմանանշաններով գրառելու…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…