Այսօր հանրապետությունում գրքի տոն է. մեկնարկել է Գրքի երևանյան միջազգային 7-րդ փառատոնը: Սեպտեմբերի 6-8-ը Հայաստանի ազգային պատկերասրահում կանցկացվի փառատոնյան 32 միջոցառում, Հայաստանի պատմության թանգարանի և Հայաստանի ազգային պատկերասրահի կամարաշարում կգործի գրքի տոնավաճառ:
Փառատոնի բացման արարողությունը տեղի է ունեցել Հայաստանի ազգային պատկերասրահի Որմնանկարների սրահում: Ներկա են եղել Երևանի քաղաքապետ Տիգրան Ավինյանը, ԿԳՄՍ նախարարի տեղակալ Դանիել Դանիելյանը, ինչպես նաև գրողներ, հրատարակիչներ և ընթերցասերներ:
ԿԳՄՍ նախարարի տեղակալ Դանիել Դանիելյանը շնորհավորել է ներկաներին Գրքի երևանյան միջազգային 7-րդ փառատոնի բացման կապակցությամբ՝ նշելով, որ այն ԿԳՄՍ նախարարության ամենահաջողված ծրագրերից մեկն է:
«Նոր ուսումնական տարին հայտարարված է մշակութային կրթության տարի, որը մեկնարկել է այսպիսի մեծ ու կարևոր միջոցառմամբ՝ Գրքի փառատոնով, ինչը հրաշալի ուղերձ է մեր երեխաների ու ամբողջ հասարակության համար: Գիրքը կրթության, դաստիարակության, մարդու ընդհանուր զարգացման էպիկենտրոնն է, իսկ կարդալը երազելու, մտածելու, մտքի ու ոգու թռիչք ունենալու ճանապարհ է: Ընթերցանությունն օգնում է զարգացնել քննադատական և վերլուծական միտքը, ինչը շատ կարևոր է թե՛ դպրոցականների, թե՛, առհասարակ, հասարակության համար»,- ասել է Դանիել Դանիելյանը:
Նրա գնահատմամբ՝ հիմնադրման օրվանից փառատոնը զարգանում է անշեղ ուղիով, և ցանկություն կա ամրապնդելու միջազգային կապերը, ընդլայնելու փառատոնի սահմանները՝ այն հասցնելով նաև մարզեր:
ԿԳՄՍ նախարարի տեղակալի խոսքով՝ փառատոնի առջև դրված խնդիրներից ամենակարևորը լուծված է. մեկ հարթակում միավորել և խրախուսել գրքի ստեղծման գաղափարից մինչև ընթերցող բոլոր օղակներին:
«Ուղերձը հետևյալն է՝ թե՛ ընթերցող, թե՛ գրող ու հրատարակիչ՝ բոլորս զարգանանք միասին: Այս երեք օրն օգտագործենք՝ ևս մեկ անգամ կարևորելու գիրքը, հասարակության մեջ զարգացնելու հետաքրքրությունը գրքի նկատմամբ»,- ասել է Դանիել Դանիելյանը:
Նա նաև շնորհակալություն է հայտնել բոլոր ժամանակների գործընկերներին, ինչպես նաև Երևանի քաղաքապետարանին՝ որպես փառատոնի գլխավոր հովանավորի:
Ներկաներին ողջունել է նաև Երևանի քաղաքապետ Տիգրան Ավինյանը: «Մեր քաղաքում պետք են մարդիկ, որոնք կարդում են: Ընթերցանությունը փոխում է մոտեցումը միջավայրի և մարդկանց նկատմամբ՝ վերափոխելով մարդուն «ես»-ի և «իմ»-ի վերաբերմունքից դեպի «մեր»-ի և «ընդհանուրի»»,- ասել է Երևանի քաղաքապետը:
Բացման արարողությունից հետո հյուրերը շրջել են տաղավարներում, ծանոթացել հրատարակված գրականությանը:
Կարևորելով փառատոնի ձևաչափը՝ հրատարակիչները նշել են, որ այն լավ հնարավորություն է մեկ վայրում երեք օր շարունակ ընթերցողներին ներկայացնելու իրենց հրատարակած գրքերը և դրանց նկատմամբ հետաքրքրություն սերմանել նաև ոչ ընթերցասերների մոտ: Ընթերցողները ևս կարևորել են փառատոնը՝ շեշտելով, որ սիրով սպասում են գրքի այս տոնին, որը հնարավորություն է տալիս միանգամից ծանոթանալու Հայաստանում տպագրվող գրականությանը, զրուցել գրողների ու հրատարակիչների հետ, ներկա լինել գրական տարբեր միջոցառումների, հաղորդակից դառնալ գրական միջավայրին և գնել շատ գրքեր՝ օգտվելով փառատոնի զեղչերից:
Գրքի երևանյան միջազգային 7-րդ փառատոնի ծրագրին կարող եք ծանոթանալ այստեղ՝ www.evnbookfest.com:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ինչպես եմ ես հաղթահարում մաթեմատիկական խնդիրների լուծման դժվարությունները տարրական դպրոցում Տարրական դասարանում ես նկատել եմ, որ խնդիրների լուծման դժվարությունները հիմնականում կապված են ոչ թե հաշվարկի, այլ խնդրի ընկալման հետ: Երեխան…
Շարադրությունը և փոխադրությունը հայոց լեզվի ուսուցման կենտրոնական միջոցներ են, որոնք օգնում են զարգացնել աշակերտների համակարգված մտածողությունը, ստեղծագործական կարողությունները և արտահայտչամատուցողական հմտությունները: Շարադրությունը սովորողների մտքերը կազմակերպելու և գաղափարները կառուցված ձևով ներկայացնելու…
Հարգելի գործընկերներ,այսօր ուզում եմ քննարկել մի շատ կարևոր հարց,որը հաճախ տալիս ենք ինքներս մեզ <<Խրախուսել ,թե Պատժել>> ծուլացող աշակերտներին: Խրախուսանքը որպես դասավանդման մեթոդ Ես փորձում եմ իմ 3րդ դասարանի աշակերտին…
Ողջույն բոլորին: Այսօր շատ է խոսվում այն մասին, որ մարդիկ քիչ են կարդում, իսկ հայ հեղինակներին՝ առավել ևս: Բայց մյուս կողմից՝ տեսնում ենք գրքի փառատոնների հերթերն ու նոր անունների հայտնությունը:…
ՀՄՏՈՒԹՅՈՒՆՆԵՐ ՈՐՈՆՔ ՁԵՎԱՎՈՐՎՈՒՄ ԵՆ ՏԵԽՆՈԼՈԳԻԱ ԱՌԱՐԿԱՅԻ ԴԱՍԱԺԱՄԻՆ ԽԱՌԱՏԱՅԻՆ ԵՎ ՖՐԵԶԵՐԱՅԻՆ ՀԱՍՏՈՑՆԵՐ ԿԻՐԱՌԵԼՈՎ 1. Գործնական հմտությունների ձևավորում Հաստոցների օգտագործումը հնարավորություն է տալիս սովորողներին տեսական գիտելիքները կիրառել գործնականում: Նրանք սովորում են նյութերի…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց