ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը սեպտեմբերի 3-ին գումարված նիստում երկրորդ ընթերցմամբ քննարկել է «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքում փոփոխություններ և լրացումներ նախատեսող օրինագիծը:
ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը նշել է՝ առաջինից երկրորդ ընթերցում Կառավարությունը ներկայացրել է խմբագրական և տեխնիկական բնույթի առաջարկներ և նախաձեռնության հեղինակ, «Հայաստան» խմբակցության պատգամավոր Լիլիթ Գալստյանի հետ մշակվել են բազմաթիվ դրույթներ:
Ալֆրեդ Քոչարյանի խոսքով՝ օրենքում առկա կետերից մեկը՝ հուշարձանների տեղափոխության վերաբերյալ, իսկապես, խնդիրներ է առաջացնում մեր քաղաքացիների համար, իսկ նոր փոփոխությամբ նմանօրինակ հարցերը կարգավորվում են:
Առաջարկվող այլ փոփոխություններով, մասնավորապես, արգելվում է հուշարձանների պահպանությունը և օգտագործումը քաղաքական, գաղափարախոսական, կրոնական, ռասայական, էթնիկ և ազգային խտրականության նպատակներով: Արգելվում է զինված ընդհարման կամ պատերազմական գործողությունների ժամանակ հուշարձանների, դրանց անմիջական շրջակայքի և պահպանության գոտու օգտագործումն ու վերափոխումն այնպիսի նպատակներով, որոնք կարող են հանգեցնել հուշարձանի ավերմանը կամ վնասվելուն:
Հանձնաժողովը երկրորդ ընթերցմամբ քննարկել է նաև ««Մշակութային արժեքների արտահանման և ներմուծման մասին» օրենքում լրացումներ և փոփոխություններ կատարելու մասին» օրինագիծը: ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը ներկայացրել է՝ առաջինից երկրորդ ընթերցում կատարվել են մի քանի փոփոխություններ:
«Եվրասիական տնտեսական հանձնաժողովին անդամակցելով՝ մենք ունենք պարտավորություններ միության տարածքից հնագիտության և հնէաբանության հավաքածուների և հավաքածուների առարկաների, բրածո կենդանիների և ոսկորների արտահանման թույլտվություն տրամադրելու կարգը մշակելու առումով: Այս հարցը լուծում ենք՝ լիազորող նորմ սահմանելով»,- ասել է Ալֆրեդ Քոչարյանը:
Նրա խոսքով՝ նախագծով լրացվում են օրենքի հասկացությունները՝ մշակութային արժեքների փորձաքննություն իրականացնող կազմակերպություն, տրանսպորտային միջոցներ, ավելանում է պետության կողմից գնման իրավունքի ժամկետը. այն 1-ից դառնում է 2 ամիս, ստեղծվում են լիազորող նորմեր՝ մշակութային արժեքների փորձաքննություն իրականացնող կազմակերպությունների հավատարմագրման կարգի ու չափորոշիչների սահմանման համար:
Առաջարկվում է ամրագրել իրավական նորմ, որը ՀՀ կառավարությանը հնարավորություն կտա սահմանելու մշակութային արժեքների փորձաքննություն իրականացնող կազմակերպությունների հավատարմագրումը: Ալֆրեդ Քոչարյանի խոսքով՝ օրենքով կամրագրվի նաև կրկնակի փորձաքննության հնարավորությունը:
Հարակից զեկուցող, պատգամավոր Թագուհի Ղազարյանն առաջարկել է օրենքի 7-րդ հոդվածում ավելացնել նոր կետ, ըստ որի` Կառավարությունը լիազորված է լինելու հաստատել մշակութային արժեքների փորձաքննություն իրականացնող մասնագետների գործունեության ապահովագրության կարգը: Առաջարկն ընդունվել է:
Քննարկված նախաձեռնություններն արժանացել են հանձնաժողովի դրական եզրակացությանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի՛ գործընկերներ, Եկեք մի պահ անկեղծ լինենք. մեր դպրոցական մշակույթում արմատացած մի կարծրատիպ կա՝ «ակտիվ աշակերտը լավագույն աշակերտն է»: Մենք սովոր ենք նրան, որ գիտելիքը պետք է լինի տեսանելի, բարձրաձայն…
Հարգելի՛ գործընկերներ, գիտեմ, որ բոլորիս համար ձևավորող գնահատումը երբեմն վերածվում է լրացուցիչ թղթաբանության: Բայց իմ 4-րդ դասարանում ես փորձարկեցի մի մեթոդ, որտեղ երեխաները նույնիսկ չեն զգում, որ գնահատվում են: Իմ…
Հարգելի՛ գործընկերներ, ուզում եմ կիսվել մի մեթոդով, որը կիրառեցի իմ 4-րդ դասարանում: Օգտագործելով Gemini ԱԲ-ն՝ աշակերտների հետ ստեղծեցինք «Թումանյանական հերոսները մեր օրերում» նախագիծը: Իմ հայտնաբերած «գաղտնիքը». երեխաներին հանձնարարեցի խմբագրել ԱԲ-ի…
Գրականության դասաժամը լավագույն հարթակն է բուլինգը որպես արատավոր երևույթ քննարկելու համար: Երբ մենք խոսում ենք կերպարների մասին, աշակերտներն իրենց ավելի ապահով են զգում՝ վերլուծելով «ուրիշի» ցավը, ինչն էլ ճանապարհ է…
Խաղը կենսաբանության ուսուցման գործընթացում ծառայում է որպես կատալիզատոր. այն արագացնում է բարդ գիտական տերմինների ընկալումը, կտրուկ բարձրացնում է աշակերտների ներգրավվածությունը և սովորական դասասենյակը վերածում է իսկական փորձարարական լաբորատորիայի: Օրինակ՝«Ո՞վ եմ…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
