Գիտելիքը միավորում է. Նոր նախաձեռնություն ԻՄՓԱՔԹ ակումբի կողմից

Մայիսի 17, 2017

Լուրեր կազմակերպություններից

Բերդ համայնքում գործող  ԻՄՓԱՔԹ -1   ակումբի գործունեությունը արդեն մեկ տարուց ավելի է, ինչ միավորում է համայնքի թիվ 3 և այլ կրթական հաստատությունների աշակետներին մեկ գաղափարի շուրջ՝ համախմբվել և գործել  ի  նպաստ համայնքի: Իր բացման օրից, որը արդյունք է Վորլդ Վիժն Հայաստանի և թիվ 3 միջանակարգ դպրոցի համագործակցության (տնօրեն Ռուզան Թումանյան) ակումբում ամեն շաբաթ  ակումբականներն իրենց առաջնորդ  Լիանա Քոսակյանի ղեկավարությամբ ոչ ֆորմալ կրթական մոդուլների ուսուցմամբ ձեռք են բերում գիտելիք և կարողություններ առաջնորդության, աշխատունակության, ակտիվ քաղաքացիության և այլ ասպարեզներում:  Ակումբի  նպատակն է նպաստել  երեխաների  քաղաքացիական  ու  հասարակական կարողությունների ձևավորմանը : Յուրաքանչյուր կրթական  մոդուլ ավարտելուց հետո երեխաները նախաձեռնում ե համայնքային նախագծեր, մշակում ու կենսագործում՝ համագործակցելով կրթական,  տեղական ինքնակառավարման մարմինների հետ: Արդեն իրականացված երկու համայնքային ծրագրերին գումարվեց ևս մեկը՝ <<Քո խաղը>> ինտելեկտուալ –խաղ մրցույթը: Այն անցկացվեց  Բերդի  թիվ 3 հիմնական և ավագ  դպրոցների  աշակերտների մասնակցությամբ:  Խաղը բաղկացած էր երեք հիմնական փուլերից, որոնք պարունակում էին գիտության, սպրոտի, մշակույթի և այլ հետաքրիր ոլորտներից  զանազան հարցեր: Երկու թիմերը ցուցադրեցին հետաքրքիր մասնակցություն, գիտելիքներ, գործում էր թիմային ոգին, իսկ խաղի  դադարների ընթացքում համայնքի պատանի երաժիշտները միջոցառումը լրացնում էին գեղեցիկ երգ-երաժշտությամբ: Մրցույթում հաղթեց թիվ 3 դպրոցի թիմը: Մասնակիցներից 13-ամյա Մանեի համար այս ծրագիրը հնարավորություն  տվեց նաև իր գիտելիքների շնորհիվ ապահովել թիմի հաղթանակը. «Արժանի մրցակից ունեինք և մեր միասնական լինելը օգնեց մեզ հաղթելու: Բացի այդ, թիմային աշխատանքով հաջողության հասնելու նոր կարողություններ ձեռք բերեցի: Շնորհակալ եմ  ԻՄՓԱՔԹ ակումբին մեզ համար գեղեցիկ միջոցառում կազմակերպելու համար»: Երեխաները ստացան նաև պատվոգրեր և նվերներ:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: 2017թ. դրությամբ  ավելի քան 35  ԻՄՓԱՔԹ ակումբներ են գործում  Հայաստանի 6 մարզերում, որոնք ունեն  550-ից ավելի անդամ: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Այն ստեղծագործաբար միավորում է զվարճանքը, ուսուցումը և համայնքային ծառայությունը, նաև խրախուսում է երիտասարդներին` նրանց տրամադրելով սոցիալական, քաղաքական և տնտեսական կյանքում մասնակցելու անհրաժեշտ ունակություններ և կարողություններ:

 

ՎՎՀ Իջևանի Տարածքային ծրագրի գրասենյակ