ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ավելի քան 707 մլն 338 հազար դրամի վերաբաշխում. կբարեկարգվեն մի շարք կրթական, մշակութային և մարզական կառույցներ

Օգոստոսի 13, 2024
Պաշտոնական

ՀՀ կառավարության որոշմամբ ՀՀ կրթության, գիտության, մշակույթի և սպորտի նախարարությանը 2024 թվականի պետական բյուջեով կապիտալ ծրագրերի իրականացման համար հատկացված միջոցների հաշվին կատարվել է վերաբաշխում՝ 707,338.4 հազար դրամ գումարի չափով:

Մասնավորապես նախատեսվում է ապահովել մի շարք կրթական, մշակութային և մարզական հաստատությունների շինարարական աշխատանքների կատարումը և դրանց համար անհրաժեշտ նախագծումը:

  • Կոտայքի մարզի Նաիրի համայնքի Զովունի գյուղում թեթև կոնստրուկցիաներով մարզադահլիճի տեղակապման, վարչական շենքի կառուցման և տարածքի բարեկարգման, «Հայաստանի պետական սիմֆոնիկ նվագախումբ» ՊՈԱԿ-ին ամրացված և Երևանի Պռոշյան 1 փակուղի 1 հասցեում գտնվող շինության վերակառուցման ՀՀ պետական բյուջեի միջոցներով ձեռք են բերվել համապատասխան նախագծանախահաշվային փաստաթղթեր, որոնք ենթակա են պարզ քաղաքաշինական փորձաքննության։
  • ՀՀ Շիրակի մարզի Անի համայնքի Գուսանագյուղի դղյակի ամրակայման, նորոգման և մասնակի վերականգնման գիտանախագծային փաստաթղթերի կազմման համար հայտարարված 2 մրցույթները չեն կայացել՝ ոչ մի հայտ չներկայացվելու հիմնավորմամբ։ Ուստի նախատեսվում է գումարը դրամաշնորհային պայմանագրի հիման վրա հատկացնել «Պատմամշակութային ժառանգության գիտահետազոտական կենտրոն» ՊՈԱԿ-ին, որպեսզի վերջինիս կողմից կազմվեն գիտանախագծային փաստաթղթերը։ Նշենք, որ ՊՈԱԿ–ի վերականգնող ճարտարապետները նախկինում գիտական աշխատանք և ուսումնասիրություն են իրականացրել ՀՀ Շիրակի մարզի Անի համայնքի Գուսանագյուղի դղյակի վերաբերյալ։
  • ՀՀ Լոռու մարզի Քոբայրավանք համալիրի գլխավոր եկեղեցու, նրան կից եկեղեցու և Մարիամաշեն եկեղեցու տանիքի ծածկասալերը փլուզված են, իսկ մատուռներից մեկում առկա է որմնանկարների պատշաճ պահպանումը ապահովելու խնդիր: Դրանով պայմանավորված՝ ՀՀ ԿԳՄՍ նախարարության հանձնարարությամբ «Պատմամշակութային ժառանգության գիտահետազոտական կենտրոն» ՊՈԱԿ-ի կողմից կազմվել և ներկայացվել են փորձաքննության համալիրի եկեղեցիների տանիքների վերականգնման նախագծանախահաշվային փաստաթղթերը, որոնց հիման վրա գումար կհատկացվի շինարարական աշխատանքների ձեռքբերման համար:
  • «Արտաշատի ավագ դպրոց» ՊՈԱԿ-ի 5-րդ մասնաշենքի վերակառուցման համար ևս միջոցներ են նախատեսված: Դպրոցը ներառված է Համաշխարհային բանկի աջակցությամբ իրականացվող «Կրթության բարելավման ծրագրի լրացուցիչ ֆինանսավորում» վարկային ծրագրում, որի շրջանակում նախատեսվում է վերակառուցել դպրոցի մասնաշենքերը: Հատկացվող միջոցները ուղղվելու են քանդման աշխատանքների կատարմանը:
  • «Երևանի Ս. Խանզադյանի անվան թիվ 184 ավագ դպրոց» ՊՈԱԿ–ի համար 2022-2024 թթ․- ին ՀՀ պետական բյուջեի միջոցներով ՀՀ քաղաքաշինության կոմիտեի պատվիրատվությամբ կառուցվել է նոր մարզադահլիճ։ Իրականացվել են նաև ջեռուցման աշխատանքները, սակայն մասնաշենքի գազասպառման համակարգը մատակարարման ցանցին միացված չէ ։ Ներկայում մարզադահլիճի կառուցման աշխատանքներն ավարտվել են և մասնաշենքի ջեռուցման ապահովման համար նախատեսվում է դպրոցին հատկացնել գազատարի կառուցման համար անհրաժեշտ գումարը։ Այս նպատակով դպրոցի պատվիրատվությամբ ձեռք են բերվել ՀՀ օրենսդրությամբ պահանջվող նախագծանախահաշվային փաստաթղթերը։
  • «Հայաստանի ազգային պատկերասրահ» ՊՈԱԿ–ին ամրացված շենքի հիմնանորոգման 2023 թ․- ին նոյեմբերից մեկնարկած աշխատանքները դեռ շարունակվում են։ Աշխատանքների համադրման և ծավալների ավելացման անհրաժեշտությամբ պայմանավորված նախատեսվում է թույլատրել ծավալների ավելացում 11.92%-ի չափով և համադրում 21.04%-ի չափով։

Որոշմամբ կատարվում է նաև 36,187.2 հազար դրամ գումարի չափով միջհոդվածային վերաբաշխում՝ թվով 4 հուշարձանի վերականգնման գիտանախագծային փաստաթղթերի ձեռքբերման նպատակով, մասնավորապես․

  • ՀՀ Արագածոտնի մարզի Աղձք Հայոց արքաների դամբարանի և հնավայրի ամրակայման, վերականգնման և տարածքի բարեկարգման, ՀՀ Արարատի մարզի Տափի բերդի պարիսպներին կից օժանդակ շինությունների վերականգնման, ավտոկայանատեղի կառուցման, ՀՀ Վայոց Ձորի մարզի Սմբատաբերդի պարիսպների վթարային հատվածների և կից կառույցների ամրակայման, նորոգման, վերականգնման և տարածքի բարեկարգման գիտանախագծային փաստաթղթերի կազմման համար 3 անգամ հայտարարված մրցույթները չեն կայացել: Հաշվի առնելով, որ «Պատմամշակութային ժառանգության գիտահետազոտական կենտրոն» ՊՈԱԿ-ի կողմից շարունակաբար իրականացվում են Աղձք Հայոց արքաների դամբարանի և հնավայրի պեղման աշխատանքները, ինչպես նաև ՊՈԱԿ-ի անձնակազմում ներառված ճարտարապետները նախկինում գիտական աշխատանք են իրականացրել Արարատի մարզի Վեդի համայնքի Տափի բերդի պարիսպների, Վայոց ձորի մարզի Արտաբույնք գյուղի Սմբատաբերդի պարիսպների վերականգնման ուղղությամբ՝ նախագծային փաստաթղթերը նախատեսվում է ձեռք բերել վերջինից՝ դրամաշնորհային պայմանագրի հիման վրա։
  • ՀՀ Սյունիքի մարզի Բաղաբերդ ամրոցի ամրակայման, նորոգման, վերականգնման գիտանախագծային փաստաթղթերի կազմման համար ևս 3 անգամ հայտարարված մրցույթները չեն կայացել, քանի որ հայտ չի ներկայացվել: Հաշվի առնելով, որ նախատեսվում է Բաղաբերդ ամրոցին առաջիկայում տալ արգելոց-թանգարանի կարգավիճակ՝ որպես «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ, ինչպես նաև այն հանգամանքը, որ նշված ՊՈԱԿ-ը, համաձայն փոփոխված կանոնադրության, իրավունք է ձեռք բերել մատուցելու նախագծանախահաշվային փաստաթղթերի կազմման ծառայություններ՝ փաստաթղթերը նախատեսվում է ձեռք բերել վերջինից՝ դրամաշնորհային պայմանագրի հիման վրա։
  • Նախատեսվում է ավարտված շինարարական աշխատանքների համար 32,972.0 հազար դրամ գումարի չափով վճարումներ կատարելու նպատակով կատարել հատկացումներ մասնավորապես «Երևանի պետական հումանիտար քոլեջ» ՊՈԱԿ-ին ամրացված շենքի տանիքի վերակառուցման, «Հայաստանի ազգային գրադարան» ՊՈԱԿ-ին ամրացված շենքի ջեռուցման, «Երևանի Վ. Համբարձումյանի անվան թիվ 12 հիմնական դպրոց» ՊՈԱԿ-ի կաթսայատան վերազինման աշխատանքների համար:
  • ՀՀ մարզերում ԳՏՃՄ լաբորատորիաների ձեռքբերման շրջանակում 525,862.2 հազար դրամ գումարի չափով առաջացած ոչ ռեզիդենտի հարկերի վճարման նպատակով կատարվել է վերաբաշխում և լաբորատորիաների ձեռքբերման միջոցառումներից հարկերի համար անհրաժեշտ գումարները կհատկացվեն «Կրթական ծրագրերի կենտրոն» ԾԻԳ-ին:
  • Նախատեսվում է նաև թույլատրել «Գյումրու մարզական բարձրագույն վարպետության դպրոց» ՊՈԱԿ-ին կատարել մարզադահլիճի ջեռուցման իրականացման և մասնակի նորոգման աշխատանքների համադրում 24.97%-ի չափով և ծավալների ավելացում 36.41%-ի չափով։ Վարպետության դպրոցին գումարը հատկացվել է ՀՀ կառավարության 14.12.2023թ․- ի N 2202-Ն որոշմամբ։ Աշխատանքների ընթացքում անհրաժեշտություն է առաջացել նախագծային փոփոխություններ կատարել, մասնավորապես վինիլային հատակը փոխարինվել է ռետինե հատակով, ինչպես նաև փոփոխություններ են կատարվել մուտքերի դռների և լուսավորության մասով։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Conditional Sentences in English

    Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.

  • Ձևավորող գնահատումը մայրենիի, հայոց լեզվի և գրականության դասաժամերին

      « Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել   դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։ 

  • «Աբու-Լալա Մահարի » պոեմի ուսուցման իմ փորձը

    ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:

  • Արհեստական բանականության դերը կրթության մեջ

  • Տեղեկատվական տեխնոլոգիաների դերը կրթության մեջ

    Մասնագիտական հեռավար վերապատրաստման դասընթաց

  • Ուսուցիչների ինքնագնահատման, կարիքների վերհանման և աջակցման գործիքի ստեղծում

  • ՏՀՏ առցանց դասընթաց

  • Հեռավար ուսուցում 2022—2023 ուսումնական տարի, 5-րդ դասարան

    Հեռավար ուսուցում 2022—2023 ուսումնական տարի, 5-րդ դասարան

  • Հեմինգուեյի «Ծերունին և ծովը» վիպակի ուսուցումը նորագույն մեթոդներով

                                              Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է  8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն  կիրառումը մշտապես կարևոր բաղադրիչ է հանդիսացել  ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը:  «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման  ուսումնասիրելիս խորհուրդ է տրվում առաջնորդվել  ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական  հասկացություններին: Եռափուլ համակարգի առանձին փուլերում կիրառել  համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված  բոլոր մեթոդներն ու հնարները  կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը  հաջողությամբ կիրառել կամ դասը պլանավորելիս համատեղել իր  նախընտրած մեթոդի հետ և հասնել ցանկալի արդյունքի:  

  • Հեռավար ուսուցում 2022—2023 ուսումնական տարի, 3-րդ դասարան

    Հեռավար ուսուցում 2022—2023 ուսումնական տարի, 3-րդ դասարան