ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Փարիզ-2024. բացահայտելով հայ օլիմպիականներին. Վազգեն Թևանյան. պետք չէ մտածել նվազագույնի մասին

Հուլիսի 9, 2024
Սպորտային լուրեր

Ֆրանսիայի մայրաքաղաքում հուլիսի 26-ից օգոստոսի 11-ը կայանալիք Օլիմպիական խաղերին ընդառաջ ներկայացնում ենք Հայաստանի օլիմպիական թիմի անդամներին:

Վազգեն Թևանյան

Եվրոպայի չեմպիոն, ազատ ոճային ըմբիշ Վազգեն Թևանյանը Փարիզ-2024-ի ուղեգիրը նվաճել է՝ աշխարհի առաջնության բրոնզե մեդալը նվաճելով: Թևանյանը կարիերայում երկրորդ անգամ կմասնակցի Օլիմպիական խաղերին:

- Վազգե՛ն, Փարիզ-2024-ի ուղեգիրը նվաճեցիք անցած աշնանը՝ աշխարհի առաջնության բրոնզե մեդալը նվաճելու շնորհիվ: Ի՞նչ զգացողություններ ունեիք:

- Անկեղծ ասած՝ միայն ուրախ էի, որ Օլիմպիական խաղերի ուղեգիր եմ նվաճել: Վստահ էի, որ կարող էի ավելի լավ արդյունք գրանցել աշխարհի առաջնությունում: Այդ իսկ պատճառով ուրախությունս ոչ այնքան լիարժեք էր:

- Այս ընթացքում ի՞նչ նախապատրաստություն եք անցել ու հիմա որքանո՞վ եք պատրաստ խաղերին:

-Ուսումնամարզական շատ հավաքներ ենք անցկացրել, նաև մրցաշարի ենք մասնակցել Զագրեբում: Հիմա բավական լավ մարզավիճակում եմ գտնվում, մարզումներն աստիճանաբար ավելացնում ենք և լավ տրամադրությամբ նախապատրաստվում Օլիմպիական խաղերին: Նպատակս միայն մեկն է՝ չեմպիոնություն:

- Սա Ձեր երկրորդ Օլիմպիական խաղերն է: Տոկիոյի խաղերում զիջեցիք առաջին իսկ գոտեմարտից: Ինչը՞ չստացվեց Տոկիոյում և ինչի՞ վրա եք աշխատել այս ընթացքում:

- Տոկիոյի խաղերից առաջ լիարժեք նախապատրաստություն չկարողացանք անցել: Ժամային գոտին էլ խանգարեց. մրցավայր էինք հասել մրցումներից 2-3 օր առաջ և չհասցրինք լիարժեք հարմարվել, ինչը բարդացրեց մեր գործը: Երեք տարի է անցել: Այս ընթացքում ավելի շատ մրցաշարերի եմ մասնակցել և ավելի փորձառու եմ դարձել: Կուտակածս փորձը կաշխատեմ նպատակային օգտագործել ու լավագույնս հանդես գալ Փարիզում:

- Իսկ ո՞րը կլինի այն նվազագույն արդյունքը, որը գոհացնող կհամարեք Փարիզի խաղերում:

- Կարծում եմ՝ մրցման գնալիս պետք չէ մտածել նվազագույնի մասին: Եթե մտածում ես միայն ոսկու մասին, հնարավոր է՝ գրավես երրորդ կամ հինգերորդ տեղը: Եթե մտածես նվազագույն՝ բրոնզի մասին ու դա բավարար համարես, հնարավոր է՝ առաջին իսկ գոտեմարտից պարտվես: Կարծում եմ՝ միշտ պետք է ձգտել առավելագույնի: Ես պայքարելու եմ ոսկու համար: Մասնակցում եմ Օլիմպիական խաղերին, սա նշանակում է՝ արդեն իսկ իրատեսական են նաև մեդալային հույսերը: Հետևում լավ աշխատանք ունենք, լավ մարզումներ, ինչը չեմպիոնական հույսեր և վստահություն է տալիս:

- Ձեր քաշային կարգում գրեթե բոլոր մրցակիցներին ճանաչում եք: Ինչպիսի՞ մրցակցություն եք ակնկալում:

- Այո, բոլորին ճանաչում եմ: Կարծում եմ՝ անզիջում պայքար է լինելու: Բոլորն էլ գոտեմարտելու են հաղթանակի համար: Սա Օլիմպիական խաղեր է. բոլորը ձգտելու են օգտագործել իրենց շանսն ու պայքարել մեդալների համար:

Բլից հարցեր

Լեգենդար մարզիկներից ո՞ւմ հետ կուզեիք մեկ ամբողջ օր անցկացնել:

- Բոլոր հայ լեգենդար մարզիկների հետ արդեն մեկ օր անցկացրել եմ:

Ամենալավարժեքավոր խորհուրդըորը երբևէ Ձեզ տվել են:

-Անձնական մարզչիս խորհուրդը կհիշեմ՝ «Պետք է միշտ պայքարել, մինչև վերջին վայրկյանը»:

Ձեզ համար ի՞նչն է կյանքում ամենագլխավորը:

-Ընտանիքը:

Ձեր կյանքի կանոնները:

- Սիրել ընտանիքը և սիրել Աստծուն:

Ինչի՞ց եք վախենում:

- Վախեր չունեմ:

Ինչի՞ն կամ ո՞ւմ եք հավատում:

- Աստծուն:

Ի՞նչ վերնագիր կունենար Ձեր մասին գիրքը:

- Չեմ մտածել այդ մասին:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ջոն Դյուի՝ նախագծային մեթոդի հիմնադիր

    Թեմայի հեղինակ՝ LZH

    <<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…

  • 9-րդ դաս. Բնագիտություն առարկայի քննությունը ուս. նախագծի միջոցով անցկացնելու մասին

    Թեմայի հեղինակ՝ manush

    ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…

  • Նախագծային ուսուցում. Հայեցակարգ և ուսուցիչների վերապատրաստման մոդուլ

    Թեմայի հեղինակ՝ manush

    Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…