ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հունիսի 6-ին՝ հայ մեծանուն կոմպոզիտոր Արամ Խաչատրյանի ծննդյան օրը‚ ՀՀ ԿԳՄՍ նախարարության աջակցությամբ մեկնարկում է Խաչատրյանի անվան 20-րդ միջազգային մրցույթը։
Մրցույթի նպատակն է բացահայտել տաղանդավոր երիտասարդներին և հանրահռչակել Արամ Խաչատրյանի արվեստը։ Այս տարի մրցույթը կանցկացվի «Ջութակ» մասնագիտական կարգում։ Մասնակցության իրավունք են ստացել 13 երկրի 20 ջութակահարներ։ Նրանք ներկայացնում են Հայաստանը, ԱՄՆ-ն, Բելգիան, Գերմանիան, Լիտվան, Լեհաստանը, Ճապոնիան, Չինաստանը, ՌԴ-ն, Նորվեգիան, Ավստրալիան, Ֆրանսիան, Պորտուգալիան։ Այս տարիների ընթացքում խաչատրյանական մրցույթի շնորհիվ երաժշտական աշխարհին ճանաչելի են դարձել բազմաթիվ երաժիշտներ‚ որոնք գրավել են լավագույն բեմերն ու շարունակում են հանդես գալ ամենահեղինակավոր նվագախմբերի հետ։
Մրցույթի բացման շրջանակում այսօր հրավիրվել է մամուլի ասուլիս, որի ընթացքում ԿԳՄՍՆ ժամանակակից արվեստի վարչության պետ Սվետլանա Սահակյանը նշել է, որ նախարարության նպատակներից է հայկական կոմպոզիտորական արվեստի հանրահռչակումն աշխարհում‚ և նման միջազգային միջոցառումները նպաստում են այդ նպատակի իրականացմանը։ Նրա խոսքով՝ ԿԳՄՍ նախարարությունը 20 տարիների ընթացքում եղել է մրցույթի կողքին‚ և համագործակցությունը կազմակերպիչների հետ միշտ եղել է արդյունավետ։
«Արամ Խաչատրյան» մշակութային հիմնադրամի գործադիր տնօրեն Մարտին Թովմասյանն ընդգծել է՝ մասնակից 20 երաժիշտներն արդեն իսկ իրենց նվագացանկերում ընդգրկել են Արամ Խաչատրյանի ստեղծագործությունները‚ քանի որ դրանք ներառված են մրցույթի պարտադիր ծրագրում։ Հիմնադրամի ղեկավարը ներկայացրել է ստուգատեսի ժամանակացույցը‚ ըստ որի՝ առաջին փուլը կանցկացվի հունիսի 7-ին և 8-ին‚ երկրորդ փուլը՝ հունիսի 9-ին և 10-ին‚ երրորդ փուլը՝ հունիսի 11-ին և 12-ին։ Իսկ ահա հունիսի 13-ին կայանալիք գալա համերգի ընթացքում հայտնի կդառնան մրցույթի հաղթողները‚ և տեղի կունենա պարգևատրման արարողությունը։
Խաչատրյանի անվան միջազգային մրցույթի հոգաբարձուների խորհրդի նախագահ Արմեն Սմբատյանն իր հերթին տեղեկացրել է‚ որ մրցույթին մասնակցել ցանկացողների թիվը տարեցտարի ավելանում է‚ ինչը պայմանավորված է ստուգատեսի որակի ու հեղինակության բարձրացմամբ։ Նա նաև նշել է‚ որ 8000-ից ավելի երաժիշտ աշխարհի տարբեր բեմերում կատարում է Արամ Խաչատրյանի երաժշտությունը։
Երևանի քաղաքապետի տեղակալ Լևոն Հովհաննիսյանը կարևորել է Երևանում անցկացվող մշակութային իրադարձությունները՝ ընդգծելով, որ այս օրերին Խաչատրյանի երաժշտությունը տասնյակ երիտասարդ ջութակահարների համախմբել է մայրաքաղաքում‚ որոնք մրցույթի շնորհիվ ծանոթանում են Հայաստանին‚ Երևանին‚ մեր երկրի մշակութային ժառանգությանը։
Խաչատրյանի անվան 20-րդ մրցույթի ժյուրիի նախագահ Զոհրաբ Թադևոսյանը‚ մրցույթի մասնակիցներին հաջողություններ մաղթելով‚ խորհուրդ է տվել ելույթ ունենալիս լինել ազատ‚ չմտածել մրցակցության մասին, այլ գերագույն հաճույք ստանալ իրենց կատարումից։
Ասուլիսից անմիջապես հետո տեղի է ունեցել վիճակահանություն, որի միջոցով որոշվել է մրցույթի ընթացքում մասնակիցների ելույթների հաջորդականությունը։
Մրցույթի մասնակիցները և ժյուրիի անդամներն այցելել են նաև Կոմիտասի անվան պանթեոն՝ հարգանքի տուրք մատուցելու Արամ Խաչատրյանի հիշատակին:
«Արամ Խաչատրյան» մշակութային հիմնադրամի կողմից կազմակերպվող երաժշտական այս ստուգատեսն իր կարևոր տեղն ունի աշխարհում անցկացվող միջազգային մրցույթների ընտանիքում։ Խաչատրյանի անվան միջազգային մրցույթը 2013 թվականից Ժնևում հիմնված Միջազգային երաժշտական մրցույթների համաշխարհային ֆեդերացիայի (WFIMC) անդամ է և գործում է ֆեդերացիայի սահմանած կանոններով։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, ողջույն: Բոլորս էլ գիտենք այն զգացողությունը, երբ դասն ամենայն մանրամասնությամբ պատրաստել ենք, բայց դասարանում զգում ենք, որ երեխաների մտքերը «Minecraft»-ի կամ հերթական թրենդային հոլովակի մեջ են: Մենք այսօր…
«Հարգելի՛ գործընկերներ, Այսօր ուզում եմ բարձրաձայնել մի հարցի մասին, որը վստահաբար յուրաքանչյուրիդ տանը «հնչում է» երեկոյան ժամերին՝ Viber-ի կամ WhatsApp-ի ծանուցման ձայնով: Ես միշտ ձգտում եմ լինել հասանելի, օպերատիվ և…
Արդյո՞ք նկարագրական բնութագիրը իրականում արտացոլում է երեխայի առաջընթացը, թե՞ այն վերածվել է հսկայական լրացուցիչ թղթաբանության մեզ համար: Մենք ժամեր ենք ծախսում բառեր ընտրելու վրա, որոնք հաճախ կրկնվում են, մինչդեռ այդ…
«Արդյո՞ք AI-ն (օրինակ՝ ChatGPT-ն) օգնում է մեզ ավելի արագ պատրաստել դասի պլաններ ու մեթոդական նյութեր, թե՞ այն սպանում է մանկավարժի ստեղծագործական միտքը: Իսկ ի՞նչ անել, երբ աշակերտներն են սկսում դասերին…
Հարգելի գործընկերներ, ողջույն: Այսօր մենք շատ ենք խոսում Հանրակրթության պետական նոր չափորոշչի (ՀՊՉ) մասին, որի առանցքում ոչ թե լոկ գիտելիքն է, այլ կարողունակությունը: Բայց ինչպե՞ս դասագրքային չոր տեղեկատվությունը վերածել կենսակերպի:…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
