ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության‚ գիտության‚ մշակույթի և սպորտի նախարարի տեղակալ Դանիել Դանիելյանը Երևանի Սամվել Հովսեփյանի թիվ 116 հիմնական դպրոցում ներկա է եղել դասական երաժշտության «ԴասA» ծրագրին:
Դանիել Դանիելյանը ողջունել է աշակերտներին և ուսուցիչներին՝ ընդգծելով, որ նախարարությունը մեծ ուշադրություն է դարձնում կրթամշակութային ծրագրերի իրականացմանը. «Կրթված և դաստիարակված մարդը պետք է ամեն ինչից գաղափար ունենա: Մշակույթն ընդհանուր կրթության անբաժան մասնիկն է։ Այսօրվա դասը‚ որին դուք կմասնակցեք‚ ընդամենը մի կաթիլ է երաժշտական մեծ աշխարհից, որը «ԴասA» ծրագրով մտնում է դպրոց։ Երաժշտությունը շատ բազմազան է‚ բազմաժանր ու բազմաշերտ‚ և խորհուրդ եմ տալիս շատ ուշադիր լինել։ Գուցե դասից հետո ձեզ մոտ ցանկություն առաջանա համացանցում փնտրել հետաքրքիր տեղեկություններ երաժշտության գեղեցիկ աշխարհի մասին‚ իսկ գուցե նաև գրանցվեք երաժշտական կամ արվեստի դպրոցում և ավելի խորությամբ ուսումնասիրեք մշակույթը։ Արվեստով‚ երաժշտությամբ զբաղվելը ձեզ կօգնի նաև ավելի լավ սովորել հայոց լեզուն‚ պատմությունը‚ մաթեմատիկան կամ մյուս առարկաները»։
«ԴասA» ծրագրի շրջանակում աշակերտների հետ հանդիպումներն անցկացվում են ինտերակտիվ ձևաչափով։ Հայաստանի պետական սիմֆոնիկ նվագախմբի երաժիշտները խաղերի‚ վիկտորինաների միջոցով երեխաներին գիտելիքներ են փոխանցում կոմպոզիտորների‚ նրանց ստեղծագործությունների‚ երաժշտական գործիքների‚ նվագախմբի կառուցվածքի‚ դիրիժորի դերի‚ համերգներին այցելության կանոնների և բազմաթիվ այլ թեմաների վերաբերյալ։
Սամվել Հովսեփյանի անվան թիվ 116 հիմնական դպրոցում աշակերտներն ունկնդրել են նաև Սիմֆոնիկ նվագախմբի երաժիշտների կատարումները։ Նշենք‚ որ դաս-հանդիպումներից բացի՝ երեխաներն ուսուցիչների ուղեկցությամբ այցելում են համերգասրահ՝ ունկնդրելու Հայաստանի պետական սիմֆոնիկ նվագախմբի համերգները։
Նշենք նաև‚ որ «ԴասA»-ի սոցիալական հարթակներում մշտապես կազմակերպվում են վիկտորինաներ և մրցույթներ, տրվում են մրցանակներ՝ աշակերտների ներգրավվածության բարձրացման և հետադարձ կապի ապահովման նպատակով:
Թիվ 116 հիմնական դպրոցի աշակերտներից Ջոն Ճաղարյանը խոստովանում է‚ որ շատ բան չգիտի դասական երաժշտության մասին և այս հանդիպման շնորհիվ երաժշտության մասին հետաքրքիր և նոր տեղեկություններ է ստացել։ Կարինե Վարդանյանի խոսքով էլ՝ թեև ծնողների հետ այցելել է համերգների‚ սակայն «ԴասA»-ից ստացած գիտելիքները կօգնեն իրեն՝ ավելի լավ հասկանալու դասական երաժշտությունը։
Տեղեկացնենք‚ որ նախորդ տարիներին «ԴասA»-ն անցկացվել է ՀՀ ավագ դպրոցներում։ 2024 թվականից ծրագրի ծածկույթն ընդլայնվել է՝ ներառելով ՀՀ հիմնական և միջնակարգ դպրոցները։ Ընթացիկ տարում նվագախմբի ստեղծագործական թիմն այցելել է մայրաքաղաքի 16 և մարզային 2 դպրոց։ Ինտերակտիվ հանդիպումներին մասնակցել է ավելի քան 4000 դպրոցական։
Նշենք, որ դասական երաժշտության «ԴասA» ծրագիրն իրականացնում է Հայաստանի պետական սիմֆոնիկ նվագախումբը՝ ՀՀ ԿԳՄՍ նախարարության աջակցությամբ: 2018 թվականից այն մուտք է գործել մայրաքաղաքի ու մարզերի բազմաթիվ կրթօջախներ՝ ներգրավելով հազարավոր աշակերտների։ Ծրագրի նպատակն է պատանիների շրջանում դասական երաժշտության նկատմամբ սեր ու հետաքրքրություն սերմանել‚ նրանց մատուցել բարձրարժեք երաժշտարվեստ, ձևավորել խորքային պատկերացումներ դասական երաժշտության մասին։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Նախագծային ուսուցում. Բեռ, թե՞ հնարավորություն օտար լեզվի ուսուցչի համար Հարգելի գործընկերներ, 2024-2026 թթ. ՀՊՉ նոր պահանջների համաձայն՝ նախագծային աշխատանքը դարձել է մեր առօրյայի անբաժան մասը: Սակայն եկեք անկեղծ լինենք. շատերիս…
Արհեստական բանականությունը՝ օգնական, թե՞ «թշնամի». Հարգելի գործընկերներ, Թվային դարաշրջանի արագընթաց զարգացումները մեզ ստիպում են վերանայել դասավանդման ավանդական մեթոդները: Եթե նախկինում մեր գլխավոր խնդիրը տեղեկատվության հայթայթումն էր, ապա այսօր մարտահրավերը փոխվել…
Բարև ձեզ, եկեք քննարկենք այս թեման փորձի փոխանակման Ներառական դպրոցը այն միջավայրն է, որտեղ յուրաքանչյուր երեխա ընդունված է և գնահատված՝ անկախ իր կարողություններից, կարիքներից կամ առանձնահատկություններից: Ներառական կրթության նպատակը ոչ…
Հարգելի՛ գործընկերներ, եկե՛ք քննարկենք․ ՏՀՏ –ն ուսումնական գործընթացում խթա՞ն, թե ավելորդ ժամանակի վատնում․․․ 21–րդ դարում դժվար է պատկերացնել որակյալ կրթությունն առանց տեղեկատվական տեխնոլոգիաների:Կրթության ոլորտը դիտարկվում է որպես երկրի կայուն զարգացման…
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
