Առանց մեծերի դժվար է, առանց հույսի՝ անհնար:
Նրանք մեր հիշողությունն են…
….Մի Վիկտոր Համբարձումյան է գալիս, և մեր հայացքները երկինքին են դառնում և մահկանացուի մեր խեղճուկրակ խրճիթում, որ մեր միտքն ու մարմինն է, մենք ժամանակներ ու տարածություններ ենք բացում: Մեր կյանքը նրանք են կերտում՝ այդ մեծերը: Հայրենիքներ մեզ նրանք են շնորհում՝ այդ իրավ մեծերը…
Հրանտ Մաթևոսյան
Եղվարդի N 3 հիմնական դպրոցում IV ա դասարանի դասղեկի բաց դասը, որ կրում էր «Բոլոր աստղերը ճանաչում են նրան» խորագիրը , նվիրված էր Վիկտոր Համբարձումյանի կյանքին ու գործունեությանը (դասվար` Ա. Սարդարյան):
Երեխաները մեջ բերեցին մի հատված Վ. Համբարձումյանի կտակից, որտեղ նա արժևորում և գնահատում է հայոց լեզվի իմացությունը: Գեղեցիկ բեմականացմամբ ու հետաքրքիր դերասանական խաղով նրանք ներկայացրին հարցազրույց Վ. Համբարձումյանի «ծնողների, քրոջ» հետ, պատմեցին հետաքրքիր փաստեր մեծ գիտնականի կյանքից:
Նման դասերը օգնում են մատաղ սերնդին ճանաչելու սեփական պատմությունը և պատմություն կերտողներին:
Դա ժամանակի թելադրանքն է: