ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հայաստանի Հանրապետության կրթության, գիտության, մշակույթի և սպորտի նախարարի տեղակալ Արաքսիա Սվաջյանն ապրիլի 23-ին ընդունել է ՅՈՒՆԻՍԵՖ-ի Եվրոպայի և Կենտրոնական Ասիայի տարածաշրջանի Եվրոպայի և Կենտրոնական Ասիայի կրթության գծով խորհրդական Նորա Շաբանիին:
Հանդիպման ընթացքում կողմերը քննարկել են ներառական կրթության համակարգի շարունակական բարեփոխումների գործընթացում ՅՈՒՆԻՍԵՖ-ի հետ համագործակցության վերաբերյալ հարցեր:
ՀՀ ԿԳՄՍ նախարարի տեղակալ Արաքսիա Սվաջյանը ողջունել է հյուրին՝ նշելով, որ ՅՈՒՆԻՍԵՖ-ի աջակցությամբ նախարարությունն իրականացնում է մի շարք կարևոր ծրագրեր, որոնք նպաստում են հանրակրթության ոլորտում ընթացող բարեփոխումների արդյունավետությանը: Նա ընդգծել է հատկապես կրթության համակարգում համընդհանուր ներառականությանն ուղղված ծրագրերը՝ նշելով, որ ՅՈՒՆԻՍԵՖ-ը միջազգային լավագույն փորձը Հայաստան բերելու և ադապտացնելու հնարավորությունների ստեղծման առումով լավագույն գործընկերներից է:
Նախարարի տեղակալի խոսքով՝ համընդհանուր ներառական համակարգը ներդրվել է հանրակրթական բոլոր դպրոցներում: ՅՈՒՆԻՍԵՖ-ի աջակցությամբ ներկայում իրականացվում է ծրագիր, որը հնարավորություն կտա դպրոցներում առավել արդյունավետ մեթոդներով կազմակերպել հատուկ կարիքով երեխաների ներառման և ուսումնառության գործընթացը:
Խոսելով նախադպրոցական ոլորտի մասին՝ նախարարի տեղակալը փաստել է, որ նախադպրոցական ներառական կրթությունը պետության կողմից ներդրվել է վերջին տարիներին: ՅՈՒՆԻՍԵՖ-ի հետ համագործակցությամբ մշակվել է գնահատման գործիքակազմը, որը հնարավորություն է տալիս կրթության առանձնահատուկ պայմանների կարիք ունեցող նախադպրոցականների կրթությունը կազմակերպել առավել արդյունավետ. «Պետության կողմից որոշակի քայլեր այս ուղղությամբ ևս իրականացվում են՝ հատկապես նախադպրոցական տարիքի կրթության առանձնահատուկ պայմանների կարիք ունեցող երեխաների նախադպրոցական կրթության կազմակերպման բարելավումը կարևորելով»,- ասել է Արաքսիա Սվաջյանը:
Այս համատեքստում անդրադառնալով մանկավարժահոգեբանական աջակցության ծառայությունների զարգացմանը՝ նա նշել է, որ բարեփոխումների շրջանակում հատուկ դպրոցները վերափոխվելու են ռեսուրս կենտրոնների, որոնք կտրամադրեն աջակցող ծառայություններ:
Ըստ Արաքսիա Սվաջյանի՝ այս առումով ՅՈՒՆԻՍԵՖ-ի հետ համագործակցության շրջանակում կարևոր են տարածքային կենտրոնների կարողությունների զարգացմանն ուղղված ծրագրերը:
Հանդիպման ընթացքում նախարարի տեղակալ Արաքսիա Սվաջյանը հակիրճ անդրադարձել է նաև ՄԿՈւ ոլորտի բարեփոխումներն, որտեղ ևս ներառականությունը կարևոր ուղղություն է:
«Ներառման գործընթացը սկսում ենք նաև նախնական և միջին մասնագիտական ուսումնական հաստատություններում, որն ավելի բարդ է, քանի որ հայեցակարգային առումով տարբերվում է կրթական մյուս մակարդակներում իրականացվող ներառման գործընթացներից՝ հաշվի առնելով, որ խոսում ենք մասնագիտական կրթության մասին»,- ասել է Արաքսիա Սվաջյանը՝ շեշտելով, որ ներկայում մշակվում է «Մասնագիտական կրթության և ուսուցման մասին» օրենքի նախագիծը, որտեղ ներառականությունն առանձնակի կարևորված է:
ՅՈՒՆԻՍԵՖ-ի Եվրոպայի և Կենտրոնական Ասիայի տարածաշրջանի Եվրոպայի և Կենտրոնական Ասիայի կրթության գծով խորհրդական Նորա Շաբանին ՀՀ-ում համընդհանուր ներառական կրթության ներդրման գործընթացը գնահատել է դրական՝ ընդգծելով, որ բարեփոխումների արդյունքը գոհացուցիչ է, որը նաև հետագա համագործակցության ընդլայնման նախադրյալ է։
Հանդիպման ընթացքում երկուստեք կարևորվել է հետագա համագործակցության շարունակականությունը, անդրադարձ է եղել մի շարք ընթացիկ հարցերի:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Դասապրոցեսում արդյունավետ եմ համարում «Պատմական դատավարություն» մեթոդը, քանի որ այն սովորողներին հնարավորություն է տալիս ոչ միայն հիշել փաստերը, այլև վերլուծել, գնահատել և պաշտպանել դիրքորոշում: Այս մեթոդով պատմությունը դառնում է քննարկման…
Հարգելի՛ գործընկերներ: Միջին դպրոցում անգլերեն լեզվի ուսուցման ընթացքում հաճախ հանդիպում ենք սովորելու մոտիվացիայի նվազման խնդրին: Այս տարիքային փուլում աշակերտները հատկապես զգայուն են հետաքրքրության, ինքնահաստատման և շրջապատի ազդեցության նկատմամբ, ուստի անհրաժեշտ…
Հարգելի գործընկերներ, առաջարկում եմ քննարկել հասարակագիտության դասավանդման գործընթացում բանավեճի մեթոդի կիրառումը, քանի որ դա դիտարկում եմ ոչ թե որպես սովորական մեթոդ, այլ՝ որպես քննական մտածողության զարգացման նպատակային գործիք: Հասարակագիտությունը գործ…
Պատմության ուսուցումը երկար տարիներ ասոցացվել է տարեթվերի, անունների և իրադարձությունների անգիր հիշելու հետ: Սակայն ժամանակակից կրթական միջավայրը պահանջում է ավելին: Պատմությունը պարզապես անցյալի փաստերի շարադրանք չէ․ այն վերլուծության, մեկնաբանության և…
Ինչպես աշխատել տարբեր մակարդակի աշակերտների հետ նույն դասարանում (Mixed-Ability ESL Classroom) Տարբեր մակարդակները կարող են լինել՝ լեզվական կարողությունների (A1–B2) սովորելու տեմպի մոտիվացիայի քննադատական մտածողության Խնդիրը ոչ թե «միասնական ծրագիրն» է,…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
