ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

««Թատերական շաբաթ» ծրագիրը ոգևորել է երեխաներին և թատերական հանրությանը». Դանիել Դանիելյան

Մարտի 29, 2024
Մշակութային լուրեր

ՀՀ կրթության, գիտության, մշակույթի և սպորտի նախարարությունը մարտի 25-ից 31-ն իրականացնում է «Թատերական շաբաթ» ծրագիրը:

Թատերական այս նոր նախագծին մասնակցում են նախարարության, Երևանի քաղաքապետարանի և մարզերի համայնքային ենթակայությամբ գործող թատրոնները։

«Թատերական շաբաթ» նոր նախաձեռնությունը մեծապես ոգևորել է երեխաներին և թատերական հանրությանը: Մեծ ակտիվություն են ցուցաբերում ինչպես մայրաքաղաքի, այնպես էլ մարզերի թատերական կազմակերպությունները: Ծրագրի շրջանակում մարտի 25-31-ը թատերասերները բացառիկ հնարավորություն ունեն շրջայցեր կատարելու թատրոններում, ծանոթանալու թատրոնների պատմությանը, այցելելու հագուստի, փայտամշակման, բուտաֆորական առարկաների արտադրամասեր և դիմահարդարման սենյակներ, ինչպես նաև զրուցելու դերասանների հետ և մասնակցելու վարպետության դասերի:

ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը հետևում է «Թատերական շաբաթվա» միջոցառումների ընթացքին և ներկա լինում ծրագրերին:

Նախարարի տեղակալն այցելել է ՀՀ ԿԳՄՍՆ ենթակայության Կ. Ստանիսլավսկու անվան պետական ռուսական դրամատիկական թատրոն, որը շաբաթվա ընթացքում ընդունել է բազմաթիվ հյուրերի: Այցելուները մարտի 25-ից 31-ը բացառիկ հնարավորություն ունեն թատրոնի գրական մասի վարիչ Մարինե Մարինոսյանի ուղեկցությամբ շրջելու թատրոնի թանգարանում, ծանոթանալու պատմությանն ու ավանդույթներին, այցելելու թատրոնի տարբեր արտադրամասեր` բուտաֆորների պատրաստման, հագուստի, դիմահարդարման։ Իրականացվում են նաև վարպետության դասընթացներ Երևանի թատրոնի և կինոյի պետական ինստիտուտի ուսանողների համար: Վերապատրաստման դասընթացի մասնակիցները կսովորեն՝ ինչպես բեմում ստեղծել կերպարներ, ազատ արտահայտել զգացմունքները, կատարելագործել բեմական խոսքի հմտությունները:

ՀՀ ԿԳՄՍ նախարարության «Թատերական շաբաթ» ծրագրին մասնակցում է Հենրիկ Մալյանի անվան թատրոնը։ Նախարարի տեղակալ Դանիել Դանիելյանը երեխաների հետ շրջայց է կատարել թատրոնում, ծանոթացել «Դու կարող ես» խորագրով մանկական ինտերակտիվ ներկայացման հերոսներին: Երեխաները թատրոնի աշխատակիցներին օգնել են տեղադրել դեկորացիաները, հետևել են դերասանների դիմահարդարման ընթացքին, ինչպես նաև մասնագետի ներկայացմամբ ծանոթացել լուսային և ձայնային տեխնիկայի կիրառման նրբություններին։

Թատրոնի միջազգային օրը ՀՀ ԿԳՄՍ նախարարի տեղակալ Դանիել Դանիելյանն այցելել է Գ. Սունդուկյանի անվան ազգային ակադեմիական թատրոն։ Փոխնախարարը մասնակցել է «Թատերադաս» խորագրով շրջայցին, ներկա գտնվել Մայր թատրոնի հեղինակային «Դասարան+Դասական» կրթական ծրագրի դասերին: Նշենք, որ «Թատերական շաբաթ» ծրագրի ընթացքում դպրոցականներին Գ. Սունդուկյանի անվան ազգային ակադեմիական թատրոնի աշխատակիցները կդիմավորեն մուտքի մոտ և կծանոթացնեն թատրոնի համառոտ պատմությանը, արձանաշարերին: Թատրոնի տարածքում, հետնաբեմում երեխաներին կներկայացվեն բեմի տեխնիկական, լուսաձայնային հնարավորությունները, դեկորացիաները։ «Թատերական շաբաթ» ծրագրի շրջանակում թատրոն այցելած երեխաները տարբեր բեմական հարթակներում կդիտեն «Դասարան+Դասական» թատերական կրթամշակութային ծրագրի մասնակից-դպրոցականների բեմական փորձերը՝ մնջախաղային, պարային, դրամատիկական, մյուզիքլային ներկայացումներից հատվածներ։

«Թատերական շաբաթվա» ընթացքում նախարարի տեղակալ Դանիել Դանիելյանն այցելել է նաև Աբովյանի դրամատիկական թատրոն: Նախագծի շրջանակում թատրոնը հյուրընկալել էր թատերասեր դպրոցահասակ երեխաներին։ Նախարարի տեղակալը երեխաների հետ շրջել է տարածքում, ծանոթացել թատրոնի պատմությանը, կուլիսային կյանքին, այնուհետև թատրոնի փոքր դահլիճում անցկացվել է զրույց-քննարկում։

Դանիել Դանիելյանն այցելել է Հրազդանի դրամատիկական թատրոն-մշակութային կենտրոն: «Թատերական շաբաթվա» ընթացքում դպրոցականները, գրադարանների ընթերցողները, աշխատակիցները և ՀԴԹ թատրոն-ստուդիայի սաները ծանոթացել են թատրոնի գործունեությանը, շրջայց կատարել, մասնակցել նոր ներկայացման նախապատրաստական աշխատանքներին։ Նախագծի շրջանակում կազմակերպվել են հանդիպումներ սիրված և ճանաչված դերասանների հետ։ Երեխաները մտերմիկ զրույցի և հարցեր ուղղելու հնարավորություն են ունեցել։ ՀՀ վաստակավոր արտիստ, Գ. Սունդուկյանի անվան ազգային ակադեմիական թատրոնի դերասան Ջուլիետա Ստեփանյանը ՀԴԹ թատրոն-ստուդիայի սաների համար անցկացրել է վարպետության դասեր:

Հրազդանի դրամատիկական թատրոն այցի շրջանակում նախարարի տեղակալը ծանոթացել է նաև թատրոնի անձնակազմի հետ, այնուհետև տնօրեն Վահագն Մարգարյանի հետ քննարկել է թատրոնի առաջիկա գործունեությանը վերաբերող մի շարք հարցեր։

ՀՀ ԿԳՄՍ նախարարի տեղակալ Դանիել Դանիելյանի խոսքով՝ թատրոնների անձնակազմերը մեծ խանդավառությամբ են միացել «Թատերական շաբաթ» ծրագրին. «Բոլորը ոգևորված են այս ծրագրով, գիտակցում են, որ այս նախագիծը կարևոր ուղերձներ է պարունակում: Ծրագրի նպատակն է կրթել երեխաներին որպես հանդիսատես, ամրապնդել կապը թատրոնի հետ։ Ծրագիրն աննախադեպ հնարավորություն է ընձեռում երեխաներին՝ ծանոթանալու թատրոն երևույթի, ոլորտի լավագույն մասնագետների հետ, պատկերացում կազմելու թատրոն համակարգի կառուցվածքի մասին։ Գովելի է, որ բոլոր թատրոններն ունեն իրենց առանձնահատուկ ծրագրերը և ձևաչափերը: Այսինքն այցելելով թատրոններ, երեխաները հայտնվում են տարբեր միջավայրերում, տեղեկատվությունն ու տպավորություններն էլ տարբեր են: Ծրագրի շրջանակում թատրոններում հանդիպել եմ նաև ծնողների և ուսուցիչների հետ, որոնք մեծ ոգևորությամբ էին խոսում այս ծրագրի արդյունավետության և կարևորության մասին»:

Դանիել Դանիելյանի տեղեկացմամբ՝ «Թատերական շաբաթ» ծրագրի շրջանակում այցելել է նաև մարզային և համայնքային թատրոններ, որտեղ ծրագիրն իրականացվում է հավուր պատշաճի և մեծ ոգևորությամբ. ««Թատերական շաբաթին» են միացել Վանաձորի Հ․ Աբելյանի անվան պետական դրամատիկական, Գյումրու Վ. Աճեմյանի անվան պետական դրամատիկական, Գորիսի Վ. Վաղարշյանի անվան դրամատիկական, Արտաշատի Ամո Խարազյանի անվան դրամատիկական թատրոնները: Այս թատրոնները ևս նախագծի շրջանակում երեխաներին ներկայացնում են հետաքրքիր կրթամշակութային նախագծեր և թատերական ներկայացումներ»:

Նախարարի տեղակալի այցերը թատրոններ շարունակվում են:

Նշենք, որ «Թատերական շաբաթ» ծրագրի շրջանակում թատրոններում իրականացվում են տարաբնույթ կրթամշակութային ծրագրեր, ինտերակտիվ ներկայացումներ, հանդիպումներ դերասանների, ռեժիսորների հետ, շրջայցեր դպրոցահասակ երեխաների համար։

Յուրաքանչյուր թատրոն առաջարկում է իր ծրագիրը, որին մասնակցելու համար անհրաժեշտ է նախապես գրանցվել։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ձևավորող գնահատումը մայրենիի, հայոց լեզվի և գրականության դասաժամերին

      « Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել   դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։ 

  • «Աբու-Լալա Մահարի » պոեմի ուսուցման իմ փորձը

    ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:

  • Արհեստական բանականության դերը կրթության մեջ

  • Տեղեկատվական տեխնոլոգիաների դերը կրթության մեջ

    Մասնագիտական հեռավար վերապատրաստման դասընթաց

  • Ուսուցիչների ինքնագնահատման, կարիքների վերհանման և աջակցման գործիքի ստեղծում

  • ՏՀՏ առցանց դասընթաց

  • Հեռավար ուսուցում 2022—2023 ուսումնական տարի, 5-րդ դասարան

    Հեռավար ուսուցում 2022—2023 ուսումնական տարի, 5-րդ դասարան

  • Հեմինգուեյի «Ծերունին և ծովը» վիպակի ուսուցումը նորագույն մեթոդներով

                                              Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է  8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն  կիրառումը մշտապես կարևոր բաղադրիչ է հանդիսացել  ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը:  «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման  ուսումնասիրելիս խորհուրդ է տրվում առաջնորդվել  ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական  հասկացություններին: Եռափուլ համակարգի առանձին փուլերում կիրառել  համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված  բոլոր մեթոդներն ու հնարները  կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը  հաջողությամբ կիրառել կամ դասը պլանավորելիս համատեղել իր  նախընտրած մեթոդի հետ և հասնել ցանկալի արդյունքի:  

  • Հեռավար ուսուցում 2022—2023 ուսումնական տարի, 3-րդ դասարան

    Հեռավար ուսուցում 2022—2023 ուսումնական տարի, 3-րդ դասարան

  • ՏՀՏ գործիքների կիրառությունը ուղղագրություն և ուղղախոսություն ուսուցանելիս

    Ուղղագրությունը և ուղղախոսությունը 10-րդ դասարանում: