Հայաստանը ֆրանկոֆոն ընտանիքի հետ մարտի 20-ին նշում է Ֆրանկոֆոնիայի միջազգային օրը:
Օրվա շրջանակում Կոմիտասի անվան Կամերային երաժշտության տանը կայացել է Հայաստանի պետական կամերային երգչախմբի համերգը՝ հնագույն երաժշտության «Տաղարան» համույթի մասնակցությամբ: Ծրագրում ընդգրկված են եղել Կլոդ Դեբյուսի, Մորիս Ռավելի, Պլիվիե Մեսսիանի և այլ անվանի կոմպոզիտորների ստեղծագործությունները:
Միջոցառմանը ներկա են եղել ՀՀ կրթության, գիտության, մշակույթի և սպորտի նախարարի տեղակալներ Արթուր Մարտիրոսյանն ու Դանիել Դանիելյանը, ԱԳ նախարարի տեղակալ Պարույր Հովհաննիսյանը, Հայաստանում Շվեյցարիայի արտակարգ և լիազոր դեսպան, ֆրանկոֆոն դեսպանների խմբի նախագահ Լուկաս Ռոզենկրանցը, հայ մեծանուն կոմպոզիտոր ՀԽՍՀ ժողովրդական արտիստ Տիգրան Մանսուրյանը, Հայաստանում հավատարմագրված ֆրանկոֆոն երկրների դիվանագիտական ներկայացուցիչներ, Հայաստանում գործող ֆրանկոֆոն հասարակական կազմակերպությունների անդամներ, մշակութային և հասարակական մի շարք այլ գործիչներ:
Ողջունելով ներկաներին՝ Արթուր Մարտիրոսյանն ընդգծել է՝ Ֆրանկոֆոնիայի միջազգային կազմակերպության հետ համագործակցությունը Հայաստանի արտաքին քաղաքականության կարևոր ուղղություններից է, ինչն ամրագրված է նաև Հայաստանի Հանրապետության կառավարության հնգամյա ծրագրում:
«Ֆրանկոֆոնիայի շուրջ համախմբումը մեծապես խթանում է հանդուրժողականությունը, կոտրում կարծրատիպերը և հարստացնում հասարակություններին բազմակարծությամբ, գաղափարներով և ավանդույթներով: Նման նախաձեռնություններով մենք նպաստում ենք մարդկության համընդհանուր ներդաշնակությանը` հեշտացնելով փորձի, գիտելիքների ու հմտությունների փոխանակումը մեր երկրների սահմաններից դուրս: Ֆրանկոֆոնիան վճռորոշ դեր ունի խաղաղության խթանման և հակամարտությունների նվազեցման գործում՝ ընդգծելով մշակութային բազմազանության փոխադարձ հարգանքն ու գնահատումը»,- ասել է Արթուր Մարտիրոսյանը:
ԿԳՄՍ նախարարի տեղակալը տեղեկացրել է՝ Ֆրանկոֆոնիայի երկամսյակի շրջանակում Երևանում և Հայաստանի բոլոր մարզերում անցկացվում են ֆրանկոֆոն մշակութային և գիտակրթական միջոցառումներ՝ միտված համընդհանուր արժեքների և ֆրանկոֆոն մշակույթի արժևորմանն ու տարածմանը:
«Այս տարի ևս Հայաստանի կրթամշակութային օջախներում կազմակերպվելու են ֆրանկոֆոնիային նվիրված բազմաբովանդակ միջոցառումներ և ծրագրեր, որոնց մի մասն է կազմում նաև մեր այսօրվա համերգը: Վստահ եմ, որ այդ բոլոր նախաձեռնությունները նպաստելու են ֆրանսերենի և ֆրանկոֆոն մշակույթի ու արժեքների տարածմանը»,- նշել է Արթուր Մարտիրոսյանը:
ԿԳՄՍ նախարարի տեղակալն ընդծել է՝ Հայաստանի համար մեծ պատիվ կլինի 2027 թվականին հյուրընկալել Ֆրանկոֆոնիայի հոբելյանական 10-րդ միջազգային մարզամշակութային խաղերն ու շուրջ 50 երկրից ընդունել ավելի քան 4000 մասնակիցների: Նախարարի տեղակալը նաև շնորհակալություն է հայտնել ֆրանկոֆոն գործընկերներին արդյունավետ և շարունակական համագործակցության համար, ինչպես նաև այս խորհրդանշական համերգի կայացման գործում իրենց ավանդն ունեցող մարդկանց. «Վստահ եմ, որ հետագայում նույնպես ֆրանկոֆոնիայի շրջանակներում փոխհամագործակցությունը հագեցած կլինի նոր նախաձեռնություններով և կշարունակի իր կայուն զարգացումը»:
Ներկաներին ողջունել է նաև ԱԳ նախարարի տեղակալ Պարույր Հովհաննիսյանը: Նրա խոսքով՝ այս տարվա Ֆրանկոֆոնիայի երկամսյակը մեկնարկում է մեզ համար միանգամայն նոր ու պատասխանատու հանձնառությամբ՝ Ֆրանկոֆոնիայի 10-րդ միջազգային մարզամշակութային խաղերը 2027 թվականին Հայաստանում անցկացնելու մասին կարևորագույն որոշման համատեքստում։ Պարույր Հովհաննիսյանն ընդգծել է՝ Հայաստանը հանձնառու է բարձր մակարդակով կազմակերպելու Ֆրանկոֆոնիայի խաղերը՝ մեկ վայրում միավորելով ֆրանկոֆոն ընտանիքի տարբեր մարզիկներին ու արվեստագետներին՝ խաղաղության, ժողովրդավարության և մարդու իրավունքների արժեքների ներքո։
ԱԳ նախարարի տեղակալի գնահատմամբ՝ այս տարվա Ֆրանկոֆոնիայի երկամսյակը խորհրդանշական է նաև նրանով, որ 2024 թվականին ամբողջ աշխարհը նշում է ֆրանսահայ աշխարհահռչակ շանսոնյե Շառլ Ազնավուրի ծննդյան 100-ամյակը. «Այս կարևոր հոբելյանը Հայաստանի և Ֆրանսիայի համատեղ առաջարկով և ֆրանկոֆոն պետությունների խմբի միաձայն աջակցությամբ ընդգրկվել է ՅՈւՆԵՍԿՕ-ի՝ Հռչակավոր մարդկանց և կարևոր իրադարձությունների տարելիցների 2024-2025թթ. օրացույցում։
Նշենք՝ միջոցառման ընթացքում Ֆրանկոֆոն արժեքների և ֆրանսերենի տարածման ու ամրապնդման գործում նշանակալի ավանդի համար Արտաքին գործերի նախարարության պատվո մեդալով են պարգևատրվել մի խումբ գործիչներ:
Հայաստանում Շվեյցարիայի արտակարգ և լիազոր դեսպան, ֆրանկոֆոն դեսպանների խմբի նախագահ Լուկաս Ռոզենկրանցը, ողջունելով ներկաներին, ընդգծել է՝ երկամսյակի ընթացքում տարածվելու է ոչ միայն ֆրանսերենը, այլև՝ ֆրանսիական մշակույթը. «Ֆրանսերենի հանրահռչակմանը զուգահեռ՝ առաջիկա երկամսյակում կարևորվելու են նաև համընդհանուր արժեքների և ֆրանկոֆոն մշակույթի արժևորումն ու տարածումը: Հուսով եմ՝ հայաստանյան հասարակությունը լիարժեքորեն կվայելի բոլոր այն հետաքրքիր ու բազմազան միջոցառումները, որ կկազմակերպվեն այս ընթացքում»:
Նշենք՝ Ֆրանկոֆոնիայի միջազգային օրն այս տարի նվիրված է հայ նշանավոր դիվանագետ Քրիստիան Տեր-Ստեփանյանի հիշատակին:
«Ֆրանկոֆոնիայի օրեր 2024»-ի շրջանակում երկու ամիս շարունակ Երևանում, Գյումրիում, Վանաձորում և Գավառում կանցկացվեն շուրջ 30 միջոցառումներ: Ծրագիրը բազմաժանր է՝ կինո, երաժշտություն, թատրոն, ժամանակակից արվեստ։ Հայաստանի շուրջ 325 կրթական ու մշակութային հաստատությունների կողմից էլ ամբողջ տարվա ընթացքում Երևանում ու ՀՀ մարզերում կազմակերպվելու են շուրջ 1000 միջոցառումներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ