ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ ԿԳՄՍ նախարարի տեղակալ Արթուր Մարտիրոսյանն այսօր ներկա է եղել «Բազմակուսակցական ժողովրդավարության հայկական ակադեմիա» ծրագրի պաշտոնական բացմանը նվիրված միջոցառմանը:
Միջոցառմանը մասնակցել են նաև Հայաստանում Նիդերլանդների Թագավորության դեսպան Յապ Ֆրեդերիքսը, ՀՀ-ում հավատարմագրված դեսպանությունների, երիտասարդական կազմակերպությունների, քաղաքական կուսակցությունների ներկայացուցիչներ, երիտասարդներ, հետազոտողներ:
Ծրագրի նպատակն է Հայաստանի երիտասարդների շրջանում ձևավորել ժողովրդավարության, մասնակցայնության և առաջնորդության հմտություններ, նրանց զինել անհրաժեշտ գիտելիքով:
Ողջունելով ներկաներին՝ ԿԳՄՍ նախարարի տեղակալ Արթուր Մարտիրոսյանն ընդգծել է՝ քաղաքացիական կրթությունը պետության երիտասարդական քաղաքականության կարևոր թիրախներից է: Այս առումով նաև կարևորել է գործընկեր կառույցների հետ շարունակական համագործակցությամբ թե՛ ֆորմալ կրթության մեջ, և թե՛ ֆորմալ կրթությունից դուրս քաղաքացիական և ժողովրդավարական կարողունակության զարգացմանն ուղղված ծրագրերը։
«Հայաստանն այսօր կրթական ակտիվ բարեփոխումների փուլում է, և հանրակրթական նոր չափորոշչով սահմանվել է ժողովրդավարության և քաղաքացիական կարողունակության զարգացումը՝ որպես միջնակարգ կրթության կարողունակությունների 8 վերջնարդյունքներից մեկը: Շատ կարևոր է, որ այս ծրագրով, արդեն ոչ ֆորմալ կրթական գործիքակազմի կիրառմամբ, այդ կարողունակությունը զարգացվի նաև երիտասարդների շրջանում,- ասել է ԿԳՄՍ փոխնախարարը և հավելել,- պետական երիտասարդական քաղաքականության շրջանակում կան բազմաթիվ ծրագրեր ու տարբեր գործընկերներ, որոնց հետ փորձում ենք կրթական բոլոր մակարդակներում ներդնել քաղաքացիական կրթությունը և նպաստել որոշումների ընդունման գործընթացում երիտասարդների մասնակցության խրախուսմանը»։
Արթուր Մարտիրոսյանի խոսքով՝ միջազգային չափանիշների համաձայն Հայաստանում ժողովրդավարությունը վերջին տարիներին մեծ առաջընթաց ունի: Այդուհանդերձ, ըստ փոխնախարարի, ժողովրդավարության կենսունակությունը ենթադրում է ակտիվ քաղաքացիության շարունակական գործադրում քաղաքացիների կողմից։ Եվ դա հնարավոր է, եթե երիտասարդներն ունենան համապատասխան հմտություններ ու գիտելիք, ինչին էլ միտված է «Բազմակուսակցական ժողովրդավարության հայկական ակադեմիա» ծրագիրը:
Արթուր Մարտիրոսյանը շնորհավորել է մասնակիցներին և շնորհակալություն է հայտնել դեսպանությանը և ներգրավված բոլոր կառույցներին՝ հույս հայտնելով, որ նմանատիպ ծրագրերը կդառնան շարունակական:
Նշենք, որ ծրագիրը ֆինանսավորում է Նիդերլանդների կառավարությունը, իրականացնում են «ՕքսԵՋեն» հիմնադրամն ու Նիդերլանդների բազմակուսակցական ժողովրդավարության ինստիտուտը (NIMD):
Միջոցառման ընթացքում ներկայացվել են ծրագրի հիմնական նպատակները, բաղադրիչները, ակնկալվող արդյունքները և համագործակցության հնարավորությունները:
«Բազմակուսակցական ժողովրդավարության հայկական ակադեմիայի» մասնակիցները պանելային քննարկմամբ անդրադարձել են երիտասարդների համար երկխոսության հարթակների դերին՝ Հայաստանում ժողովրդավարության ամրապնդման համատեքստում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական շարժառիթը դարձավ…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Հարգելի ուսուցիչներ, սիրով ձեզ եմ ներկայացնում իմ ՝ «Տվյալների վերլուծություն և վիճակագրություն» վերնագրով թեման և հուսով եմ, որ կմասնակցեք թեմայի քննարկումներին, կկատարեք մեջբերումներ ու առաջարկություններ: Այս թեմայի ուսումնասիրության նպատակն է՝…
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
