«Չուխաջյանը առհավետ կմնա պատմության մեջ ոչ միայն որպես հրաշալի երաժիշտ, հայ երաժշտական թատրոնի հիմնադիր, այլև` իր ժողովրդի հայրենասեր և քաջարի զավակ»
Արամ Խաչատրյան
ՀՀ սփյուռքի նախարարությունը Հայաստան-Սփյուռք գործակցության պետական քաղաքականության շրջանակներում իրականացնում է «Մեր մեծերը» ծրագիրը,որի նպատակը նոր ձևավորվող սերնդի մեջ հայրենասիրության արմատավորելն ու հայապահպանության նպաստելն է: 2017 թվականի «Մեր մեծերը» ծրագրում ընդգրկվել է նաև նշանավոր կոմպոզիտոր, ազգային օպերայի հիմնադիր Տիգրան Չուխաջյանը (180-ամյակ): Կյանքից ստացած յուրաքանչյուր հարված խոր արձագանք է գտել կոմպոզիտորի ստեղծագործություններում, ուր հնչում է գողտրիկ մի մեղեդի և այդ մեղեդու ձայնը սթափեցնող է, կոչ ճշմարտության և բարության, մարտահրավեր անարդար թշնամու դեմ:Մեծագույն տառապանքից ծնված իր երգերով նա լույս է սփռում հայ ժողովրդի դժվարին ճանապարհին, այն ժողովրդի,որի արվեստի համամարդկային գլուխգործոցներ է ստեղծել:Տիգրան Չուխաջյանին երաժշտական աշխարհում հաճախ հայկական Վերդի են համարում:
2017թվականի ապրիլի 26-ին Կոտայքի մարզի Հրազդանի Ասքանազ Մռավյանի անվան հ.4 հիմնական դպրոցի VԲ դասարանում երաժշտության ուսուցչուհի Գարունիկ Պետրոսյանի նախաձեռնությամբ անցկացվեց բաց տեսադաս,որին ներկա էին տնօրինությունը,ուսուցչներ,ծնողներ: Ցուցադրվեցին հետաքրքիր տեսաֆիլմեր, ներկայացվեց բեմականացում «Արշակ II» ստեղծագործությունից: Տպավորված էին բոլորը: