ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հրազդանի հ.7  միջնակարգ  դպրոցի աշակերտները՝ «Ազգ-բանակ  2017» ցուցահանդեսի  մասնակից

Ապրիլի 27, 2017
Դպրոցական անցուդարձ

Դպրոցում է հիմք դրվում և խորը արմատավորվում մատաղ  սերնդի  ռազմահայրենասիրությունը, բանակաշինության պատմության իմացությունը,ազգի հերոսական անցյալին և փառապանծ նվիրյալ զավակներին ճանաչելու, արժևորելու, երկրի  վառ ապագան կերտելու ամենապատասխանատու, բայց  ճշմարիտ   ուղին:

Դրա  վառ  ապացույցն էր ապրիլի  22-ին Հրազդանի հ.7  միջնակարգ  դպրոցի  տնօրենության  աջակցությամբ  աշակերտների  մասնակցությունը  Կ. Դեմիրճյանի  անվան  մարզահամերգային համալիրում  կազմակերպված   «Ազգ-բանակ  2017»   ցուցահանդեսին: Այցելությանը  աշակերտներին ուղեկցում էին 5-12-րդ դասարանների  դասղեկները, զինղեկ Հ. Դարմանյանը, ուսուցիչներ ևծնողներ: Ցուցադրված  ռազմատեխնիկայի  ցուցահանդեսին ներկա աշակերտները,առաջնորդվելով  «Ազգը  հզոր  է իր  հզոր բանակով»   կարգախոսով,հպարտությամբ  ու  մեծ  ոգևորությամբ  էին դիտում,իսկ  այցելած  ազգաբնակչությունը  վստահությամբ  էր  տոգորվում, երբ սեփական  աչքերով  տեսնում էր  մեր  բանակի  սպառազինությունն  ու   մարտական պատրաստվածությունը:ՀՀ Պաշտպանության նախարարության կազմակերպած  նման  միջոցառումը  փաստում  էր,որ  յուրաքանչյուր  հայ  քաղաքացի, անկախ  սեռից  ու  տարիքից, պիտի  առնչվի և մասնակցի   հայրենիքի  պաշտպանությանը:  Ապագա զինակոչիկ դպրոցականներին ոգևորել  էր հատկապես ցուցահանդեսային ծրագրով նախատեսված  ընդհանուր և  անհատական ձևաչափերով կազմակերպվող մրցույթը, որին  յուրաքանչյուր  աշակերտ  մասնակցում էր  զինգրքույկի  տեսք ունեցող  անհատական տոմսերով: Մրցութային վարժություններին մասնակցեցին նաև  մեր  աշակերտները՝ դրսևորելով  իրենց  կարողությունները ավտոմատի  քանդել-հավաքելու, ձգումներ  կատարելու վերաբերյալ, ինչպես  նաև  շրջեցին   և  ծանոթացան  տաղավարների ցուցադրությանը,իմացան  ՀՀ-ում գործող  ռազմական ուսումնական հաստատությունների, ինչպես  նաև նրանց ձեռքբերումների մասին:  Շրջայցն  այնքան  տպավորիչ էր, որ  աշակերտները դժվարությամբ  թողեցին ցուցասրահը  և  զինվորական նվագախմբի քայլերգի ներքո  մարզահամերգային համալիրից  ուղևորվեցին դեպի  Ծիծեռնակաբերդի  հուշահամալիր: 

Եղեռնի 102-րդ  տարելիցի  նախօրյակին  հերթական անգամ այցելեցինք  անմեղ  զոհերի  հիշատակը  հավերժացնող հուշահամալիր  և ծաղիկներ  խոնարհեցինք, աղոթք  հղեցինք  առ Աստված՝ աղերսելով նահատակների  հոգիներին  հանգստություն:  Թախիծն ու  հպարտությունը  միախառնվել  էին մեր  հոգիներում. հպարտ ենք, որ այսօր   ունենք անկախ  ու  բարգավաճող հայրենիք իր  հզոր  բանակով ու  հայրենասեր զավակներով, ինչի  համար հավերժ երախտապարտ ենք իրենց կյանքը  զոհաբերած հերոս  հայորդիներին, անմեղ նահատակներին ու մեր այսօրվա խաղաղությունն ապահովող անպարտ բանակի յուրաքանչյուր  զինվորին:

 

Ալվարդ Ալեքսանյան
Հրազդանի հ.7  միջնակարգ  դպրոցի քիմիայի և կենսաբանության ուսուցչուհի

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…