ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ԱԲ
ՈՒՂԵՑՈՒՅՑ

Նոր կրթական ծրագիր․ «Լավաշիկի ճանապարհորդությունը»

Նոյեմբերի 16, 2026

Ավետիք Իսահակյանի տուն-թանգարանը՝ Գրաճամփորդ գրական-մշակութային և «Fastmotion» կազմակերպությունների համագործակցությամբ, ներկայացնում է հայկական լավաշին նվիրված նոր կրթական ծրագիր։

2014 թվականին հայկական լավաշը ներառվեց ՅՈՒՆԵՍԿՕ-ի մարդկության ոչ նյութական մշակութային ժառանգության ցանկում։ Լավաշը մեր մշակույթի մի մասն է՝ իր պատրաստման ավանդույթներով, ընտանեկան ու համայնքային կյանքի ծեսերով, սերնդեսերունդ փոխանցվող գիտելիքով և մարդկանց միավորող աներևույթ ուժով։

Իսահակյանենց տանը հացը սուրբ է եղել։ Մեծանուն բանաստեղծը ծնվել է հենց թոնրի շուրջ, իսկ նրա հայրը՝ Սահակ Իսահակյանը, Ղազարապատ գյուղում ուներ ամենամեծ՝ ութ քարով ջրաղացը։ Հենց այդ ջրաղացի կողքին էլ փոքրիկ Ավետիքը լսում էր աշուղների երգերն ու զանազան ավանդազրույցներ։

«Լավաշիկի ճանապարհորդությունը» ծրագիրը խաղային և ստեղծագործական ձևաչափով երեխաներին կօգնի բացահայտել լավաշի իսկական արժեքը։

Ծրագիրը բաղկացած է երկու մասից՝

  • Անիմացիոն ֆիլմի դիտում. մեր փոքրիկ հերոս Լավաշիկը երեխաներին կուղեկցի հայկական մշակույթի և խորհրդանիշների աշխարհով:
  • Ստեղծագործական աշխատանք. մասնակիցները կպատրաստեն ցորենի փոքրիկ փնջեր՝ բացահայտելով այն ճանապարհը, որով ցորենը հասնում է մեր սեղանին և հաց դառնում։

Մեր նպատակն է, որ երեխաները ոչ միայն իմանան լավաշի՝ ՅՈՒՆԵՍԿՕ-ի ժառանգություն լինելու փաստը, այլև հասկանան ու սիրեն այն արժեքը, որը կրում է մեր մշակույթը։ Սիրով սպասում ենք մեր փոքրիկ բացահայտողներին։

Տեսանյութ՝ https://www.facebook.com/share/v/1ADoBXr4wf/


Հարգանքով՝

Ավ. Իսահակյանի տուն-թանգարան