ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
«Այբ» հիբրիդային կրթությունը միջազգայնորեն մրցունակ և համապարփակ կրթական մոդել է՝ հիմնված «Արարատյան Բակալավրիատ» (ԱԲ) ծրագրի վրա։ Այն նախագծային կրթություն է։
Ո՞ւմ համար է ծրագիրը
«Այբ» հիբրիդային կրթությունը նախագծված է Հայաստանի և Արցախի հանրակրթական դպրոցների 10-րդ դասարանցիների համար։
Ծրագրի նպատակը
Ծրագրի նպատակն ավագ դպրոցների աշակերտների մասնագիտական կողմնորոշմանը նպաստելն է, նրանց մոտ գործնական մտածողության, հետազոտական և վերլուծական հմտությունների ձևավորումն ու զարգացումը, երկրին նվիրված, սեփական ինքնությանն ու արժեքներին հաղորդակից երիտասարդների համայնքի ձևավորումը։
Ծրագրի տևողությունը
Կրթական ծրագրի տևողությունը 18 ամիս է։ Ծրագիրը մեկնարկում է 2021 թվականի նոյեմբերի 1-ից և ավարտվելու է 2023-ի մայիսին։
Ծրագրի սկզբունքը
«Այբ» հիբրիդային կրթության սկզբունքը գործնական աշխատանքով գիտելիքներ յուրացնելն է։
Աշակերտի շաբաթական զբաղվածությունը՝
Շաբաթական մինչև 10 ժամ։
Կրթական ծրագրի առավելությունները՝
Իրական խնդիրների լուծում
Տարբեր առարկաներից գիտելիքների համադրված կիրառում
«Փափուկ» հմտությունների զարգացում՝ թիմային աշխատանքի միջոցով
Նախագծի ուղղությունից կախված՝ մեկ մասնագիտական առարկայի խորացված ուսուցում
Ապագա մասնագիտությունն ընտրելու փորձադաշտ
Քաղաքացիական ակտիվության և հասարակական կյանքին մասնակցության խթանում։
Ծրագրի ձևաչափը
«Այբ» հիբրիդային կրթությունն անցկացվելու է մեծամասամբ առցանց։ Կրթությունն ամբողջովին անվճար է։ Նախատեսվում է ընտրել մինչև 120 մասնակցի։ Մասնակիցներից կկազմվեն նախագծային թիմեր։ Յուրաքանչյուր թիմ կունենա մեկ ղեկավար, որը կուղղորդի և կաջակցի թիմին նախագծի ամբողջ ընթացքում:
Ծրագրի բաղադրիչները
Բնագիտամաթեմատիկական ոլորտում կիրառական կամ հետազոտական նախագծի իրականացում՝ թիմերով
Աշակերտի ընտրությամբ նշված առարկաներից մեկից առարկայական դասընթաց՝ միջազգային ճանաչում ունեցող քննությունն հանձնելու հնարավորությամբ (մաթեմատիկա, ֆիզիկա, քիմիա, կենսաբանություն, ՏՀՏ)
«Ստեղծարար մտածողություն, նախագծերի կառավարում և հետազոտական հմտություններ» դասընթաց,
Դասախոսություն-հանդիպումներ հեղինակավոր խոսնակների հետ
«Ինքնություն և արժեքներ» դասընթաց
Մասնագիտական կողմնորոշման հանդիպումներ, այցեր
Համայնքային հավաքներ, քննարկումներ։
Ի՞նչ հմտություններ է սովորեցնելու «Այբ հիբրիդային կրթություն» ծրագիրը
Վերլուծական մտածողություն
Հանրային, անձնական, թիմային պատասխանատվություն
Համագործակցություն
Հետազոտական հմտություններ
Ինքնակառավարում և ինքնակազմակերպում
Ինքնավերլուծություն և կողմնորոշվելու կարողություն
Նախաձեռնողականություն
Հաղորդակցություն
Ստեղծարարություն։
Ինչպե՞ս դիմել
«Այբ հիբրիդային կրթություն» ծրագրին կարելի է դիմել՝ լրացնելով առցանց դիմումը՝ https://ahl.ayb.am/։
Դիմելու վերջնաժամկետը
Առցանց դիմումներն ընդունվում են մինչև սեպտեմբերի 29-ը, ժամը 23:59-ը։
Նյութի աղբյուրը. Այբ կրթական հիմնադրամ
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
