Հայտարարություն հանրակրթական ուսումնական հաստատության ղեկավարման իրավունք /հավաստագիր/ ստանալու նպատակով վերապատրաստում իրականացնող կազմակերպություններին երաշխավորելու մրցույթի վերաբերյալ

Ապրիլի 29, 2021

Հայաստանի Հանրապետության կրթության, գիտության, մշակույթի և սպորտի նախարարությունը հայտարարում է մրցույթ՝ հանրակրթական ուսումնական հաստատության ղեկավարման իրավունք /հավաստագիր/ ստանալու նպատակով վերապատրաստում իրականացնող կազմակերպություններին երաշխավորելու մրցույթի անցկացման վերաբերյալ:

Վերապատրաստումը կազմակերպվում է տարեկան երկու անգամ` կրթության ոլորտի պետական կառավարման լիազոր մարմնի (այսուհետև` Նախարարություն) սահմանած ժամանակացույցին համապատասխան:

Մրցույթն անցկացվում է՝ համաձայն Հայաստանի Հանրապետության կրթության և գիտության նախարարի՝ «Հանրակրթական ուսումնական հաստատության ղեկավարման իրավունք (հավաստագիր) ստանալու նպատակով վերապատրաստման և վերապատրաստող կազմակերպության ընտրության կարգը` հաստատելու մասին» 2010 թվականի մայիսի 18-ի N 393-Ն հրամանով հաստատված կարգի 5-րդ կետի դրույթի:

Վերապատրաստող կազմակերպությանը ներկայացվող պահանջները

Վերապատրաստող կազմակերպության ընտրությանը կարող են մասնակցել Նախարարության սահմանած և պաշտոնապես հրապարակած հետևյալ պահանջներին և չափանիշներին բավարարող կազմակերպությունները.

1) ուսումնական տարածք և վերապատրաստող համապատասխան մասնագետներ,
2) հանրակրթական ուսումնական հաստատության տնօրենի պաշտոնի նկարագրով, ինչպես նաև «Հանրակրթության մասին» ՀՀ օրենքի 12-րդ հոդվածի 7-րդ մասով սահմանված վերապատրաստման բովանդակության պարտադիր բաղադրիչներին համապատասխան վերապատրաստող կազմակերպության մշակած ծրագիր (Նախարարի կողմից հաստատված հարցաշարին համապատասխան), դասավանդման թեմատիկ պլանավորում, վերապատրաստման տևողություն,
3) ուսումնամեթոդական գրականություն, ձեռնարկներ, նյութատեխնիկական բազայի առկայություն:

Հայտերի ընդունումը

Մրցույթին մասնակցելու համար Հայաստանի Հանրապետության կրթության և գիտության նախարարի 2010 թվականի մայիսի 18-ի N 393-Ն կարգով սահմանված՝ վերապատրաստող կազմակերպությանը ներկայացվող պահանջներին բավարարող անհրաժեշտ փաստաթղթերը 2021 թվականի մայիսի 3-ից մինչև մայիսի 18-ը ներառյալ կազմակերպությունմները կարող են ուղարկել Նախարարության էլեկտրոնային հասցեին (secretariat@escs.am) կամ ներկայացնել Նախարարության հանրակրթության վարչություն (հասցեն՝ Երևան, Վ. Սարգսյան 3, 5-րդ հարկ, 501 սենյակ), ամեն օր, բացի շաբաթ և կիրակի օրերից, ժամը 9։30-ից մինչև 12։30-ը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն