Բարձրագույն կրթության եվրոպական տարածքի բարեփոխումների գործողությունների շրջանակում իրականացվող «Բոլոնիայի գործընթացը շահառուների աչքերով. դեպի Բոլոնիայի գործընթացի ամուր ապագա» ծրագրում հետազոտողներ

Հուլիսի 23, 2020

Նպատակ. մշակել բարձրագույն կրթության եվրոպական տարածքի բարեփոխումների իրականացմանն ուղղված «Բոլոնիայի գործընթացն ուսանողների աչքերով» հրատարակությունը:

Համառոտ ակնարկ ծրագրի վերաբերյալ. «Բոլոնիայի գործընթացն ուսանողների աչքերով» հրատարակությունը տարիներ շարունակ Եվրոպական ուսանողական ասոցիացիայի մշակած և թողարկված հրատարակություն է, որը համադրում և վերլուծում է բարձրագույն կրթության ոլորտում Բոլոնիայի գործընթացի ուղղությունների ներդրումն ու իրականացումն ազգային մակարդակում: Հրատարակությունը հիմնականում նպատակաուղղված է վերհանել ուսանողների տեսակետները և անդրադառնալ, թե ինչպես են բարեփոխումներն անմիջականորեն անդրադառնում ուսանողներին: Եվրոպական ուսանողական ասոցիացիան 2003 թվականից ի վեր յուրաքանչյուր նախարարական գագաթաժողովի նախաշեմին՝ մշակված հրատարակության միջոցով, հետևում է բարեփոխումների իրականացմանը և տարբեր մեթոդաբանական մոտեցումներ կիրառելով՝ նպաստում է ուղղությունների վերանայմանը:

Առաջադրանքների և գործունեության շրջանակը. Ծրագրով նախատեսվում է իրականացնել հետևյալ գործողությունները.

• Ուսանողական միությունների մշակած մեթոդաբանության և հարցաշարերի վերանայում:
• Հարցաթերթիկների տվյալներով տրամադրվող գծապատկերների վերանայում և ճշգրտում:
• Տրամադրվող քանակական և որակական տվյալների ճշգրիտ համադրում մեթոդաբանության և առկա իրավիճակի հետ:
• Տեղեկատվությունը տեքստում որոշակի փաստարկներով հիմնավորում:
• Տեղեկատվության համադրում ազգային օրենսդրության և բարձրագույն կրթության եվրոպական տարածքի պարտավորությունների հետ:
• Բոլոնյան գործընթացի ներդրման զեկույցի արդյունքներին համապատասխան հրապարակմանն անհրաժեշտ առաջարկությունների ներկայացում:
• Անհրաժեշտ հղումների ճշգրիտ տրամադրում:
• «Բոլոնիայի գործընթացն ուսանողների աչքերով» հրատարակության գործադիր զեկույցի մշակում:
• Հրատարակության սրբագրման աշխատանքներ:
• Աշխատանքային լեզուն անգլերենն է:

Առաջադրանքի տևողությունը.

Աշխատանքի տևողությունը՝ մինչև 2020 թ. դեկտեմբեր ամիս (պայմանագրային):

Հետազոտողի նվազագույն պահանջները.

• Բարձրագույն կրթություն ոլորտում առնվազն հինգ տարվա աշխատանքային փորձ (ցանկալի է միջազգային փորձ),
• Բոլոնյան գործընթացի համապարփակ գիտելիք,
• Ներկայացվող առաջադրանքներում փորձ,
• անգլերեն լեզվի C2 մակարդակի իմացություն,
• Վիճակագրական տվյալների հետ աշխատելու և մեթոդաբանության վերլուծության ունակություն,
• ԵՄ աջակցմամբ իրականացվող Էրազմուս+ ծրագրերի իրականացման վերաբերյալ փոխըմբռնում,
• Միջազգային հետազոտողների հետ հեռավար աշխատելու հնարավորություն:

Ընտրութուն.

Անհրաժեշտ է hes.law@escs.am էլեկտրոնային հասցեին մինչև սույն թվականի հուլիսի -30-ը ուղարկել ինքնակենսագրական (CV) նամակ՝ հայերեն և անգլերեն:

Համապատասխան թեկնածուները կհրավիրվեն հարցազրույցի։

Նյութի աղբյուրը. ՀՀ կրթության, գիտության, մշակույթի և սպորտի նախարարություն