Թանգարանների միջազգային օրը Գրականության և արվեստի թանգարանում

Մայիսի 13, 2020

Գրականության և արվեստի թանգարանը այս տարի ևս միանալով մայիսի 18-ին նշվող «Թանգարանների միջազգային օրվա» ակցիային՝ առաջարկում է հետաքրքիր և ինտերակտիվ առցանց ծրագրեր՝«Թանգարանները հանուն հավասարության. բազմազանություն և ներառականություն» խորագրի ներքո:

11:00- ից Խաղ-մրցույթ՝ Մարկոս Գրիգորյանի գորգանկարների մոտիվներով

Մրցույթին մասնակցելու համար անհրաժեշտ է հավաքել գլուխկոտրուկները հնարավորինս արագ և կիսվել արդյունքներով մեկնաբանությունների հատվածում: Խաղ-գլուխկոտրուկները ամենարագ հավաքած մասնակիցը կստանա նորաոճ մետաքսե վզարկու՝ Մ. Գրիգորյանի գորգանկարների մոտիվներով:

12:00- ից «Ես՝ թանգարանում» լուսանկարների մրցույթ-ակցիա

Համոզված ենք, որ եղել եք Գրականության և արվեստի թանգարանում, լուսանկարվել եք ձեր սիրելի անկյունում կամ նկարել մեր հետաքրքիր ցուցանմուշներից մեկը: Առաջարկում ենք թերթել ձեր լուսանկարների ալբոմը, վերհիշել այդ գեղեցիկ պահերը, ընտրել ԳԱԹ-ում արված լուսանկար և տեղադրել «Ես՝ թանգարանում» լուսանկարների մրցույթ-ակցիայի հայտարարության մեկնաբանություների հատվածում: Ամենաշատ հավանությունների (LIKE) արժանացած լուսանկարի հեղինակը կստանա անակնկալ նվեր թանգարանի կողմից: Մրցույթի արդյունքերը կամփոփվեն մայիսի 21-ին:

19:00-Հովհ. Թումանյանի «Ծիտը» հեքիաթի հիման վրա առցանց ինտերակտիվ ներկայացում՝ «Հեքիաթերեն» տիկնիկային թատրոնի հետ համատեղ

Մեր փոքրիկ այցելուները այդ օրը հնարավորություն կունենան կրկին շփվելու Անիի ու Հակոբի հետ, իրենց սիրելի ՊԱՊԻԿԻ հետ շրջելու թանգարանում և միասին բեմադրելու Հովհ. Թումանյանի «Ծիտը» հեքիաթը:

Միջոցառմանը միացեք հղումով` https://www.facebook.com/events/263608114759290/

Նյութի աղբյուրը. Գրականության և արվեստի թանգարան