ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ընթերցանության ստեղծագործական մրցույթ

Ապրիլի 02, 2020

«Էդիթ Պրինտ» հրատարակչությունը, Կրթության, գիտության, մշակույթի և սպորտի նախարարության, Երևանի քաղաքապետարանի, Խնկո ապոր անվան ազգային մանկական գրադարանի, «Զարթնի՛ր» կրթական-հասարակական կազմակերպության գործընկերությամբ և «Արմսվիսբանկի» աջակցությամբ, հիանալի լուր ունի այն բոլոր աշակերտների համար, որոնք շատ են սիրում գրքեր կարդալ:

Սիրելի՛ աշակերտներ, եթե դուք սիրում եք կարդալ, ունեք գեղեցիկ խոսք և ստեղծագործելու կարողություն, ապա այս մրցույթը հենց ձեզ համար է:

Մրցույթն անցկացվելու է երկու տարիքային խմբերի համար՝

  • 3-5-րդ դասարան
  • 6-9-րդ դասարան

Ընթերցանության ստեղծագործական մրցույթն անցկացվելու է 3 փուլով:

ԸՆԹԱՑԱԿԱՐԳ

Փուլ 1 (ապրիլի 1 – ապրիլի 30)

school.editprint.am կայքից ընթերցել մրցույթի համար նախատեսված անվճար էլ. գրքերը, այնուհետև լրացնել տվյալների թերթիկը և դրան կից ուղարկել տրված գրքերի վերաբերյալ ձեր կարծիքը՝ առաջին տարիքային խմբի համար՝ 1-2 էջի, երկրորդ տարիքային խմբի համար՝ 2-3 էջի (Ա4 ֆորմատ, Word ծրագրում Sylfaen (Times New Roman) տառատեսակով, տառաչափը` 12, միջտողային հեռավորությունը` 1,5, ձախից` 3սմ, աջից` 1սմ) սահմանում: Այնուհետև ժյուրին ամեն տարիքային խմբից կընտրի 50 մասնակիցների, որոնք կանցնեն հաջորդ փուլ:

Փուլ 2 (մայիսի 3 – մայիսի 15)

Այս փուլ անցած մասնակիցները պետք է ընտրեն տրված թեմաներից (դրանք կտեղադրվեն կայքում Փուլ 1-ի ավարտից անմիջապես հետո) որևէ մեկը և գրեն էսսե: Աշխատանքը պետք է լինի՝ առաջին տարիքային խմբի համար՝ 2 էջի, երկրորդ տարիքային խմբի համար 2-4 էջերի (Ա4 ֆորմատ, Word ծրագրում Sylfaen (Times New Roman) տառատեսակով, տառաչափը` 12, միջտողային հեռավորությունը` 1,5, ձախից` 3սմ, աջից` 1սմ) սահմանում: Այս փուլի ավարտին ժյուրին ամեն տարիքային խմբից կընտրի լավագույն տասնյակը:

Փուլ 3 (մայիսի 23-24)

Երրորդ` եզրափակիչ փուլում ժյուրիի անդամները կանցկացնեն օնլայն հանդիպում յուրաքանչյուր մասնակցի հետ:

Վերջիններս կընթերցեն հատված, կպատասխանեն իրենց ընթերցած   ստեղծագործությունների և էսսեի վերաբերյալ տարատեսակ հարցերի։

Յուրաքանչյուր տարիքային խմբի տասը մասնակիցներից ժյուրին կընտրի լավագույն եռյակը․ նրանք կստանան հաղթողների նվերներ, իսկ նրանց դպրոցների գրադարանները կհամալրվեն «Էդիթ Պրինտի» հրատարակած «Իմ գրադարանը» շարքի ամբողջական հավաքածուով (շուրջ 50 գիրք): Մնացած երեխաները գրքեր նվեր կստանան:

Հ.Գ. Ժյուրիի կազմը գաղտնի կպահվի մինչև Փուլ 3-ի սիզբը, մասնակիցների տվյալները փակ կլինեն ժյուրիի անդամների համար:

Ընթերցանության գրքերը ներկայացված են այստեղ:

3-5 դասարանցիները պետք է ընթերցեն ներկայացված գրքերից առնվազն վեցը:

6-9 դասարանցիները պետք է ընտրեն տասը գրքերից առնվազն չորսը:

Հարցերի դեպքում զանգահարեք  +374 99 520848/+374 98 520847, գրեք մեր մեյլին (school@editprint.am) կամ ֆեյսբուքյան էջին:

Մասնակցության համար ապրիլի 1-30-ը լրացրե՛ք գրանցման հայտը, գրե՛ք կարդացած գրքերի վերաբերյալ Ձեր կարծիքը և կցագրե՛ք այն (Word-ի ֆայլը ցանկալի է լինի rtf ֆորմատով):

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…