ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Սրբոց Թարգմանչաց տոնին նվիրված «Հայոց այբուբեն» խորագրով ստեղծագործական աշխատանքների մրցույթ

Մարտի 27, 2020

Մրցույթի կազմակերպիչ
ՀՀ կրթության, գիտության, մշակույթի և սպորտի նախարարության «Ընտանիք» մանկապատանեկան ստեղծագործական կենտրոն:

Մրցույթի նպատակները և խնդիրները
• Արժևորել գրերի գյուտի կարևորությունն ազգային ինքնության պահպանման գործում
• Զարգացնել մասնակիցների ստեղծագործական միտքն ու կարողությունները
• Բացահայտել շնորհալի դեռահասներին
• Բարձրացնել արտադպրոցական կրթության դերը

Մրցույթին կարող են ներկայացնել աշխատանքներ հետևյալ ոլորտներից.
• կերպարվեստ /գրաֆիկա, գեղանկարչություն/
• դեկորատիվ-կիրառական արվեստ
• համակարգչային /սահիկահանդես/
• ռադիոէլեկտրոնիկա
Աշխատանքները կարող են լինել անհատական կամ խմբային:
Մրցույթի մասնակիցները
Մրցույթին կարող են մասնակցել ՀՀ և Ջավախքի կրթամշակութային կենտրոնների 10-18 տարեկան դեռահասներ:
Մրցույթի մասնակիցները կդասակարգվեն հետևյալ տարիքային խմբերում.
• 10-13 տարեկան,
• 14-18 տարեկան:

Մրցույթի անցկացման կարգը
Մրցույթը անցկացվելու է երկու փուլով`
• առաջին փուլում աշխատանքները ներկայացվելու են Էլեկտրոնային տարբերակով ` մինչև 2020-ի սեպտեմբերի 10-ը: Մասնագիտական հանձնաժողովի կողմից կընտրվեն լավագույն աշխատանքները:
• երկրորդ փուլում մասնակիցները ներկայացնելու են իրենց աշխատանքների բնօրինակները` ցուցադրության համար: Ցուցահանդեսին ներկայացված աշխատանքների հեղինակներից կըտրվեն հիմնական և խրախուսական մրցանակակիրները:

Ստեղծագործությունների գնահատման հիմքերը
Գնահատման համար հիմք կանդիսանան հետևյալ չափանիշները`
• տեխնիկական պահանջներին համապատասխանությունը /տես, «Աշխատանքներին ներկայացվող տեխնիկական պահանջներ» կետը/,
• ստեղծագործական գաղափարը,
• գեղարվեստական կատարման յուրօրինակությունն ու որակը:
Աշխատանքների ներկայացման պայմանները
Առաջին փուլում աշխատանքների պատկերները ուղարկելիս կամ երկրորդ փուլում բնօրինակները ներկայացնելիս անհրաժեշտ է նշել.
• հեղինակի անունը, ազգանունը,
• ստեղծագործության անվանումը,
• տարիքը /խմբային աշխատանքի դեպքում մասնակիցների տվյալները/,
• կրթական հաստատությունը,
• դասավանդող մանկավարժի անունը, ազգանունը,
• էլ. hասցեն, հեռախոսահամարը,
• բնակության հասցեն:

Աշխատանքներին ներկայացվող տեխնիկական պահանջները
• Սահիկահանդեսի նվազագույն տևողությունը պետք է լինի 3 րոպե, առավելագույնը՝ 5 րոպե:
• Նկարները պետք է լինեն A2(420x594 մմ) կամ A3(297x420 մմ) չափի:
• Դեկորատիվ-կիրառական արվեստի, ռադիոէլեկտրոնիկայի աշխատանքների ձևաչափերին վերաբերող հատուկ պահանջներ չկան:
Աշխատանքները կարող են կատարվել ցանկացած նյութերով՝ ջրաներկ, գուաշ, ակրիլ, ածուխ, մետաղ, կավ, փայտ և այլն:

Պարգևները
Յուրաքանչյուր տարիքային խմբում մրցանակային տեղեր զբաղեցրած ստեղծագործական աշխատանքների հեղինակները կպարգևատրվեն պատվոգրերով և մրցանակներով:
Ստեղծագործական մրցույթի հաղթողները, ակտիվ մասնակիցները՝ որպես խրախուսանք, կայցելեն Հայոց Այբուբենի հուշարձան՝ Տառերի պուրակ, Մատենադարան, Օշականի Սուրբ Մեսրոպ Մաշտոց եկեղեցի։
Ծրագրի շրջանակում կկազմակերպվի մրցանակային աշխատանքների ցուցադրություն՝ «Ընտանիք» կենտրոնում, 2020-ի հոկտեմբեր ամսին /օրվա մասին կտեղեկացվի լրացուցիչ/:

Աշխատանքները ներկայացնել հետևյալ հասցեով.
Շիրակի մարզ, Գյումրի 3126,
Անի թաղամաս, 11փողոց, 5/2
ՀՀ ԿԳՆ «Ընտանիք» ՄՊՍԿ ՊՈԱԿ
Հեռախոս +374 312 6 64 07
Էլ. հասցե՝ s.petrosyan@entanik.am կամ info@entanik.am
Մրցույթի հայտարարությունը տեղադրված է նաև www.entanik.am կայք էջում:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…