Կրթության վիրտուալ էքսպո («EDU Virtual EXPO»)․ հրավեր դպրոցներին, կրթական հաստատություններին

Փետրվարի 13, 2020

Հարգելի՛ գործընկեր,

սիրով հրավիրում ենք Ձեզ մասնակցելու «EDU Virtual EXPO»-ին, որտեղ Հայաստանի Հանրապետությունում գործող առաջատար նորարական կրթական հաստատությունները, կրթական թվային լուծուներ և պրոդուկտներ առաջարկող կազմակերպությունները 1 առցանց հարթակում ուղիղ (ինտերակտիվ) միացմամբ՝

• ներկայացնելու են իրենց հաստատությունները/պրոդուկտները/կրթական մոդելները, հատուկ առաջարկները, այցելուներին և հնարավոր գործընկերներին,  
• մասնակցելու են թեմատիկ քննարկումներին, աշխատաժողովներին,
• իրենց վիրտուալ գրասենյակներում պատասխանելու են այցելուներին հուզող հարցերին։

Շատ կարևորում ենք Ձեր մասնակցությունն այս միջոցառմանը, որը տեղեկատվական տեխնոոգիաների շնորհիվ հնարավորություն է ստեղծում ակտիվ կապ հաստատել Հայաստանի ողջ տարածքում գործող տարբեր կրթական հաստատությունների հետ, տեղեկանալ իրականացվող բազմաբնույթ հետաքրքիր կրթական ծրագրերի և սկսել արդյունավետ համագործակցություն, ինչպես նաև հետագայում մասնակցել սրան հաջորդող միջոցառումների շարքին և կիսել Ձեր փորձը։ 

-----------------------------------------

Ինչպե՞ս միանալ․ Ուղեցույց

«EDU Virtual EXPO»-ին միանալու համար անհրաժեշտ է պարզապես 20․02․2020-22․02․2020թթ-ին ժամը 11։00-17։30-ի ընթացքում www.virtualschool.am կայքի միջոցով օնլայն միանալ ստորև ներկայացված ուղեցույցի համաձայն և, ընդունարանում ծանոթանալով օրակարգին  և մասնակիցների վերաբերյալ տեղեկատուին, 1 հարթակում օնլայն այցելել ՀՀ կրթական առաջատար տարբեր հաստատություններին, ինչպիսիք են Հայաստանում ֆրանսիական համալսարանը,«Դասավանդի՛ր Հայաստան»-ը, Դիլիջանի կենտրոնական դպրոցը, Հայաստանում Էրազմուս+ ազգային գրասենյակը, Միջազգային կրթության ամերիկյան խորհուրդների «EducationUSA Armenia» ծրագրի գրասենյակը, Ա․ Շահինյանի անվան ֆիզիկամաթեմատիկական հատուկ դպրոցը, Սոցիալական ձեռներեցների դպրոցը, ՀՀ ԿԳՄՍ նախարարությունն ի դեմս Կրթական տեխնոլոգիաների ազգային կենտրոն (ԿՏԱԿ) ՊՈԱԿ-ի և այլն։

Նյութի աղբյուրը. ՕՐԱԿԱՐԳ