Վ. Բրյուսովի անվան պետական լեզվահասարակագիտական համալսարանը տեղեկացնում է դիմորդներին

Փետրվարի 10, 2020

Սիրելի դիմորդ,

Սիրով քո ուշադրությանն ենք ներկայացնում մեր՝ Վ. Բրյուսովի անվան պետական լեզվահասարակագիտական համալսարանի 2020-2021թթ. ուսումնական տարվա ընդունելության ցանկում ընդգրկված մասնագիտությունները:

85-տարվա պատմություն ունեցող մեր համալսարանը ավանդական մասնագիտություններին՝ օտար լեզուների դասավանդմանը (ռուսաց լեզու և գրականություն, անգլերեն և գրականություն, գերմաներեն և գրականություն, ֆրանսերեն և գրականություն), լեզվաբանությանը (ռուսաց լեզու, անգլերեն, գերմաներեն, ֆրանսերեն, իտալերեն) զուգահեռ առաջարկում է մասնագիտանալ նաև աշխատաշուկայում մեծ պահանջարկ ունեցող և միջազգայնորեն մրցունակ այնպիսի մասնագիտությունների մեջ, ինչպիսիք են սերվիսը, զբոսաշրջությունը, միջմշակության հաղորդակցությունը, քաղաքագիտությունը, լրագրությունը, թարգմանչական գործը (անգլերեն-հայերեն, իտալերեն-հայերեն, ֆրանսերեն- հայերեն, գերմաներեն-հայերեն, ռուսերեն-հայերեն, ռուսերեն-անգլերեն-հայերեն, չինարեն-հայերեն, կորեերեն-հայերեն, իսպաներեն-հայերեն): Ձեր ընտրած հիմնական լեզվին զուգահեռ կարող եք ընտրել ևս մեկ կամ երկու օտար լեզու բուհում դասավանդվող երկու տասնյակից ավել օտար լեզուների ցանկից:

Ուսումնառության տարիներին մեր ուսանողներին հնարավորություն է տրվում կարճաժամկետ կամ երկարաժամկետ ուսանել Եվրոպայի, Ասիայի, Ամերիկայի և ԱՊՀ երկրների մեր գործընկեր ուսումնական հաստատություններում:

Միայն մեր համալսարանում դուք կարող եք դառնալ եռալեզու թարգմանիչ, չինարեն և կորեերեն լեզուների, երկու օտար լեզվի վարժ տիրապետող տուրիզմի ոլորտի մասնագետ կամ լրագրող:

Վ. Բրյուսովի անվան պետական լեզվահասարակագիտական համալսարանը պատրաստակամ է իր աջակցությունը բերել ձԵզ՝ մասնագիտության ընտրության հարցում, մասնավորապես՝ կազմակերպել նախապատրաստական դասընթացներ, այցելություններ ձեր դպրոցներ, ձեր այցելությունները համալսարան, մասնակցություն բուհի տեղեկատվական միջոցառումներին (մանրամասների համար հետևեք նաև մեր ֆեյսբուքյան էջին՝  https://www.facebook.com/YerevanBrusovUniversityofLanguagesandSocialScience/ և կայքէջին՝ http://brusov.am./

Հարցերի դեպքում կարող եք զանգահարել Վ. Բրյուսովի անվան պետական լեզվահասարակագիտական համալսարանի ուսումնական բաժնի 011300-130 /2-10/ հեռախոսահամարին կամ գրել  usmas@brusov.am էլ. հասցեին:

 

Սիրով սպասում ենք Ձեզ

Վ. Բրյուսովի անվան պետական լեզվահասարակագիտական համալսարան