Աշխարհի խոշորագույն արհեստական բանականության տեխնոլոգիական մրցույթը ընտանիքների համար

Հոկտեմբերի 23, 2019

«Կանայք և տեղեկատվական հասարակությունը» ՀԿ-ն և “Technovation” ընկերությունը հայտարարում են աշխարհի խոշորագույն արհեստական բանականության տեխնոլոգիական “Technovation Families” ծրագրի հայաստանյան «Տեխնովացիա Ընտանիքներ Հայաստան» մրցաշրջանի սկիզբը:

Մեծ սիրով հրավիրում ենք Երևանի և ՀՀ բոլոր մարզերի մինչև 16 տարեկան երեխաներ ունեցող ընտանիքներին մասնակցելու “Technovation Families” ծրագրին, այն է՝ սովորել, փորձել և ստեղծել արհեստական բանականություն:

“Technovation Families”–ը “Technovation” շահույթ չհետապնդող կազմակերպության ծրագիրն է, որը նպատակ է հետապնդում ոգեշնչել ու հզորացնել ընտանիքներին՝ դառնալու նորարարներ և առաջնորդներ իրենց համայնքներում՝ լուծելով իրենց համայնքի խնդիրները, օգտագործելով արհեստական բանականության վերաբերյալ ստացած գիտելիքներն ու հմտությունները:

 “Technovation Families” միջազգային ծրագիրը  համագործակցում է UNESCO, UN Women կազմակերպությունների հետ և հովանավորվում է Google, Intel, Salesforce, Adobe, Verizon, LinkedIn, Oracle, Yahoo ընկերությունների կողմից:

• 2019թ-ին Հայաստանը առաջին անգամ մասնակցում է այս ծրագրին:
• Google, NVIDIA  և Adobe հայտնի կազմակերպությունների կողմից մշակած ծրագրի շնորհիվ ծնողներն ու երեխաները կբացահայտեն արհեստական բանականությունը, թե ինչով է նման կամ  տարբերվում մարդը արհեստական բանականությունից, ինչ են տվյալները և ինչու են կարևոր, ինչ է մեքենայական ուսուցումը և ավելին:
• Տաս շաբաթյա ուսուցման ընթացքում դասընթացավարների, համայնքային առաջնորդների, մենթորների, տեխնոլոգիական մասնագետների օգնությամբ մասնակիցները անվճար կսովորեն, կփորձեն և կօգտագործեն արհեստական բանականությունը տարբեր խնդիրներ լուծելու համար:
• Որպես վերջնական մարտահրավեր, ընտանիքները կօգտագործեն արհեստական բանականությունը` լուծելու իրենց համայնքային  մի խնդիր, Կայուն զարգացման նպատակների հիմնախնդիրներից բխող` բնապահպանություն, աղքատություն, խաղաղություն, հավասարություն, կրթություն, առողջապահություն, նաև  ուղղորդված կլինեն լուծելու ցանկացած սոցիալական այլ խնդիր:
• Արդյունքում թիմերը կմասնակցեն մրցույթի և  հաղթող թիմին հնարավորություն կընդձեռնվի  մասնակցելու Կալիֆոռնիայի Սան Ֆրանցիսկո քաղաքում կայանալիք համաշխարհային մրցանակաբաշխությանը:
• Համաշխարհային առաջնությանը մասնակցելու փաթեթները կընդունվեն  2019 թվականի դեկտեմբերից մինչև 2020 թվականի հունվարի 9-ը:

Ծրագրին միանալու և մասնակցելու համար անհրաժեշտ  է անգլերեն լեզվի իմացությունը ընտանիքի որևէ անդամի կողմից, ցանկալի է ծանոթ լինել App Inventor  կամ Scratch միջավայրին, նախնական արհեստական բանականության գիտելիքի իմացության անհրաժեշտություն չկա: Պարզապես պետք է պատրաստ լինել ստանալու 21-րդ դարին համահունչ տեխնոլոգիական  նոր գիտելիքներ ու հմտություններ:

• Մասնակիցներին աջակցելու համար կանցկացվեն դասընթացներ հայերեն լեզվով և կտրամադրվեն նաև հայերեն ուսումնական նյութեր:
• Թիմերը կարող են ունենալ մենթորներ, ցանկալի է ինֆորմատիկայի ուսուցիչները լինեն թիմերի մենթորներ, սակայն մենթորները չեն հանդիսանում թիմի անդամներ:
• Հաղթող ընտանիքների մենթորները նույնպես կշահեն մրցանակ՝ ուղևորություն մասնակցելու Կալիֆոռնիայի Սան Ֆրանցիսկո քաղաքում կայանալիք համաշխարհային առաջնությանը:
• Թիմերը բաղկացած կլինեն նվազագույնը երկու հոգուց՝ ծնողներից մեկը և երեխան և առավելագույնը վեց հոգուց՝ մայր, հայր և չորս երեխա: Կձևավորեն «ավագ» կամ “կրտսեր” խմբեր ըստ  տարիքային սահմանափակումների`

        -  8-11  տարեկան երեխաներ ունեցող ընտանիքները կձևավորեն  «կրտսեր» խմբի թիմեր, մասնակից երեխաների տարիքը 2020թ. հունվարի 1–ին չպետք է գերազանցի 11-ը։
        -  12-16 տարեկան երեխաներ ունեցող ընտանիքները կձևավորեն  «ավագ» խմբի թիմեր, մասնակից երեխաների տարիքը 2020թ. հունվարի 1–ին չպետք է գերազանցի 16-ը։

• Հեռավոր մարզերի մասնակիցները կստանան հեռահար խորհրդատվություն հայերեն լեզվով:

Ձեր մասնակցությունը հաստատելու համար, խնդրում ենք լրացնել կից մասնակցության հայտը, և ուղարկել girlsinictarmenia@gmail.com հասցեին մինչև 2019թ-ի հոկտեմբերի 29–ը:

Դասընթացները կսկսվեն նոյեմբերի 1-ից:

Հավելյալ տեղեկությունների համար խնդրում ենք զանգահարել 055 788 554; 098 225 581; 091 225 535 հեռախոսահամարներով: