Նոր ծրագիր՝ «Սոցիալական ցանցերը կրթության մեջ» խորագրով

Սեպտեմբերի 25, 2018

Կրթության ազգային ինստիտուտը Ինֆորմատիկայի և տեղեկատվական տեխնոլոգիների բաժնի ուժերով նախաձեռնում է նոր ծրագիր՝ «Սոցիալական ցանցերը կրթության մեջ» խորագրով:

Այսօր առանց սոցիալական մեդիայի և թվային գործիքների հնարավոր չէ պատկերացնել մեր կյանքը: Ծրագրի օգնությամբ հնարավորություն կստեղծվի սոցիալական մեդիան կիրառել որպես կրթության արդյունավետության բարձրացման գործիք: Այն կօգնի կիրառել բազմաթիվ գործիքների հնարավորությունները՝ կրթական գործընթացը պլանավորելու, առավել արդյունավետ դարձնելու, ժամանակը կառավարելու համար:

Ովքեր կարող են մասնակցել

կարող են մասնակցել հանրակրթական դպրոցների  տնօրենները, փոխտնօրենները, ուսուցիչները և այլք:

Ծրագրի նպատակը

Նպաստել  ուսուցիչների սոցիալական մեդիայի և թվային գործիքների կիրառման զարգացմանը՝ ուսումնական և կառավարման գործընթացի արդյունավետ կազմակերպման նպատակով:

Ծրագրի արդյունքում

Ուսուցիչները կկիրառեն՝

• Facebook սոցցանցը՝ որպես հեռավար ուսուցման միջոց:
• www.sway.com-ը՝ որպես համացանցում Մայքրոսոֆթ ընկերության կողմից շնորհանդես ստեղծելու գործիք:
• Microsoft AutoCollage-ը՝ որպես նկարների խմբագրման գործիք:
• Google Drive-ը՝ որպես ուսուցման և կառավարման գործընթացում ամպային տեխնոլոգիաների գործիք:
• Google Calendar-ը՝  որպես ժամանակի կառավարման և արդյունավետ պլանավորման գործիք:
• Google Forms-ը` որպես սովորողների գիտելիքների առցանց ստուգման և գնահատման գործիք:
• Google Sticker-ը` որպես էլ.փոստի վերահսկման գործիք:
• CamStudio ծրագիրը՝ որպես համակարգչի էկրանին կատարվող գործողությունների նկարահանման գործիք:

Ծրագրի պարտադիր պահանջները

Ծրագրի մասնակիցը պետք է՝

• լինի Gmail էլեկտրոնային փոստի ծառայության օգտատեր, և եթե չի հանդիսանում, ապա պետք է ստեղծի էլեկտրոնային փոստ Gmail-ում:
• լինի Facebook սոցիալական ցանցի օգտատեր, և եթե չի հանդիսանում, ապա պետք է ստեղծի հաշվեհամար Facebook-ում:
• միանա Facebook սոցիալական ցանցում « Սոցիալական մեդիայի գործիքները կրթության մեջ» խումբին հետևյալ հղումով՝ https://web.facebook.com/groups/168910523626349/:

Ծրագրի իրականացում

• Ծրագրի տևողությունը՝   4 շաբաթ:
• Յուրաքանչյուր շաբաթվա համար կտրվի առաջադրանք, որն անհրաժեշտ է կատարել և ներկայացնել մինչև նշված վերջնաժամկետը:
• Ծրագիրն իրականացվելու է  առցանց եղանակով՝ Facebook սոցցանցում,  «Սոցիալական ցանցերը կրթության մեջ» փակ խմբում:

Մասնակցություն ծրագրին

Ծրագրին մասնակցել ցանկացողները մինչև հոկտեմբերի 5-ը լրացված հայտը պետք է  ուղարկեն facebook.cragir@aniedu.am էլեկտրոնային փոստին՝ վերնագրի անվան դաշտում նշելով ծրագրի անվանումը:

Դասընթացները կլինեն շարունակական և յուրաքանչյուր խմբում կընդգրկվեն 20-25 մասնակից:

Տեղեկատու հովանավորը

Տեղեկատու հովանավորն է ԿԱԻ–ի www.aniedu.am  կայքը:

 

ԿՐԹՈՒԹՅԱՆ ԱԶԳԱՅԻՆ ԻՆՍՏԻՏՈՒՏ