ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հայաստանի ազգային ագրարային համալսարանը հայտարաում է

Մայիսի 15, 2018

Հայաստանի ազգային ագրարային համալսարանը (ՀԱԱՀ) հայտարարում է 2018-2019 ուստարվա առկա ուսուցման ընդունելություն 31 մասնագիտությունների համար:

Ընդունելության կարգին, մասնագիտությունների ցանկին և այլ մանրամասների կարելի է ծանոթանալ ՀԱԱՀ-ի կայքում և կցված հայտարարության տեքստում:

10 պատճառ ընտրելու Հայաստանի ազգային ագրարային համալսարանը

Բարձրագույն կրթությունը կյանքում հաջողության հասնելու կարևոր գրավական է: Ընտրելով Հայաստանի ազգային ագրարային համալսարանը՝ դուք կստանաք մատչելի ու որակյալ կրթություն՝ դառնալով ագրարային ոլորտի պահանջված և մրցունակ մասնագետ: Ընտրե՛ք Ագրարային համալսարանը հետևյալ առավելությունների համար՝

1. Աշխատաշուկայում պահանջված մասնագիտություններ.ՀԱԱՀ-ն պատրաստում է առաջիկա տարիներին հայաստանյան աշխատաշուկայում պահանջարկ ունեցող մասնագետներ:

2. Առանց քննությունների ընդունվելու հնարավորություն. ՀՀ Կառավարության որոշմամբ ՀԱԱՀ-ում 22 մասնագիտությունների գծով սահմանվել են ընդունելության արտոնյալ պայմաններ. դիմորդները վճարովի համակարգ կարող են ընդունվել առանց միասնական քննություններին մասնակցելու՝ հայտագրելով ատեստատի ավարտական կամ տարեկան գնահատականները, իսկ անվճար համակարգ՝ հանձնելով ընդամենը մեկ կամ երկու միասնական քննություն:

3. Ուսման ցածր վարձավճար. ՀԱԱՀ-ում ուսման վարձավճարները հանրապետության պետական բարձրագույն ուսումնական հաստատությունների շարքում ամենացածրն են:

4. Որակյալ բարձրագույն կրթություն. բուհում դասավանդում են 600-ից ավելի գիտնականներ և դասախոսներ, որոնց 81 տոկոսն ունի գիտական աստիճան ու կոչում:

5. Հարուստ նյութատեխնիկական, ուսումնաարտադրական և գիտահետազոտական բազա. ժամանակակից տեխնոլոգիաներով հագեցած լսարաններն ու եզակի լաբորատորիաները հնարավորություն են տալիս ուսանողներին տեսական գիտելիքներն ամրապնդել գործնական հմտություններով:

6. Ուսանողների շարժունության բազմաթիվ առաջարկներ. համալսարանի ուսանողները հնարավորություն ունեն ուսումը շարունակել և արտադրական պրակտիկա անցնել ԱՄՆ-ի և Եվրոպայի տարբեր երկրների առաջատար գործընկեր համալսարաններում:

7. Կրկնակի դիպլոմներ ստանալու հնարավորություն. համագործակցելով Գերմանիայի Վայհենշտեֆանի կիրառական գիտությունների համալսարանի հետ՝ ՀԱԱՀ-ի «Ագրարային մենեջմենթ» միջազգային մագիստրոսական ծրագրի ուսանողները, ուսումը շարունակելով Գերմանիայում, ստանում են կրկնակի դիպլոմ և՛ ՀԱԱՀ-ից, և՛ Գերմանիայի Վայհենշտեֆանի համալսարանից:

8. Տեխասի համալսարանի հավաստագիր, ագրոբիզնեսի մրցունակ մասնագետներ. ՀԱԱՀ-ի կազմում գործում է տարածաշրջանում ուսուցումն անգլերենով իրականացնող միակ Ագրոբիզնեսի ուսուցման կենտրոնը, որի կրթական չափորոշիչները համապատասխանում են ԱՄՆ Տեխասի A&M համալսարանի ուսումնական պլաններին: Կենտրոնի շրջանավարտները ստանում են ՀԱԱՀ դիպլոմ և ԱՄՆ Տեխասի A&M համալսարանի հավաստագիր՝ հեշտությամբ անցնելով բարձր վարձատրվող աշխատանքի ագրոպարենային ոլորտի հայաստանյան և միջազգային կազմակերպություններում:

9. Ուսանողական ակտիվ և բովանդակալից առօրյա՝ հագեցած մարզամշակութային, ինտելեկտուալ, ճանաչողական տարաբնույթ միջոցառումներով:

10. Աջակցություն շրջանավարտներին աշխատանքի տեղավորման հարցում. համալսարանի աշխատանքի տեղավորման և խորհրդատվության բաժինը բուհի ուսանողներին ու շրջանավարտներին տրամադրում է խորհրդատվություն և տեղեկատվություն թափուր աշխատատեղերի, վերապատրաստման հնարավորությունների, հարցազրույցներին պատրաստվելու, ինքնակենսագրական փաստաթղթերի կազմման վերաբերյալ, իսկ գործատուներին՝ աջակցություն համապատասխան աշխատակիցների ընտրության և աշխատանքի տեղավորման հարցերում:


Ծանոթացեք ընդունելության պայմաններին և դիմեք՝ ք. Երևան, Տերյան 74, ՀԱԱՀ 1-ին մասնաշենք, 253 սենյակ
Հեռախոս՝ +374 (10) 52 45 41, +374 (10) 54 05 96
Էլ.փոստ` info@anau.am

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…