Մեկնարկում է «Զարթոնք» քաղաքացիական կրթության կենտրոնի ամառային դպրոցի ընդունելությունը

Հունիսի 14, 2017

Ամառային դպրոցի ծրագրի շրջանակներում ընտրված ավագ դպրոցի աշակերտներին մարդու իրավունքների և քաղաքացիական հասարակության հիմնարար արժեքների վերհանմանն ուղղված համակարգված ծրագրով կներկայացվի մարդու իրավունքների պաշտպանության կարևորությունը: Տարբեր ոլորտների լավագույն մասնագետների հետ հանդիպումներն ու շփումները աշակերտներին հնարավորություն կտան բարձրացնել իրենց իրավագիտակցության մակարդակը և զարգացնել աշխարհայացքը:

Այս ամենից բացի, մասնակիցների համար կազմակերպվելու են ուսուցողական այցեր տարբեր պետական հաստատություններ, առաջատար հայկական և միջազգային կազմակերպություններ, հանդիպումներ ԱԺ պատգամավորների, կառավարության անդամների, հասարակական և քաղաքական հայտնի գործիչների, ճանաչված մտավորականների և արվեստագետների հետ:

Կրթական ծրագրի ավարտին շրջանավարտները կստանան հավաստագրեր՝ «Զարթոնք» քաղաքացիական կրթության կենտրոնի կողմից, ինչպես նաև կստեղծվի դպրոցի շրջանավարտների միություն, որտեղ շրջանավարտները հնարավորություն կունենան ներգրավվել «Զարթոնք» կենտրոնի հետագա ծրագրերում՝ թե՛ ՀՀ-ում և թե՛ ԱՄՆ-ում:

ԸՆԴՀԱՆՈՒՐ ԴՐՈՒՅԹՆԵՐ
- ծրագիրը նախատեսված է ավագ դպրոցի 25 աշակերտների համար
- մասնակիցներն ընտրվելու են հարցազրույցների միջոցով
- ծրագիրը տևելու է 40 օր
- շաբաթական 3 անգամ, 3-ական ժամով
- «Զարթոնք» կենտրոնի գրասենյակում (հասցե՝ Բաղրամյան 20)
- աշխատանքային լեզուն հայերենն է
- ճաշի ընդմիջումներ՝ նախատեսված բոլոր աշակերտների համար
- ուսուցողական այցերը մասնակիցների համար կրում են պարտադիր բնույթ
- ավելի քան 10% բացակայությունների դեպքում մասկանիցները կստանան ազատ ունկնդրի կարգավիճակ և կզրկվեն ավարտական հավաստագիր ստանալու հնարավորությունից

Բարեգործական ներդրումների շնորհիվ կրթական կենտրոնի մասնակցության վարձի գումարը ամբողջությամբ արդեն վճարված է բոլոր աշակերտների համար:

Հայտադիմումների ընդունման վերջնաժամկետն է հունիսի 23-ը: Այդ ժամկետից ուշ ուղարկված հայտերը չեն ընդունվի:

«Զարթոնք» քաղաքացիական կրթության ամառային դպրոցի ընդունելության հայտադիմումները պետք է լրացնել https://docs.google.com/forms/d/1F2uajHJqvbqWWyDRkLx_eLxRW6tqyv_71wOV9jgahEc/viewform?edit_requested=true էջում:

 

Նյութի աղբյուրը. «Զարթոնք» քաղաքացիական կրթության կենտրոն