Կազմակերպվում է «Ուսուցչական Վիքիշաբաթ» դասընթացը՝ մարզերի ուսուցիչների համար

Մայիսի 18, 2017

Վիքիմեդիա Հայաստանը հունիսի 6-11-ը կազմակերպում է թվով հինգերորդ Ուսուցչական Վիքիշաբաթը։

Վիքիշաբաթը կոչված է Հայաստանի մարզերի ուսուցիչներին ծանոթացնել Վիքի տեխնոլոգիաների միջոցով ուսուցիչների աշխատանքի կատարելագործման եղանակներին և նրանց օգնությամբ դասավանդման բնագավառում առաջատար երկրների նորարական փորձը տարածել Հայաստանի և Արցախի դպրոցներում։

Ուսուցչական վիքիշաբաթը մեկ հարկի տակ միավորում է 50-60 ուսուցիչ, որոնք ցանկություն ունեն և պատրաստ են Վիքիմեդիա նորարարական մոտեցումները դարձնել թե իրենց մասնագիտական կատարելագործման և թե դասավանդման առօրյա։

Վիքիշաբաթի ընթացքում դուք կծանոթանաք Վիքիպեդիայի և Վիքիմեդիա մյուս նախագծերի գաղափարախոսությանը, կսովորեք Վիքիպեդիայում որակյալ նյութեր ստեղծել։ Կծանոթանաք Վիքիպեդիան կրթության բնագավառում օգտագործելման տարբեր երկրների նորարական ձեռքբերումներին և իհարկե Վիքիմեդիա Հայաստանի վիքիակումբներ նախագծին։ Հուսով ենք դասընթացը մեծ լիցք կհաղորդի ձեր մասնագիտական շարունակական կատարելագործմանը և կխթանի սեփական նոր մոտեցումներ դասարան ներմուծելուն։

Սիրով հրավիրում ենք մասնակցության հայտ ներկայացնել Հայաստանի մարզային դպրոցների ուսուցիչներին, ուսանողներին և այլ մասնագետներին:

Շտապեք գրանցվել․ https://docs.google.com/forms/d/e/1FAIpQLScIueKTe8cO6NtyKsmP-dDzRCa5ER-ItkznUPorVsXpZLKD3A/viewform?c=0&w=1

Նյութի աղբյուրը. Հայտը լրացնել այստեղ