ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Հայաստանի հունահռոմեական և ազատ ոճի ըմբշամարտի պատանեկան հավաքականների անդամներին, որոնք օրերս մասնակցել են Բաքվում անցկացված աշխարհի մինչև 17 տարեկանների առաջնությանը։
Հանդիպմանը ներկա են եղել նաև Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը, ազգային հավաքականի մարզչական շտաբի ներկայացուցիչներն ու մարզիչները։
Աշխարհի Մ17 առաջնությունում Հայաստանի հունահռոմեական ոճի հավաքականը նվաճել է մեկ ոսկե և երկու բրոնզե մեդալ։ Աշխարհի չեմպիոնի կոչմանն արժանացել է Ջանես Նազարյանը, իսկ Արարատ Ավետիսյանը (48 կգ) և Գևորգ Հարությունյանը (51 կգ) դարձել են բրոնզե մեդալակիրներ։
Շնորհավորելով մարզիկներին և մարզիչներին՝ Ժաննա Անդրեասյանն ընդգծել է, որ Հայաստանի հավաքականի մասնակցությունն այս առաջնությանն առանձնահատուկ նշանակություն ուներ։
«Սա շատ կարևոր մասնակցություն էր։ Բոլորս աննկարագրելի հպարտության զգացում ունեցանք, երբ հնչեց Հայաստանի Հանրապետության օրհներգը, ու բարձրացվեց մեր եռագույնը։ Շնորհակալ եմ այդ հպարտությունը մեզ և մեր պետությանը պարգևելու համար»,- ասել է նախարարը՝ հավելելով, որ բարձր գնահատանքի են արժանի ոչ միայն մեդալակիրները, այլև աշխարհի առաջնությունում Հայաստանը ներկայացրած բոլոր մարզիկները։
Անդրադառնալով պատանի մարզիկների ապագային՝ Ժաննա Անդրեասյանը վստահություն է հայտնել, որ աշխարհի առաջնությունում արձանագրված արդյունքները նրանց մարզական ճանապարհի միայն սկիզբն են։ «Այս մասնակցությամբ դուք ապացուցեցիք, որ դեռ շատ բարձունքներ ունեք նվաճելու»,- նշել է նախարարն՝ ընդգծելով, որ պետությունը շարունակելու է հետևողականորեն աջակցել բարձր նվաճումների սպորտի զարգացմանը։
Ժաննա Անդրեասյանը բարձր է գնահատել նաև մարզիչների և Հայաստանի ըմբշամարտի ֆեդերացիայի ներդրումը՝ նշելով, որ գրանցված հաջողությունները համատեղ աշխատանքի արդյունք են։ ԿԳՄՍ նախարարի խոսքով՝ պետության համար սպորտի զարգացումը շարունակում է մնալ առաջնահերթ ուղղություններից մեկը. նա վստահեցրել է, որ պետությունը շարունակելու է կանգնել մարզիկների կողքին՝ նրանց աջակցելով միջազգային բոլոր կարևոր մրցաշարերում և ստեղծելով անհրաժեշտ պայմաններ՝ նոր հաջողությունների հասնելու համար։
Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը շնորհակալություն է հայտնել ընդունելության և շարունակական աջակցության համար՝ նշելով, որ նպատակը պատանի մարզիկների հետ հասնելն է մինչև Լոս Անջելես-2028 Օլիմպիական խաղեր։
ԿԳՄՍ նախարար Ժաննա Անդրեասյանն անդրադարձել է նաև սպորտային ենթակառուցվածքների զարգացմանը՝ նշելով, որ վերսկսվել են Արթուր Ալեքսանյանի անվան մարզահամալիրի շինարարական աշխատանքները, որոնք նախատեսվում է ավարտել երկու տարվա ընթացքում։
Նախարարի խոսքով՝ նպատակն է ստեղծել միջազգային չափանիշներին համապատասխան մարզահամալիր, որը հնարավորություն կտա Հայաստանում հյուրընկալել խոշոր միջազգային մրցաշարեր։ Այդ համատեքստում նա առաջարկել է արդեն սկսել աշխատանքները՝ մարզահամալիրի շահագործման առաջին տարում ըմբշամարտի Եվրոպայի առաջնություն անցկացնելու հայտ ներկայացնելու ուղղությամբ։
«Նման մրցաշարերը չենք դիտարկում միայն որպես մեկանգամյա միջոցառում։ Դրանք ներդրում են մեր մարզական համակարգի զարգացման, մարզական միջավայրի բարելավման և ապագա հաջողությունների համար»,- նշել է Ժաննա Անդրեասյանը:
Աշխարհի մինչև 17 տարեկանների չեմպիոն Ջանես Նազարյանը շնորհակալություն է հայտնել ընդունելության և շնորհավորանքների համար: Նազարյանի խոսքով՝ իր համար մեծ պատասխանատվություն և պատիվ էր Հայաստանն արժանավայել ներկայացնելը:
Նախարարը նաև առանձնահատուկ գնահատել է բրոնզե մեդալակիր Գևորգ Հարությունյանի կամային հատկանիշները, որը վնասվածքով շարունակել է պայքարը մինչև վերջ։
«Երբ տեսնում էի, թե ինչպես էիք պայքարում մինչև վերջ՝ նույնիսկ վնասվածքներով, հասկանում էի, թե որքան մեծ կամքի ուժ և նվիրում են պահանջվում՝ նման արդյունքների հասնելու համար։ Հենց այդ հատկանիշներն են ձևավորում մեծ մարզիկին»,- նշել է Ժաննա Անդրեասյանը՝ վստահություն հայտնելով, որ երիտասարդ ըմբիշների հաջողությունները շարունակական կլինեն։
Հանդիպման ընթացքում մարզիկներն ու մարզիչները նաև կիսվել են աշխարհի առաջնությունից ստացած տպավորություններով և ներկայացրել մրցաշարի կազմակերպման վերաբերյալ իրենց գնահատականները։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ԻՆՏԵՐԱԿՏԻՎ ՄԵԹՈԴՆԵՐԻ ԵՎ ՏՀՏ ԳՈՐԾԻՔՆԵՐԻ ԻՆՏԵԳՐՈՒՄԸ ՄԱԹԵՄԱՏԻԿԱՅԻ ԴԱՍԸՆԹԱՑԻՆ ՏԱՐՐԱԿԱՆ ԴՊՐՈՑՈՒՄ Մեթոդական մշակում և գործնական ուղեցույց «Անհայտ բաղադրիչի գտնելը» թեմայի օրինակով: Հեղինակ՝ Աննա Հարությունյան Սույն մեթոդական աշխատանքում ներկայացված է 1-ին դասարանում…
«Թվային ուսումնական ռեսուրսների և նախագծային մեթոդի կիրառումը անգլերենի դասավանդման գործընթացում. 4 ինտերակտիվ Flipbook-երից բաղկացած ուսումնամեթոդական փաթեթ» Հարգելի՛ գործընկերներ, ներկայացնում եմ ՏՀՏ գործիքների (FlipHTML5) կիրառմամբ ստեղծված ինտերակտիվ ուսումնական փաթեթ, որը համապատասխանեցված…
Բազմապատկումը թվաբանական գործողություն է, որի միջոցով միևնույն թիվը մի քանի անգամ գումարելու գործողությունը ներկայացվում է ավելի կարճ ձևով: Բազմապատկման աղյուսակի ուսուցումն արդյունավետ կազմակերպելու համար տեսական նյութը հիմնվում է մաթեմատիկական հասկացությունների…
Հարգելի՛ գործընկերներ, Տարրական դպրոցում հաճախ ենք հանդիպում իրավիճակների, երբ աշակերտը սխալ է պատասխանում, սխալ է լուծում առաջադրանքը կամ դժվարանում է արտահայտել իր միտքը: Այդ պահին մեր արձագանքը կարող է էական…
Հարգելի՛ գործընկերներ, դասը պլանավորելիս մենք նախապես մտածում ենք նպատակների, առաջադրանքների, մեթոդների և ժամանակի մասին: Սակայն դասարանում միշտ չէ, որ ամեն ինչ ընթանում է նախատեսվածի պես: Իմ կարծիքով՝ լավ դասի պլանը…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
