ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հայաստանի Հանրապետության կառավարության և Չեռնոգորիայի կառավարության միջև այսօր ստորագրվել է կրթության, գիտության և նորարարության ոլորտներում համագործակցության համաձայնագիր, որը վավերացրել են ԿԳՄՍ նախարար Ժաննա Անդրեասյանը և Չեռնոգորիայի կրթության, գիտության և նորարարության նախարար Անջելա Յակշիչ Ստոյանովիչը։
Հանդիպմանը ներկա է եղել նաև ԿԳՄՍ նախարարի տեղակալ Արթուր Մարտիրոսյանը:
Փաստաթուղթը նախատեսում է փորձի փոխանակում, Բոլոնիայի գործընթացի սկզբունքների իրականացում, Եվրոպական բարձրագույն կրթական տարածքի զարգացմանը նպաստող նախաձեռնությունների խրախուսում, ինչպես նաև ազգային կրթական համակարգերի արդիականացման ուղղությամբ համագործակցության ընդլայնում։ Կողմերը պայմանավորվում են խթանել կրթական, գիտական և նորարարական հաստատությունների միջև համագործակցությունը, զարգացնել ակադեմիական շարժունությունը և ընդլայնել համատեղ մասնակցությունը միջազգային կրթական ու գիտական ծրագրերին։
Ողջունելով Չեռնոգորիայի կրթության, գիտության և նորարարության նախարար Անջելա Յակշիչ Ստոյանովիչին՝ նախարար Ժաննա Անդրեասյանը կարևորել է երկկողմ համագործակցության զարգացումը՝ ընդգծելով, որ ստորագրված համաձայնագիրը ստեղծում է ամուր ինստիտուցիոնալ հիմք երկարաժամկետ գործընկերության համար։
Նշվել է, որ Հայաստանը և Չեռնոգորիան ունեն գործնական և արդյունքահեն համագործակցություն ձևավորելու բոլոր նախադրյալները՝ համալսարանների, գիտական կազմակերպությունների և երիտասարդ հետազոտողների միջև անմիջական կապերի զարգացման ուղղություններով։ Նախարարի գնահատմամբ՝ ստորագրված համաձայնագիրը նոր հնարավորություններ կստեղծի երկու երկրների ուսանողների, դասախոսների, գիտնականների և հետազոտողների համար՝ խթանելով գիտելիքի փոխանակումն ու համագործակցության զարգացումը։
Հանդիպման ընթացքում ՀՀ ԿԳՄՍ նախարարը ներկայացրել է Հայաստանի կրթական բարեփոխումների հիմնական ուղղությունները՝ անդրադառնալով մինչև 2030 թվականը կրթության զարգացման պետական ծրագրին, կրթության թվային վերափոխմանը, ենթակառուցվածքների և դպրոցաշինության ծրագրերին և կրթական համակարգում արհեստական բանականության ներդրմանը։ Նա առանձնացրել է ավագ դպրոցներում իրականացվող «ԱԲ սերունդ» և STEP.AI կրթական ծրագրերը, ինչպես նաև «AI Generation» բազմաստիճան նախաձեռնությունը, որն ուղղված է արհեստական բանականության ոլորտում մասնագետների պատրաստմանը՝ դպրոցից մինչև հետբուհական կրթություն։
Այս համատեքստում Ժաննա Անդրեասյանը նշել է, որ ԿԳՄՍ նախարարության և OpenAI-ի ընկերության համագործակցությամբ ChatGPT Edu գործիքը սեպտեմբերից հասանելի կդառնա Հայաստանի կրթական համայնքին՝ ապահովելով շուրջ 50 հազար բաժանորդագրություն ուսանողների, դասախոսների և հետազոտողների համար։
Անդրադառնալով «Ակադեմիական քաղաք» ծրագրին՝ նախարարը նշել է, որ այն նպատակ ունի ձևավորել միջազգային չափանիշներին համապատասխան կրթական, հետազոտական և նորարարական միջավայր, որտեղ մեկ հարթակում կհամախմբվեն բարձրագույն կրթությունը, գիտությունը և նորարարությունը։ Ընդգծվել է նաև, որ Հայաստանը հետաքրքրված է ծրագրի շրջանակում միջազգային գործընկերների, այդ թվում՝ Չեռնոգորիայի հետ համագործակցության ընդլայնմամբ։
Չեռնոգորիայի կրթության, գիտության և նորարարության նախարար Անջելա Յակշիչ Ստոյանովիչը շնորհակալություն է հայտնել ընդունելության համար և կարևորել Հայաստանի հետ համագործակցության խորացումը։
Հանդիպման ընթացքում անդրադարձ է կատարվել ոչ ֆորմալ կրթության ոլորտում Հայաստանի հաջողված փորձին։ Անջելա Յակշիչ Ստոյանովիչը հետաքրքրվել է Չեռնոգորիայում ԹՈՒՄՈ ստեղծարար տեխնոլոգիաների կենտրոնի մոդելի ներդրման հնարավորությամբ։ Ի պատասխան՝ Ժաննա Անդրեասյանը նշել է, որ ԹՈՒՄՈ-ի կրթական ծրագիրն արդեն հաջողությամբ գործում է աշխարհի մի շարք երկրներում և շարունակում է ընդլայնել իր աշխարհագրությունը՝ պատրաստակամություն հայտնելով աջակցել փորձի փոխանակման հարցում։
Հանդիպման ընթացքում Հայաստանի և Չեռնոգորիայի նախարարները անդրադարձել են համատեղ կրթական և գիտահետազոտական ծրագրերի իրականացման, ուսանողների, դասախոսների և երիտասարդ գիտնականների շարժունության ընդլայնման, մասնագիտական կրթության և ուսուցման (ՄԿՈՒ/VET) ոլորտում համագործակցության, Erasmus+ և Հորիզոն Եվրոպա ընդլայնման հնարավորություններին։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ԻՆՏԵՐԱԿՏԻՎ ՄԵԹՈԴՆԵՐԻ ԵՎ ՏՀՏ ԳՈՐԾԻՔՆԵՐԻ ԻՆՏԵԳՐՈՒՄԸ ՄԱԹԵՄԱՏԻԿԱՅԻ ԴԱՍԸՆԹԱՑԻՆ ՏԱՐՐԱԿԱՆ ԴՊՐՈՑՈՒՄ Մեթոդական մշակում և գործնական ուղեցույց «Անհայտ բաղադրիչի գտնելը» թեմայի օրինակով: Հեղինակ՝ Աննա Հարությունյան Սույն մեթոդական աշխատանքում ներկայացված է 1-ին դասարանում…
«Թվային ուսումնական ռեսուրսների և նախագծային մեթոդի կիրառումը անգլերենի դասավանդման գործընթացում. 4 ինտերակտիվ Flipbook-երից բաղկացած ուսումնամեթոդական փաթեթ» Հարգելի՛ գործընկերներ, ներկայացնում եմ ՏՀՏ գործիքների (FlipHTML5) կիրառմամբ ստեղծված ինտերակտիվ ուսումնական փաթեթ, որը համապատասխանեցված…
Բազմապատկումը թվաբանական գործողություն է, որի միջոցով միևնույն թիվը մի քանի անգամ գումարելու գործողությունը ներկայացվում է ավելի կարճ ձևով: Բազմապատկման աղյուսակի ուսուցումն արդյունավետ կազմակերպելու համար տեսական նյութը հիմնվում է մաթեմատիկական հասկացությունների…
Հարգելի՛ գործընկերներ, Տարրական դպրոցում հաճախ ենք հանդիպում իրավիճակների, երբ աշակերտը սխալ է պատասխանում, սխալ է լուծում առաջադրանքը կամ դժվարանում է արտահայտել իր միտքը: Այդ պահին մեր արձագանքը կարող է էական…
Հարգելի՛ գործընկերներ, դասը պլանավորելիս մենք նախապես մտածում ենք նպատակների, առաջադրանքների, մեթոդների և ժամանակի մասին: Սակայն դասարանում միշտ չէ, որ ամեն ինչ ընթանում է նախատեսվածի պես: Իմ կարծիքով՝ լավ դասի պլանը…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
